السلام عليكم ورحمة الله وبركاته
اخواني
عندي مساحه تقريبا 11 * 7
ناوي ابني عليها مجلس خارجي وقبو
لكن السوال هل البلديه توافق لي
وثانيا الله يجزاكم خير
كم ممكن تكون تكلفة البيسمنت في الوقت الحالي بنفس المقاس السابق
ولكم جزيل الشكر
السلام عليكم ورحمة الله وبركاته
اخواني
عندي مساحه تقريبا 11 * 7
ناوي ابني عليها مجلس خارجي وقبو
لكن السوال هل البلديه توافق لي
وثانيا الله يجزاكم خير
كم ممكن تكون تكلفة البيسمنت في الوقت الحالي بنفس المقاس السابق
ولكم جزيل الشكر
عليكم السلام ورحمة الله وبركاته
إخوي حسب تصميمك ومواصفاتك بتكون التكلفة وشغل العزل
تشطيب مجلس بجبس مغربي وشغل معقد له سعر وتشطيب مجلس عادي بدون جبس طبقات وبألمنيوم رخيص يفرق كثير .. حتى التصميم قد ما يكون كله خرسانات بتجيك التكلفة عالية ولو كان اقتصادي بيكون أرخص بكثير
البيسمنت مسموح بس يمكن تدخل في تعقيدات حسب منطقتك وحسب قوانين التخطيط لو مساحة بيتك كبيرة
نصيحتي تسوي البيسمنت بنظام صرف للمياه الجوفية وبحماية عن المياه وتسوي جزء منه مفتوح بتجويف نازل مثل المنور ودرايش وأبواب تطل على التجويف وممكن تزرع فيه زراعة في اصيصات
عندي تصاميم وأمثلة وآخر مثال سويته حق واحد من الربع بس كان مجلس كبير 30 في 15 ولا اظن بيبنيه
مهم تسوي مناور للمجلس أما سقفية أو جانبية علوية للنور الطبيعي وتسوي عزل حراري للجدران والسقف
طبيعي تكلفة البيسمنت وأرضيته كلها خرسانة وسقفه خرسانة تكون ضعف تكلفة الدور العادي .. هذا للهيكل يعني لو بنيان عظم للدور العادي 2000 ريال للمتر للبيسمنت 4000 ريال .. عندك 77 متر مربع تضربها في اجمالي حول 6000 ريال للدورين تطلع لك 462000 وممكن تحصل سعر شوي أقل بعدين تعتمد على أي تشطيبات خاصة بيزيد السعر .. مثل لو تبغي تكييف مركزي أو دكت سبلت
هذي فكرة تصميم لأحد الإخوان كان طالب مساحة 15 في 15 في أرضه و 15 في 15 في أرض إخوه جنبه وبيسمنت كافي حق مكاتب إدارة لهم + مخزن + سكن للضيوف وكان طالب السكن فوق المجلس .. يعني بيسمنت وأرضي وأول .. بس مشكلة الموافقات صعبة والمساحة تكفي لعزل غرف الضيافة عن غرف الإدارة وكذلك لعمل مخزن كافي تحت والمجلس فوق
الخطوط الحمر المتقطعة هي حدود الأرض وممكن قسمها قسمين أي وقت وفتحها على بعض أي وقت نحتاج .. وهذا الجزء اليسار من البيسمنت ومحاط من ثلاث جهات بتجويف نازل وسور عازل عن حوش البيت جنبه
وهذي صورة الجزء السكني اليمين والمخزن بابه ما رسمته بس ممكن يكون صوب الممر الخارجي أو الممر الداخلي وممكن يكون غرف كذلك .. نشوف الرجال يمشي في الممر المفتوح للسماء والمعزول بسور من فوق عن البيت .. حتى المجلس نقدر نحط فيه نوافذ في كل جهة لو حبينا
وهذي صورة للمجلس بكامل محتوياته في الدور الأرضي .. مدخل للبيت بيكون من جهة غرفة الطعام ومدخل موضح تحت .. ومصعد ودرج للتنقل بين تحت وفوق والسور العازل يعزل البيتين بالكامل عن المجلس الا من خلال أبواب أصحاب البيتين
وهذي الواجهة المناور العلوية تم عملها على شكل بادقير مغطى بالزجاج من الجوانب وبعضه ملون
وهذا مقطع ما كملته يوضح على اليسار الأرضية النازلة للبيسمنت ولازم فوقها يكون ممر مثل الجسر من حوش البيت لين غرفة الطعام .. عرض الممر متر وارتفاع سوره بيكون حول 6 أمتار .. صحيح بيبين غزير لكن القصد منه التهوئة والإنارة وإبعاد أي رطوبة عن البيسمنت لدرجة حيطان البيسمنت بتكون طابوق عادي وبدون عزل عن المياه .. طبعاً تصريف بسيط للمياه بيكون عن طريق حفرة امتصاصية
والمنهولات للحمامات والمضخة لرفع الصرف الصحي عبر منهول رئيسي سهلة ومكانها متوفر وسهل الوصول لها وصيانتها
للأسف تم الغاء المشروع من الملاك وممكن يسونه وقت لاحق والله أعلم والا ما كنت باحطه لكن يعتبر مثال وأكيد بيتم تغييره
الله يعطيك العافيه وكل الشكر والتقدير لك اخوي معماري
على الرد المفصل والتوضيح الجميل ماقصرت والله
طرحك افادني جدا وخذيته وطبعته عندي وان شا ءالله
بيكون لي مرجع اذا بديت بالبيسمنت ان شاءا الله
كل الشكر لك مره ثانيه وتسلم يمناك لاعدمتك اخوي الكريم
العفو يا اخوي
هذي الطريقة تضمن لك عدم التسريب من ثلاث جهات وتسوي بنيان عادي بدون خرسانة .. جهة الشارع أحسن تسوي طريقة تصريف ببايب مخرم ملفوف بقماش خاص يجمع الماء ولا يسرب التربة وينسد .. ويحول المياه لمنهول أو حفرة امتصاصية
تضمن لك وجود مناور ودرايش عادية وحتى أبواب + وجود حديقة نازلة وتقدر تسوي حديقة رأسية لو عندك فراغ لها على السور النازل + إستغلال تام للمساحة تحت المجلس
تقدر تسوي في البيسمنت سينما منزلية أو غرفة سايق مع مخزن أو حوض سباحة أو صالة رياضية والمساحة عندك تتضاعف من 77 الى 154 متر مربع بس العقول اللي في التخطيط الله يعينك عليها
أعرف شخص مسوي 2 بيسمنت تحت المجلس واحد حوض سباحة وواحد مخزن كبير وحوض السباحة معاه حلاق وغرفة مساج وسونا وصالة رياضية وجلسة .. والمساحة مقاربة للمساحة عندك
ead.php?t=284476"]اندونيسيا كما رأيت يوليو 2009 بقلم بوخالد911 وتصويره[/URL]
[/COLOR]
سفرتي الى سنغافورة + استراليا + بانكوك 2008
سفرتي الى بانكوك مارس 2009
هو يذكر لي قصة البنيان يقول حفرنا واندمجنا في الحفر لقينا طلع يكفي 2 بيسمنت .. لكن بيسمنت المخزن عجيب .. امشي فيه منحني اخاف راسي يحك فوق بالكثير ارتفاعه متر و80 سم وخلاه لتخزين عدة الكهرباء والمواد الغالية .. الدرج له حلزوني بلاط وضيق ونازل بطريقة مزعجة لكن يمشي الحال
فيديو يشرح طريقة شفط المياه الجوفية
https://youtu.be/Qk_Sh72-QRU