اقتباس المشاركة الأصلية كتبت بواسطة معماري قطري مشاهدة المشاركة


أعرف واحد درست مخططاته باني بنيان من تصميم مكاتبنا الفتية .. كله خرسانات وكمية حديد كبيرة ونصحته بالتقليل واعادة التصميم بس مستعجل

عرض مخططاته لعدة مقاولين عطوه أسعار عالية .. مساحة البناء 1700 وحصل مقاول انتحاري قال بيبنيه ب 2 مليون عظم ومقاول قوي قال ب 2.8 مليون .. يعني بمعدل من 1176 - 1647 .. خذ الأقل مع إنه فاوض الأعلى ونزل لين 2.2 مليون .. بعد فترة لاحظ الأقل بطيء وشغله تعبان للغاية وتصافى وياه وطلعه .. واتفق مع غيره بإكمال الشغل وتوفير 100 ألف من العقد الأول وبعد تورط بواحد بطيء جداً وطرده وألحين يكمل بروحه وحاط فورمان يشرف وينفذ باتفاقيات خاصة وبدون موازنة معروفة

اللي نوصل له المقاولين اللي يسعرون بالمتر لتصدقهم ولا تتبع اسلوبهم هم بروحهم يتفاجئون بخساير كبيرة ويحبون يطلعون بدون مشاكل

كنا لين درسنا عروض المقاولين وتجينا مسعرة حسب حساب كميات .. ولو شفنا سعر وايد نازل حق بند معين نسأل المقاول كتابياً هل أنت متأكد .. والمقاولين يكونون مختارينهم حسب معايير معينة للشغلة ما يدخل بينهم مقاول ضعيف .. وأحياناً نستبعد الأقل وناخذ اللي أعلى منه وأوقات كثيرة يشتكي المقاول بأنه ما حسب حساب شغلة معينة .. واستوت حتى قضايا ومقاول طالب ب 100 مليون ريال تعويض وحصلها وكانت ظروف القضية كلها في صالحه
سعر البناء هنا غالي جدا راح تكون عروضنا افضل باذن الله