السلام عليكم
احنا بنمر سويسرا في لفه سريعه على انترلاكن
ابي رايكم فالآتي :
- فندق VICTORIA-JUNGFRAU Grand Hotel and Spa شرايكم فيه ؟
- شنو الزحليقة الصيفية المشهورة في انترلاكن ، Heimwehfluh او Sommer Rodelbahn اللي في Grindelwald ؟ والا اثنينهم زينين ؟
- ابي اروح قمه ثلجية ومايكون فيها تعب وايد ، ماشاء الله الجبال هناك وايد ف بشنو تنصحون ، جنقفرو او تتلس او شيلتهورن ؟
ومشكوووووورييين
وعليكم السلام اخويالمشاركة الأصلية كتبت بواسطة S.T.Y.L.E
الفندق موجود بقلب انترلاكن ، طبعا افضل وافخم فندق في المكان وبنفس الوقت اغلاهم
اذا لقيت فيه حجز والسعر مناسبك ، احجز ولاتتردد
بالنسبه للزحليقيات للاسف مارحت ولا وحده فيهم ، ان شاءالله هالصيف نروح
وقمم الجبال : اونسهم واكبرهم قمة جونقفرو ، لكن الروحه لها من انترلكن بالقطار ومدتها ساعتين
وفيها محطه تبديل في جريندوالد
تتلس موجوده ب لوسيرن ، الذهاب لها بالسياره ب ساعه ونصف
والصعود للقمه بالتلفريك وبكل سهوله
قمه شيلتهورن : مازرتها والله
انشاءالله باقي الاعضاء يفيدونك
وبالتوفيق
اذا تحب المناظر انصحك تسكن بجرايندالوالد تبعد 13 كيلو عن انترلاكن مناظر خرافيه وممكن تشوف لها مقاطع باليوتيوب. بنفس الوقت بتكون اقرب لقمة جنفرو. انا في احدى زياراتي سكنت بفندق فيكتوريا الفندق ماعليه كلام افضل فندق هناك بس انه جاي وسط المدينه وبعيد شوي عن المناظر الحلوه. القرار راجع لك. بالنسبة لفنادق قرية جرايندالوالد معظمها ثلاث نجوم او أكواخ وبالعاده مافيها مكيفات يعني اذا بتروحون بالصيف بيكون الامر مزعج فحط هالنقطه ببالك.
شكرا على الرد
عيل شكلي غالبا بروح تتلس لان الهدف الثلج مب شي ثاني
اتمنى فعلا تكون الرحلة سهله ، بسكن في انترلاكن مب مشكلة المشوار ساعه ونص بروح من صبح
بمر فالصيف ف لازم مكيف ومكان عدل وجي ، تسلم لي على الرد
منتظر اراء الاعضاء بعد
ضوابط المشاركة
رد مع اقتباس