السلام عليكم ورحمه الله وبركاته
العيديه من العادات الحلوه والجميله والتي تبعث الفرح والسرور في نفوس الفئه الي تاخذهاوالي تعطيها
شلون تقيم المبلغ الي تعطيه للطرف الاخر كعيديه سواءا ابن وابنه او عامل او عامله بالبيت او فقير مسكين بالشارع او عيال الجيران او زوجه ماتشتغلاو ام واب
او اخت او الى آخره ..
كل واحد يكتب تجاربه والمبلغ المناسب لكل فئه او عمر ؟!
تحياتي ..
وهل عيديت الريال الواحد لعيال الفريج والي ايون ايعايدون بالبيت اختفت؟
زوجي الله يخليه لي يعطيني كل سنه الف ريال لي والف لامي مبلغ رمزي يعبر عن العيد ويصمم كل سنه يسوي هالشي، العيال كل واحد خمسين ريال ، انا اعطي عيال خواتي خمسين كل واحد ولما اروح بيت خالتي ام زوجي اعطي عيالهم كل واحد من خمسه لعشره ريال لانهم وايد ههههه ، اما عيال الفريج اذا مروا عالبيت نعطيهم خردة البنك الريالات..
كل عام وانتم بخير والله يديم علينا نعمة الامن والامان
بنات اخوي من فئة 100 ..البقيه يمكن 500 كل واحد... العيد كم يوم وابي العالم تستانس فيه بالرغم من ان الميزانيه تاخذ بكس ابو كلب في ذاك اليوم.. بس نستحمل عشانهم
عيدية عيال الفريج تشكيل. مرات ريالات مرات 5 ريال .
انا قررت اسهر لين الصبح وتالي اقول للاهل تعبان ماقدر اروح ولا مكان ولا اعايد حد وارقد لين الظهر هههههههههه فكره والله
مممم بس بخرد 400 ريال عشرات احتياط سبحان الله ياهل يطلع لي مني ولا مناك وبالنسبه لعيالي مب عايدهم لانهم توهم مايفهمون شيء ،،،،
مخ تجاري حتى مع نفسك ^_^المشاركة الأصلية كتبت بواسطة حمد 2002
التوسعة على اهل البيت في يوم العيد أمر مستحب في الشرع
وكلن حسب طاقته
لا يزال .. لسانك .. رطباً .. من ذكر الله ..
اذكر الله !
اخوي الصغير 500 ريال وعيال الفريج ما يجونا وايد نعطيهم كل واحد 10 ريالات مع عصير وجبس .. هذا السنه الماضيه وان شاءالله هالسنه بعد
سويتها السنة اللي راحت وابشرك دشوا لي للغرفه وقعدوني ونقيت المبلق نقا وعدا وانا مستانس. نصيحه جرب شي جديد. ههههههههههه
انا اعطيهم الكلمة الطيبة والابتسامة
ماراح اعطي عيدية بروحنا في حصار ومافي اكل ولا شرب نخش فليساتنا يمكن نحتاجها عقب هالحصار الجائر
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
ضوابط المشاركة
رد مع اقتباس
