عمري ما تمنيت هالشي ولا بتمناه
بس معقولة البلاد اللي فرقت عوايل وشتتتهم ماتتشتت وتتفرق ؟
عمري ما تمنيت هالشي ولا بتمناه
بس معقولة البلاد اللي فرقت عوايل وشتتتهم ماتتشتت وتتفرق ؟
احلى رد
شنو خذنا من السياسه والجزيرة غير وجع الراس؟
لو نركز بنفسنا بنكون بمصاف الدول المتقدمه
مو ناقصنا شي والحمدلله
عندنا امير شاب مثقف ويرفع الراس واثبت للكل بهالازمه انه اكبر من كل الحكام عقلاً واحنكهم تصرفاً
ياليت نبدا صفحة جديدة ونسحب على الكل ومانهتم ونركز الا بنفسنا
مانبي نتدخل بشؤون اي دوله غير قطر
لان مهما سوينا مو عاجبهم
وانا شخصيا ضد تقسيم اي دوله وضد تدخلنا بشؤونهم .. وما اتمنى الا كل خير لاهلنا بالمملكة
يارب تعدي هالايام على الخير وينتهي هالتوتر النفسي ونركز ببناء قطر وبس
لك وجهة نظرك بس خالفك الصواب الجزيرة اللي تحاربها اثبتت بهالازمة انها سلاح قطر الفتاك في وجه من أراد السوء بقطر ولا ينكر فضلها بعد فضل الله سبحانه في كشف اسرار وأحقاد ونوايا القوم
الجزيرة يامن تحاربها بقلبك قبل قلمك القمت محور الشر حجرا واخمدت فتنتهم اللتي كانت تطبخ لقطر
الجزيرة يامن تنتقدها باستمرار هي صوت الشعب قبل ان تكون صوت القيادة
الجزيرة يامن رميت عليها سهامك بهذا الوقت هي من اصدعت رؤوس قوم كنّا نعدهم أخيار الجيران فإذ بهم يكونوا أشرارهم
الجزيرة هي صوت الحق وصوت قطر وصوت الشعب واثبتت علو كعبها على من تقارنها بها مهنيا وصدقا ودفاعا عن الحقوق المسلوبه وحائط منيع ضد من تسول له نفسه المساس بقطر ورموزها
قبل الأزمة أنا كنت ضد الجزيرة ولكن بعد الأزمة نقول لا لوقف الجزيرة لأنا محتاجين اعلام وقنوات اعلامية ادافع عن مواقفنا وترد على تشويه الصورة الحاصل في المجال الاعلامي ضد قطر
يكووون ابرك
مادام سياسة البزران طغت على الكبار
بعد اللي شفته اليوم بمسلسلهم التعبان اقتنعت فعلا ان مالهم الا الجزيرة تسنعهم
انقهرت اقسم بالله
وترى انا لما اقول اني ماحب الجزيرة فهذا لاني ماحب قنوات الاخبار كلها بدون استثناء
واولهم العربية وسكاي نيوز الله لا يوفقهم
لكن بعد كلامكم واللي شفته اليوم اقتنعت والله بأهمية استمرار الجزيرة خصوصاً بهالازمه
عشان تصلح الصورة المريضه اللي بدو ينشرونها بقنواتهم
الله يجزاك خير أخوي .. أخيراً اقتنعت
هم يبون يخرسون صوت الجزيرة .. عشان يخلا الجو حق قنواتهم الهابطة تسرح وتمرح .. بفبركتها وافتراءاتها ودعاواها الباطلة ( وحتى البقر ما خلتهم في حالهم يا مال الفلس )
كتموا على أنفاس شعوبهم .. بس ما كفاهم .. يبون يحجبون الحقائق عن العالم .. لكن الشمس ما تتغطى بمنخل
قد لا نتفق مع الجزيرة في بعض الأمور .. لكن مثل هذيلا السفهاء ما ينفع لهم غيرها تكسر روسهم وتفضحهم
الله يفضحهم على الملأ .. ويخزيهم في الدنيا والآخرة
وحسبنا الله ونعــــــم الوكيل
توه متصل بي واحد من أمريكا قلت له الأُمور بخير وهم متحرقصين هو من الإمارات ويقول ما ندري وين بيودينا مبز
تقسيم السعودية هو جزء من مخطط الشرق الاوسط الجديد و هو مخطط تم الترتيب له من زمان و للاسف ما في اي شي قاموا به العرب لإيقاف هالمخطط .. نسأل الله السلامة و انه يحفظ بلاد المسلمين من شر اعداءهم!