النتائج 1 إلى 9 من 9

الموضوع: فزعتكم يالربع محتاج شركة للصحي في البيت

  1. #1
    عضو
    رقم العضوية
    46204
    تاريخ التسجيل
    Oct 2013
    المشاركات
    52

    فزعتكم يالربع محتاج شركة للصحي في البيت

    السلام عليكم


    انا قريت في المنتدى عن نظام الصحي بدون منهولات لا المقاول ولا الاستشاري عرفوه
    وصار لي شهور ادور وماحصلت
    يا ليت تدلوني على ناس متخصصين لأعمال الصحي في البيت
    وفي اسرع وقت لان البيت واقف على هالموضوع

  2. #2
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    عليكم السلام ورحمة الله وبركاته

    أول مرة اسمع عن استشاري ما عنده اطلاع وكثير يدعون عدم المعرفة

    ما دام تصميم السلوبات موجود يبقى عندك مواصفات التربيط والكوعات اللي على شكل واي .. وأبسط شيء تقول للي ما يعرف سوه بمنهولات لكن خله مب مفتوح على المنهول ركب وصلات وخله نظام مغلق

    واحد من الربع يبني ألحين وتعب مثلك لين حصل واحد فاهم وسوى له وراواني الصور .. قلت له أرسلها لي شكله خاف ما يبي حد يعرف وأشوفه كل يوم واذكره ولا يبي يرسلها يبي يكون هو الوحيد في قطر اللي مسوي هالنظام .. شوف هبوورث عند محطة عزيز فيه عندهم نظام بايبات انجليزي بس يمكن يعطونك فكرة عن الوصلات اللي على شكل واي بالانجليزي .. وشوف في المواضيع هذي بتحصل صور حاطينها الشباب والله نسيت أي موضوع .. ولا تنسى الرداد بعد هذا قفل يمنع ارتجاع الصرف والروائح للحمام

    المقاولين ينفذون تصميم وأي تصميم مستعدين ينفذونه ولازم اشراف على التصميم لمتابعة التصميم .. لو الإستشاري ما يعرف المقاول طبيعي يقول لك مب فاهم شلون الطريقة لأنه بيتحمل المسؤولية

  3. #3
    عضو نشط
    رقم العضوية
    3725
    تاريخ التسجيل
    Sep 2005
    المشاركات
    574
    السلام عليكم ورحمة الله وبركاته
    بعد إذن أخي الكريم
    Katarna
    صاحب الموضوع
    سؤال للأخ الفاضل معماري قطر
    أنا عندي مشكلة الله يعزكم في الصرف الصحي
    المقاول الله يسامحه ويسامح الاستشاري
    سوى السلوب بسيط
    والمشكلة بالضبط عندي الله يعزكم غرف الصرف ( البواليع ) مشتركة المطبخ الخارجي مع غرف البيت اللي من جهة الملاحق
    ودائما تسكر هذي البواليع الله يعزكم من جهة الحمامات بسبب أظن الشحوم وتسربات المنظفات وكل كم شهر أجيب عمال التسليك عشان يحلون المشكلة
    والسؤال هل أستطيع عمل تعديل بالنظام اللي سال عنه أخي الفاضل فوق ؟
    وجزاكم الله خير .

  4. #4
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة السهم الشمالي مشاهدة المشاركة
    السلام عليكم ورحمة الله وبركاته
    بعد إذن أخي الكريم
    Katarna
    صاحب الموضوع
    سؤال للأخ الفاضل معماري قطر
    أنا عندي مشكلة الله يعزكم في الصرف الصحي
    المقاول الله يسامحه ويسامح الاستشاري
    سوى السلوب بسيط
    والمشكلة بالضبط عندي الله يعزكم غرف الصرف ( البواليع ) مشتركة المطبخ الخارجي مع غرف البيت اللي من جهة الملاحق
    ودائما تسكر هذي البواليع الله يعزكم من جهة الحمامات بسبب أظن الشحوم وتسربات المنظفات وكل كم شهر أجيب عمال التسليك عشان يحلون المشكلة
    والسؤال هل أستطيع عمل تعديل بالنظام اللي سال عنه أخي الفاضل فوق ؟
    وجزاكم الله خير .
    نعم تقدر بس بالنسبة للمطبخ تقدر تركب الوصلة اللي فيها قفل عدم ارتجاع السوائل للداخل قبل حفرة تجميع الزيوت .. يعني الزيوت تمر وتتجمع في الخزان المخصص لها وهذا قانون للصرف الصحي له مواصفات خاصة بدولة قطر ولا حد يقدر يلعب فيه .. وأي بايب أو منهول ثاني المفروض يكون موصول بمنهولات عادية غير عن منهول جمع الزيوت

    منهول جمع الزيوت ما اعرف مواصفاته ولا طريقته بس أي مهندس ميكانيكي يعرفه والاستشاريين والمقاولين هذا شغلهم والنظام معروف

    عندي في بيتي له فوق 10 سنين ما نظفناه واحتمال تم تنظيفه ولا اذكر عن طريق السائق .. وبيتي نظام منهولات ونظام الإغلاق معمول لكل حمام ومطبخ ولو فتحنا المنهول نشوف عدد مهول من الصراصير وكل سنة تقريباً نرش مبيد للمنهولات ولباقي البيت بس داخل البيت الحمد لله هذا النظام يمنع الروائح والحشرات ولو كنت عارف نظام الرداد من قبل كنت ركبته في البايبات الرئيسية وسويتها بدون منهولات

    عندك لو تبي تمدد مباشر للحمامات العملية سهلة .. كل منهول فيه بايب يصب من الحمام وبايب يوصل الصرف للمنهول الثاني .. وكل اللي تحتاجه وصلة داخل المنهول وخلفها الرداد حتى ما يرجع الصرف للاتجاه الثاني صوب الحمام .. مشكلتك لو مثلاً 3 بايبات داخله توصل الصرف ومن ضمنها بايب المطبخ وبايب واحد طالع للمنهول الثاني .. وفي هالحالة لازم تحتاج إعادة تصميم ومهندس صرف صحي مختص وشغل حفر واعادة تنفيذ للبايبات مع منهول تجميع الزيوت حسب التصميم الجديد .. كذلك مع عمل سلوب مناسب

    نصيحة لكل اللي يبنون .. إستشاريينا الله يهداهم يبدون خط الصرف الصحي من جهة من البيت ويدورون حول البيت دورة كاملة وبالتدريج يزيد عمق الحفر لو حول البيت 20 متر في 20 متر بيكون مسار الصرف حول 25 + 25 + 25 على فرض إنه ما يمر جدام البيت .. بمجموع قريب من 75 متر والسلوب لو 0.5% أو نص سم في المتر بيطلع لنا في الأخير حول 4 متر .. هم اعتقد يسونه أقل حول 2 ملم في المتر ويطلع حول مترين في حالة الطول 80 متر

    لكن من الأفضل نعمل خطين .. خط جانبي وخط ثاني جانبي ويمر أمام البيت أو خلف البيت حسب التصميم وفي العادة أمام لأن خزان الصرف جدام البيت أو منهول الحكومة قرب الباب الرئيسي للحوش .. الخطين بيقلصون المسافة ونقدر نسوي سلوب أكبر وكذلك لو فيه عطل يؤثر على نص البيت ولا يؤثر على كل البيت

    المنهولات لو بنركب منهولات نسويها صح ومعزولة عدل من داخل ومن الخارج وغطاها يكون محكم الاغلاق ولا يتحرك لو داسته السيارة ولو بنسوي نظام التوصيل المباشر داخل المنهول ما عندنا مشكلة نخلي المنهول بدون عزل لأن الماء سيمر عبر البايبات وبيبقى المنهول فقط احتياط لفتحه وفتح فتحة الفحص في البايب للتسليك أو للتأكد أن الماء يمشي




  5. #5
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    تذكرت مشكلة حصلت لبيتي القديم واحتديت اسوي خط ثاني ومنهولات ثانية بسبب وجود شجر وعروقهم داخلة في البايبات والمنهولات وكانت العملية سريعة ما خذت وقت ولا كلفتني كثير .. حسب الوضع عندك لو مبلط بتكون شغلة تكسير وحفر وعمل بايبات واعادة تبليط .. وعمل خطوط ثانية مستقلة عن منهولات الملحق والمطبخ شيء سهل وأي بايب فيتر فاهم يقدر يسويها لك خصوصاً بدون منهولات يحتاج بس يضبط السلوب




  6. #6
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة معماري قطري مشاهدة المشاركة


    نعم تقدر بس بالنسبة للمطبخ تقدر تركب الوصلة اللي فيها قفل عدم ارتجاع السوائل للداخل قبل حفرة تجميع الزيوت .. يعني الزيوت تمر وتتجمع في الخزان المخصص لها وهذا قانون للصرف الصحي له مواصفات خاصة بدولة قطر ولا حد يقدر يلعب فيه .. وأي بايب أو منهول ثاني المفروض يكون موصول بمنهولات عادية غير عن منهول جمع الزيوت

    منهول جمع الزيوت ما اعرف مواصفاته ولا طريقته بس أي مهندس ميكانيكي يعرفه والاستشاريين والمقاولين هذا شغلهم والنظام معروف

    عندي في بيتي له فوق 10 سنين ما نظفناه واحتمال تم تنظيفه ولا اذكر عن طريق السائق .. وبيتي نظام منهولات ونظام الإغلاق معمول لكل حمام ومطبخ ولو فتحنا المنهول نشوف عدد مهول من الصراصير وكل سنة تقريباً نرش مبيد للمنهولات ولباقي البيت بس داخل البيت الحمد لله هذا النظام يمنع الروائح والحشرات ولو كنت عارف نظام الرداد من قبل كنت ركبته في البايبات الرئيسية وسويتها بدون منهولات

    عندك لو تبي تمدد مباشر للحمامات العملية سهلة .. كل منهول فيه بايب يصب من الحمام وبايب يوصل الصرف للمنهول الثاني .. وكل اللي تحتاجه وصلة داخل المنهول وخلفها الرداد حتى ما يرجع الصرف للاتجاه الثاني صوب الحمام .. مشكلتك لو مثلاً 3 بايبات داخله توصل الصرف ومن ضمنها بايب المطبخ وبايب واحد طالع للمنهول الثاني .. وفي هالحالة لازم تحتاج إعادة تصميم ومهندس صرف صحي مختص وشغل حفر واعادة تنفيذ للبايبات مع منهول تجميع الزيوت حسب التصميم الجديد .. كذلك مع عمل سلوب مناسب

    نصيحة لكل اللي يبنون .. إستشاريينا الله يهداهم يبدون خط الصرف الصحي من جهة من البيت ويدورون حول البيت دورة كاملة وبالتدريج يزيد عمق الحفر لو حول البيت 20 متر في 20 متر بيكون مسار الصرف حول 25 + 25 + 25 على فرض إنه ما يمر جدام البيت .. بمجموع قريب من 75 متر والسلوب لو 0.5% أو نص سم في المتر بيطلع لنا في الأخير حول 4 متر .. هم اعتقد يسونه أقل حول 2 ملم في المتر ويطلع حول مترين في حالة الطول 80 متر

    لكن من الأفضل نعمل خطين .. خط جانبي وخط ثاني جانبي ويمر أمام البيت أو خلف البيت حسب التصميم وفي العادة أمام لأن خزان الصرف جدام البيت أو منهول الحكومة قرب الباب الرئيسي للحوش .. الخطين بيقلصون المسافة ونقدر نسوي سلوب أكبر وكذلك لو فيه عطل يؤثر على نص البيت ولا يؤثر على كل البيت

    المنهولات لو بنركب منهولات نسويها صح ومعزولة عدل من داخل ومن الخارج وغطاها يكون محكم الاغلاق ولا يتحرك لو داسته السيارة ولو بنسوي نظام التوصيل المباشر داخل المنهول ما عندنا مشكلة نخلي المنهول بدون عزل لأن الماء سيمر عبر البايبات وبيبقى المنهول فقط احتياط لفتحه وفتح فتحة الفحص في البايب للتسليك أو للتأكد أن الماء يمشي
    غلطت انا في الحسابات ذي تحتاج سلوب أكبر للبايبات غير عن سلوب الأرضية لتصريف المطر .. تحتاج 2 سم تقريباً لكل متر وفي كل 10 متر تنزل حول 20 سم ولو المسافة أقصر عادي السلوب يكون أكبر حتى نضمن تصريف أسرع وللتأكيد لازم تسأل مختصين أما مقاول صرف صحي أو مهندس ميكانيكي .. لكن عمل خط ثاني شيء سهل وسريع خصوصاً لو يسويه توصيل مباشر بدون منهولات وبالوصلة على شكل واي واللي فيها فتحة فحص وتسليك

    لو عندك بلاط وبتسوي من خلاله خل يقصونه بالمنشار الكهربي حتى تقدر تركب بلاط بسهولة أو يشيلونه ويحفرون ويمددون بعدين يرجعون يركبونه




  7. #7
    تميم المجد الصورة الرمزية بوخالد911
    رقم العضوية
    5855
    تاريخ التسجيل
    Jan 2006
    الدولة
    QTR
    المشاركات
    46,956
    الله يسهل عليك.




    ead.php?t=284476"]اندونيسيا كما رأيت يوليو 2009 بقلم بوخالد911 وتصويره[/URL]
    [/COLOR]

    سفرتي الى سنغافورة + استراليا + بانكوك 2008


    سفرتي الى بانكوك مارس 2009

  8. #8
    عضو نشط
    رقم العضوية
    3725
    تاريخ التسجيل
    Sep 2005
    المشاركات
    574
    الله يجزيكم خير

    أخوي معماري قطر
    تعرف حد شاطر في هذي الشغلة ممكن أتواصل معاه وأخليه يشوف الوضع ويعطيني التكلفة ؟

  9. #9
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    أعرف مهندس فلسطيني كان شغال معانا وطلع وفتح شركة .. هو مهندس كهرباء بس شركته تسوي صرف صحي وبناء شوفه ممكن يساعدك .. وأعرف مقاولين أي مقاول ممكن يسوي لك الشغلة .. كل شيء يعتمد على اتفاقك معاه

    برسل لك خاص بعض الأرقام إن شاء الله




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •