مكان وجود لوحة المفاتيح الكهربائية الرئيسية للفيلا ( db )

[معماري قطري]

panel board هو المجمع الرئيسي داخل الفيلا و الذي يتفرع منه distribution board مجمع للدور الارضي و الاول و السطح و الملحق الخارجي

حق البيوت أشوف يسوون الإثنين مع بعض في الغالب لكن اللي للأول أكيد في الأول ومثله حق بقية الأدوار ويستحسن يكونون على نفس الخط الرأسي فوق بعض يعني

[معماري قطري]

انا سويته عندي في الصالة قبل الدرج ومسويين له كسرة داخل الحائط ومغلفة ببورد خشب وبيبان وطلع شكله حلو ومناسب مع بقية بيبان البيت

باحاول اصوره بكرة بإذن الله

فوق لفينا الكيبل شوي في بايب تحت البلاط حق مجمع الدور الأول وحق البنتهاوس بعد شوي غير بس إثنينهم في درج الخدمات .. اللي في الدرج ما سوينا لهم تغطية بخشب

[معماري قطري]

اقصد لوحة توزيع الكهرباء الرئيسية والتي

توصل بين كيبل الشارع وكهرباء البيت .

موجوده ف الممر ، وعشان انقلها في زاوية

ميتة تحت الدرج الدائري ، تكلفني

تقريبا 8 الاف ريال + حفر 5 متر من

الخرسانية الارضية للصاالة و الممر .


فما الراي الافضل نقلها او تركها في الممر ،

علما ان اكثر خوفي من تكسير الخرسانة وتاثر الرخام فيها مستقبلا

ما دامك سويت خرسانة حتى تكون تحت البلاط أكيد تكسيرها بيضعفها وتقدر تتفادى المشكلة بعمل تجويف بسيط بحدود 20 سم للبوردات وتغطي هذا التجويف بأبواب خشبية .. بالعكس منظرها حلو وأحلى من الحائط العادي وفتحها سهل للصيانة ولا تدخل في تكاليف ما لها داعي

[معماري قطري]

لازم اوضح بالصور

المكان في زاوية صالة الدرج ويمين يبين باب يودي على المجلس ويمينه ما يبين يمكن بس طرفه باب المدخل من الحوش .. ووراي كان الدرج .. ويسار فيه باب غرفة بس شوي بعيد

ماخذ طول حول 3 متر وعرضه متر تقريباً وعمق التجويف داخل كنت احسبه 20 طلع حول 50 أو 60 سم



أرضيته شوي مرتفعة حتى ما يوصله أي ماي غسيل ومن تحت فيه فتحات لدخول الهواء البارد



من داخل حتى ما اهتميت بالصبغ .. وفي اليسار فيه كيبلين كنت مسوي لهم الدكت وركبناهم بعد كم سنة من انتهاء البناء حق كهربة حوض السباحة ومكيفاته .. كان البيب مسكر بشوية رغوة شلناها وركبنا الكيابل الكبار



هذا الجزء العلوي

[معماري قطري]

عندي حمل الكهربة كبير وإشترطوا اسوي غرفة خارجية حق الكهرباء وسويتها جنب باب الحوش

[الكفــــــو]

أشكر كل من تفاعل و شاركني الراي عبر هذا البوست

والله أسأل أن يجعل بيوتكم عامرة بالأفراح و المسرات

[معماري قطري]

لا تتردد أي شيء حاول تسأل عنه قبل

ولكل مشكلة عدة حلول وأوقات الحل ما تسوي شيء تجميل بسيط يكفي

[معماري قطري]

الكسرة اللي سويتها حق مجمع الكهرباء تبين داخل الغرفة بس وزنتها بكبت جاي على خط واحد وضاعت استوت ما تبين ويبين الكبت داخل في الطوفة بالضبط نفس تغطية الكهرباء

[الفني]

مرحبا اخوي شيك الخاص

[الكفــــــو]

شاكر و مقدر للجميع مشاركاتهم و تفاعلهم

بعد الإتكال على الله ، ومن رؤية فنية تم الإبقاء على المكان الأساسي ( في الممر )

لوجود عدة كيبلات تجمعها هذه اللوحة وتحتاج تكسير أو رفع الأرضية ، مع عمل أدراج ديكورية للمحافظة على جمال المكان .