تواصلو معي أيتام يبون اساعدهم في بناء بيتهم .. وهو راح يتعاملون مع شركة مناقصة . استفساري! هل فيه أحد تعامل معاها ؟ هل فيها مشاكل؟ هل تنصحون اتعامل معاها؟
والله يجزاكم خير
|
تواصلو معي أيتام يبون اساعدهم في بناء بيتهم .. وهو راح يتعاملون مع شركة مناقصة . استفساري! هل فيه أحد تعامل معاها ؟ هل فيها مشاكل؟ هل تنصحون اتعامل معاها؟
والله يجزاكم خير
والله ترددت في الرد على تساؤلك .. أولاً لعدم معرفتي وتجربتي لشركة مناقصات وثانياً مبين إن قناعة الناس دوم يدورون السهل
انا كشخص عادي تجيني شركة تقول باسوي لك كل شيء يخص المناقصة وبادقق على الوثائق وبازيد من عندي وبدون مقابل نهائياً أتوقع وسؤالي الثاني لهم من وين بتجيبون حق تعبكم وانتوا شركة ففيها موظفين وتدفع رواتب؟ وصار وسئلت استشاري مرة قال إحنا نبيع الخرايط للمقاولين ب 100 ريال وهي تكلفة الطباعة للخرائط والمواصفات .. لكن اعدادها دفعت انا قيمته وحسب عقدي مع الاستشاري يسلمني عدد معين من النسخ وانا حر اشوف أي مقاول ابغي .. المناقصة تختلف إنها لعدد أكبر من المقاولين وتاخذ وقت في التدقيق وفي التحليل للوصول لعدد مناسب للتفاوض.
100 ريال لحد 500 مبلغ معقول جداً ويتناسب مع تكلفة الورق والطباعة ويمكن نقدر نقول يربط المقاول بحيث يسعر تسعير جيد ويهتم بالتسعير ما دام إنه دفع وشرى الوثائق .. وسئلت مقاول عن هالشيء قال هذا جزء من شغلنا ونتعامل مع مكتب تسعير يعطينا التكلفة مفصلة وتكلفة البناء والاحتياج للعمال ونوعيتهم ولازم ندفع مبلغ في أوقات كثيرة ما نستفيد منه ولا يقبل المالك العرض .. يعني من 10 مشاريع ممكن ينقبلون 2 والباقي خساير على الفاضي
بعض الاستشاريين ما يبيعون وثائق ويحللون المناقصة تحليل هندسي صحيح .. يبيعون المشروع لمقاول معين وبمبلغ كبير وحتى لو سووا مناقصة يقنعون المالك بأن هذا المقاول هو الأفضل ويبدأ اللعب بعدين وكل شيء يكون ناقص وحتى نتفق عليه لازم تدفع زيادة كذا وكذا ويتراكم المبلغ جزء منه للمقاول المتواطي وجزء للاستشاري
لذلك مهم نركز كل شغلنا من تصميم الى مناقصة الى اشراف على استشاري فاهم وشغله نظيف .. ببساطة متسدأش المصريين وهم صراحة خربوا سوق الاستشارات عندنا .. حتى لو ملتحي ومتدين لازم يلف ويدور .. والعيب مب منهم العيب من الجهة اللي ترخصهم ولا تتابعهم .. صحيح فيهم حالات شاذة بس انا كمالك شيضمنني إن هذا الشخص سيدة بين 10 أهل لف ودوران
عن الشركة ما اعرف شمؤهلاتهم وشيسوون حتى يدققون وشلون يطلعون أرباحهم والمتوقع ياخذونها من المقاول اللي ياخذ فلوسه من المالك .. يعني يالمالك انت دافع دافع .. لذلك ادفع لإستشاري شاطر ومعروف وسو مناقصتك عن طريقه وجيب انت مقاولين من عندك عارفهم وشايف شغلهم
الاستشاري الجيد اذا عرف إن هو اللي بيشرف بيسوي شغله صح ومتكامل
التجاوز اللي يصير بين المقاول والاستشاري أما أشياء ناقصة وحتى نسويها مطلوب مبلغ معين أو يمشون شغل أقل من المطلوب والفرقية تكون لصالحهم
مثل وايرات كهرباء محددة في المواصفات وموصوفة بدقة بتكلف 10000 مثلاً يجيب بديلة رديئة ب 5000 وهذا كمثال وفي بند واحد وشوف باقي البنود .. الحديد يبالغون في كمياته ووقت التنفيذ يقدرون ينقصون لين النص وانت دافع قيمته كاملة والاستشاري يمشي الموضوع .. الطابوق نوعيات وفيه الجيد والوسط والرخيص الغير مقبول
السلام عليكمالمشاركة الأصلية كتبت بواسطة Master_qtr
شركة مناقصات انا مريت عليهم وقَعَدت معاهم جلسه تعريفية وكل الي قالوه لي كان إيجابي وشروطهم تحمي المالك.
ألي اسمع عنهم يمدحون شغلهم، اذا حابه ممكن اعطيك رقم الشخص ألي قابلته ويعطيكم فكرة عن شلون إجراءاتهم.
انا شخصيا ان شاءالله مفكر ابني عن طريقهم بس توني ماخلصت الخرائط والتصميم.
اهم شي راجعوا نقاط العقد عدل، خل يعطونكم كم بيت المقاول بناه وروحوا شوفوه وسئلوا المالك القطري عن المقاول.
اذا عطوكم السعر، طلبوا من مقاولين اخرين عرض سعر وقارنوا الفرق بين السعرين.
هذه كلها أمور مهمه والله يوفقك الجميع.
السلام عليكم
شركة مناقصات انا مريت عليهم وقَعَدت معاهم جلسه تعريفية وكل الي قالوه لي كان إيجابي وشروطهم تحمي المالك.
ألي اسمع عنهم يمدحون شغلهم، اذا حابه ممكن اعطيك رقم الشخص ألي قابلته ويعطيكم فكرة عن شلون إجراءاتهم.
انا شخصيا ان شاءالله مفكر ابني عن طريقهم بس توني ماخلصت الخرائط والتصميم.
اهم شي راجعوا نقاط العقد عدل، خل يعطونكم كم بيت المقاول بناه وروحوا شوفوه وسئلوا المالك القطري عن المقاول.
اذا عطوكم السعر، طلبوا من مقاولين اخرين عرض سعر وقارنوا الفرق بين السعرين.
هذه كلها أمور مهمه والله يوفقك الجميع.
ضوابط المشاركة
رد مع اقتباس
