والله توني كلمتهم طبعا اللي في المكتب هلب ديسك فلبينيين و الهنود العمال و هالمسوول الاجنبي اللي يداوم ساعه عشر لا صوم لا صلاة ياكل يشرب و مايدري عن معاناتنا كلمتهم هاوشتهم قلت بشتكي عليكم ( مع ان ماعرف وين اشتكي ) و الفلبيني تم يقول بكلم المدير بخليه يتواصل قلت مابي تواصل ابي حل للمشكله طول الليل ماقدرنا نرقد مكيف اللي تحت حر الي فوق حر حرام اللي تسون جذيه عندنا مرضي بالبيت يهال ان صار فيهم شي من المسؤول البيت خنقه مانقدر نتنفس عدل حسبي الله و نعم الوكيلالمشاركة الأصلية كتبت بواسطة monatee
ان بلغنا الشرطة يقدرون يوصلون حق صاحب المجمع؟ لان في العقد مو مكتوب اسمه الكامل بس مكتوب بهالطريقه ان فلان بن فلان و شركاه
اخوي احنا لما اجرنا البيت قالوا لنا اي شي يخترب لازم نكلم قسم الصيانة الخاص حق المجمع مايصير نجيب حد من بره يصلح شي الا و احنا مبلغينهم المشكله هالاجنبي مب راضي يتصل قاعد و يتأمر والله لو صاحب البيت يعرف متاكده مابيرضي علي اللي يصير
ماقول غير حسبي الله عليهم كلمتهم الحين و حولوني علي هالاجنبي قال انا سويت كل اللي بيدي الحين دور الكونتركتر يجون يركبون مكيف جديد ياخذ يومين ثلاث اقوله امي و ابوي مرضي يرتفع الضغط عندهم اختي مريضه و الأخ يقول مو بيده الكونتركتر لازم يجون بالدور حسب الجدول
طلع مكيف الي تحت بعد المكينة محترقه و بكل برود قال لنا ياخذ عشرين يوم
وين نرقد ظ¢ظ* يوم في هالحر لا حول ولا قوة الا بالله
لاتنطرينهم
روحي اقرب مركز شرطه عندكم وبلغي عليهم
هم بطريقتهم يجيبون راعي الشركه ولا راعي المكان
عيل كل يوم حنو عليهم لين يبدلونه
الله يعين
شكرا علي ردودكم
طيب على اي اساس ادفع ايجار وانا مش مستفيد من البيت شي ؟
عشان جذي شوفوا الجهة اللي تقدر ترد حقكم سواء مركز الشرطة التابع للمنطقة او الجهة اللي تجبر مالك البيت على صيانة وتصليح المكيفات
ولا اضطري اختي انك ماتدفعين ايجار الا بعد الانتهاء من الصيانه وانصحك شوفي التاريخ اللي تضررتم منه واخصمي الايجار واعطيهم حزتها مايقدرون يسون اي شي حتى لو يشتكون في المحكمه مع العلم انهم عدة مرات حضروا للبيت عشان الصيانه ولا استفدي شي منهم لكن لما يجي موعد الايجار تلقيهم يراكضون وياخذون حقهم واللي ساكنين في البيت مايهمهم
ليش الدنيا فوضى ؟
أسْتَغْفِرُ اللهَ العَظِيمَ الَّذِي لاَ إلَهَ إلاَّ هُوَ، الحَيُّ القَيُّومُ، وَأتُوبُ إلَيهِ
اللهم ان في تدبيرك مايغني عن الحيل، وفي كرمك ماهو فوق الأمل، وفي حلمك ما يسد الخلل، وفي عفوك ما يمحو الزلل، اللهم فبقوة تدبيرك وعظيم عفوك وسعة حلمك وفيض كرمك أسألك أن تدبرني بأحسن التدابير، وتلطف بي، وتنجيني مما يخيفني ويهمني.اللهم لا أُضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولا قوة إلا بك
مشكوره اختي ع المرور صح كلامج
عقب محاولات عديدة و اتصالات ووو اليوم طرشوا العمال طبعا ماقدرنا نوصل لصاحب البيت لان مستحيل يعطونا بس عندي الاسم موجود في عقد البيت ع العموم حاليا قاعدين يشتغلون و ان شاءالله خير لا حول ولا قوة
ضوابط المشاركة
رد مع اقتباس