كلمه ابغي اقولها يا اخوان
كل النزول الحاصل تم ذكره سابقا و اللي كان سبب تاخر النزول شغل تصريف
المحافظ اللي ادمرت السوق و الاشياء اللي قاعده تصير ماهي
الا اسباب و السوق ما يعرف محافظ فلانيه او علانيه يعرف
شي واحد فقط صاحب المال جبان وقت الازمات و كلن يبغي ينفذ
براس ماله مهما تطلب الامر و الدعوه حاليا مش ترهيب او تخويف
و لكن مجرد توضيح بان اي شخص يدخل سوق المال هو عارف
العواقب سواء كانت ايجابيه او سلبيه يعني كلن مسؤول عن
تصرفاته في ادارة محفظته سواء كان تخبط و اتخاذ قرارات عشوائيه او قرارات واضحه
و لا نلوم فلان او علان و لكن نلوم انفسنا.
عند الدخول في سوق المال اول شي لازم الواحد يعرفه هو كيفية
ادارة المحفظه قبل التحليل سواء فني او مالي لان بدون معرفة
كيفية ادارة المحفظه راح تكون خسران مليون فالميه مع سبق
الاصرار و الترصد لانك راح تمشي على احلام مثل:
ادارة البورصه راح تدخل
المحافظ راح تدخل
فلان راح يتدخل
و راح تدخل في دوامه و اوهام ان لو صار كذا راح يصير
كذا و هذا مرفوض رفض تام في اسواق المال لازم تعرف
بان التداول في اسواق المال ما هو الا 1+1=2
يعني مافي جواب غير هذا بدون لف و دوران
و عليه يا اخوان كلن مسؤول عن محفظته و عن
ادارة راس ماله فالدخول و الخروج و حنا نحاول نجتهد
بايجاد مناطق الدخول و الخروج و ان اخطأنا فنلتمس منكم
العذر