الله يشفيها ويشفي جميع مرضى المسلمين
دواء
Metformin
جلوكوفاج
لازم تاخذ شرح من الطبيب والصيدلي
انك تاخذ 500 mg اول اسبوع
1000 mg ثاني اسبوع
1500 ثالث اسبرع
وفي رابع اسبوع تستمر مع الدواء بجرعه 2000
الدواء مفيد لمرضى السكر النوع الاول والثاني
السبب انه يزيد فعاليه الانسلين في الدم بمعنى يقوي الانسلين بالتالي يساعد في خفض السكر
ولازم تصل للجرعه الكافه وهي 2000 mg
الله يشفي جميع المرضى ويكون بعونكم
الله يشفي امهات المسلمين
جزء من الحل هو تشديد الرقابة في هذه الجهات التي يفترض انها تابعه للصحه العامه.
سبحان الله وبحمده
الله يشفيها يارب وتنحل مشكلتها..
بشكل عام بما اني ارافق الوالد والوالدة لعيادات مستشفى حمد قسم الغدد والسكر
استغرب مثل هالموضوع ومثل هالشكوى.. لكني ما استبعدها اذا حدثت..
ولما استنكر مثل هالامر.. لأن ولله الحمد والشكر له ولكل فرد مسؤول في تقديم الخدمات
الطبية في مؤسسة حمد العام.. عمرنا ما لقينا اهمال في قسم السكر ..
وفي الفترة الأخيرة لاحظت هالشي مع ابوي واختي لاحظته مع امي..
المريض عند الطبيب يتحول على متابعة القدم.. الحقن الموسمية.. او التثقيف الصحي.. كل 6 شهور
يطلبون من المريض مراجعة التثيقف الصحي.. كل جهاز او ابرة جديدة يتحول اوتوماتيكيا للتثقيف الصحي..
وان استصعب على المريض او المرافقين له شي بخصوص التثقيف الصحي .. يطلع من غرف الطبيب
ويدخل على الغرفة المخصصة للتثقيف الصحي ومب مقصرين معاه ولله الحمد لهم كل الشكر ..إضافة الى مواعيد
لكل عيادة تخصصية قد يحتاجها المريض .. في أمور تصير اوتوماتيكا وفي أمور تحتاج الى وقت لحجز المواعيد..
نرجع لقضية امنا الفاضلة اللي عانت من طول فترة دخولها على الطبيب..
وتأجيل المواعيد خلال هالفترة وتغيير حالتها المرضية دون متابعة من أحد!!
لازم كلنا نستوعب نقطة مهمة.. ان الوالدين لما يكبرون يكونون بحاجة ماااسة الى رعاية عيالهم لهم
وحالة الام الفاضلة صاحبة المشكلة تبين لنا اشلون هالام تضاعفت حالتها لأن مافي حد مستوعب المشكلة
اللي هي فيها..
ففي حالتها.. كأقل تقدير عند تأجيل المواعيد هو أخذها الى طوارئ مستشفى حمد.. اللي في مثل هالحالات
يستدعون طبيب متخصص للسكر يعيد صرف علاجات جديدة لها.. وفي الوقت نفسه ملفها موجود وفيه كل البيانات
والجرعات وأنواع الانسولين و غيره من ادوية..
اما تبقى المريضة على نفس العلاج خلال سنة كاملة في انتظار الحصول على موعد في العيادات
امر غير مقبول.. و ممكن نتقبله في حال وجود حالة او ثنتين مالهم حد يرعاهم او يعرف لهم..
لكن بيت فيه عيال المفروض نتحمل جزء بسيط من مسؤوليتنا في وجود مثل هالمشاكل
اللي يتعرضون لها كبار السن اللي يدفعون ثمن مشكلة تأخير المواعيد في حمد إضافة الى مشكلة
تلاهي الأبناء عنهم..