محل ام صلال للمفروشات

[Azizuk]

المفروض اي محل تجاري شركة أي مؤسسة ينحط مسوول عليه منع سفر هو وصاحب الشركة لين يسدد جميع حقوق الناس بعدين يقدر يغادر البلاد او يحط بداله حد يكفله بمنع السفر او اي محاسبه قانونيه في المحكمة

اللي اعرفه في اشخاص ممنوعين من السفر عليهم قضائيًا شنو يسوي يكفل له اجنبي عليه منع سفر والاجنبي يسافر وهذا ياخذ مبلغ والاجنبي يسافر عادي والا يرجع وهالقطري اللي عليه قضايا مايهمه هو عليه منع سفر من الاساس

المفروض المحكمة ماتقبل اي شخص ان يكفل حد عليه قضية او منع سفر وحتى لو يكفل حد هو يتحمل قضية اللي كفله

والشي الثاني اي شخص عليه قضية ماسمح له بالسفر او يجيب كفيل يكفله الا اذا حط ضمانات

المشكله كل الاخطاء تنحط على المواطن انت وانت سمحت له وفتحت له المجال والقوانين تسمح للاجنبي يتلاعب ويخادع القانون

كثير من الامور والقوانين لازم تتغير كثير من الاجانب لما يستأجر منزل مايغير الاسم عند كهرماء واوقات يتم الاسم على المستأجر السابق او صاحب البيت واوقات كهرماء مايسجلون الارقام عشان تجيك فاتورة او ان تعرف هذا العقار عليه فاتورة ماتسددة وتتراكم المبالغ وتتفاجئ مره وحده ان عليك مبلغ كبير من اللي يدفع مالك العقار انتبهو من هالنقطه انك تتاكد الاسم تغير من المستأجر السابق الى المستأجر الجديد وتاخذ ورقة مخالصه ان ماعليك شي من الفواتير

القهر المستأجر السابق كيف يغادر البلاد وعليه مبالغ متراكمة ومادام الفاتورة تعدت قيمة التامين المفروض يتم قطع الكهرباء

ودايمن الوم على مالك العقار ان يتاكد تم دفع جميع المبالغ وتغير الاسماء لانك في الاخير راح يحاسبون المالك يدفع المبالغ اللي على العقار حتى شهادة الى من يهمه الامور ماتقدر تحصل عليها مادام عندك عقار في عليه فواتير متاخره حتى لو مب بأسمك الفاتورة

خاطري القوانين والانظمة تكون صارمة على الجميع مب بس على المواطن كله عليه الخطاء والقانون لا يحمل مغلفين هالجمله دايمن نسمعها من المسؤلين تقهرك زود