الصيد الجائر للحيوانات

[R 7 A L]

اغلبنا نستنكر مايحصل من بعض الشباب هل القنص
اوقات القنص من الصيد الجائر للحباري والارانب والكروين الي ( فوق الحاجة )
لا يأكلونه ولا يخلون صيورهم او سلقانهم تاكلها واخر شي بعد مايصيدونها يهملونها ويحذفونها طيب ليش ؟

اليوم وانا اتابع احد مشاهير المقناص عندنا واحد مشاهير السناب في احدى المحميات العالمية
انهم صادو غزلان بكميات اكثر من عددهم لين هنا الوضع عاد
الي ماهوب عادي احدهم قام بصيد ( زرافة ) تخيلو صاد زرافة بشوزن
طيب ليش تذبحها بتاكلها ؟
خلها ياخي الله يهديك تنتج وتكاثر

الضبان
شتبون فيها
قل عليكم لحم الخرفان والسمك والدجاج ؟

[الماريّة]

شكلك ماتدري ان فيه عوايل في الجبيل ياكلون الزراف

وينعازمون عليه. يابلفيت من الكرم بحجم الذبيحه

[aloosh]

هلا رحال
انا شفت مشاهير قنص في دوله افريقيه صيد جائر صراحه يذبحها للمتعه فقط اذا بياكلون ظبي واحد في اليوم
وعندنا في قطر اخبر هبوا في الحمام مو المحلي البري وكاد ينقرض
الصيد الجائر لا يجوز يجب الحفاظ على سلاله بعض الحيوانات

[R 7 A L]

شكلك ماتدري ان فيه عوايل في الجبيل ياكلون الزراف

وينعازمون عليه. يابلفيت من الكرم بحجم الذبيحه

وين الزراف منهم ؟

[معماري قطري]

صباح الخير جميع

أعتقد محرم الصيد لمجرد الصيد بدون استفادة

شفت من أيام مقطع حق فلبينيين يصيدون ضبان في السعودية والمفروض ينتبهون لهم ويمنعونهم .. وكنت ناوي اكتب عن الموضوع وسبقني رحال الله يحفظه ويكون سباق للخيرات دوم

الفلبينيين يسوون شوربة ضب يام على وزن توم يام .. خصوصاً اللي في الكامبات والعمال ولو ما تم منعهم بتنقرض من قطر

في كورس بيئة في أمريكا أذكر المحاضر سئلنا شتتوقعون أول كارثة بيئية في العالم بسبب البشر وين حصلت .. وجاوبنا اجابات كلها غلط بعدين قال تصحر المنطقة العربية .. وهو مب تصحر بس حتى الحيوانات اللي فيها انقرضت وأولهم الأسد العربي والفهد وحيوانات كثيرة غير

إستغربت إن كان حطب الأشجار المادة الرئيسية للبناء هنا في ما قبل التاريخ وحسب دراسات جيولوجية وبيئية .. وكان الخليج منخفض ولا فيه بحر كان كله حيوانات وزراعة ومع الاحتطاب وسيلان الأنهار للمنخفض وكذلك ذوبان الجليد وارتفاع منسوب البحار .. إستوت فتحة من صوب مضيق هرمز ودخلت مياه المحيط ونشأ بحر الخليج

[معماري قطري]

من يتذكر شكثر حمير برية قبل مهدودة في قطر .. إنصادت كلها وترحلت حق ايران

[حمد 2002]

بس شلون انعرف اذا يأكلونها او لا ؟

يمكن يتبرعون ابها للمحتاجين ، الله اعلم . او ياكلونها !! ، بعد الظلم مب زين .


تحياتي .

[thelord007]

قبل كان اصطياد الحيوانات والطيور من اجل تامين الغذاء للانسان
ولكن اليوم توفر مايحتاجة الانسان وبابسط السبل من نعم الله وخيره
وللاسف انقرض الكثير من انواع الحيوانات بسبب اعتداء البشر عليها واصبح ماتبقى للكثير من الانواع على حافة الزوال
وبسبب الانسان وارضاء غروره وظلمه لها ....
الله تعالى خلق هذة المخلوقات لتشاركنا الحياة على هذه الارض و ولم يخلقها عبثا فكل نوع منها له دور من اجل التوازن واستمرار حلقة الحياة
اتمنى من كل شخص يزهق ارواح هذه المخلوقات ان يعلم بانها حرررررررررررررررام وليتقي الله بها وليرحمها ويوفر لها سبل الحياة بدل من ان يتمتع بقتلها

[ولد العرب]

موضوع شيق

[الماريّة]

وين الزراف منهم ؟

والله شفت في الاستجرام ناس من اهل الجبيل

يتعشونها مسوينها عزيمه

ويوم سالت ابي اتاكد قالوا نعم ناكلها

عاد مدري صورهم برى الجبيل او هم مستوردين لحومها

وعادني بدور الصور. وبحطها لك