ابي اصمم مخزن تحت الدرج

[مــاي ورد]

السلام عليكم


حابة اصمم مخزن بشكل مرتب وحلو تحت الدرج

يفضل من الجبس بورد او اي خامة غير مكلفه

ممكن افكار وشركات او افراد ممكن يصممونه لي؟

[الســـهم]

السلام عليكم ورحمة الله اختي ..

فيه تطبيق اسمه (pinterest)، فيه أفكار كثيرة وحلول للشغلات هذي، وايضا كيف تم انجازها بالخطوات والمواد المستخدمة ..

انصج فيه وبشدة ..

سوي سيرتش (storage under stair) وراح تشوفين اللي يسر خاطرج واكثر ..

وبالتوفيق ان شاء الله ..

[معماري قطري]

تحت الدرج ما يحتاج تصميم كلها قواطع خشب وأبواب أو أدراج

الإحتياطات اللي نهتم بها تكون عمل قاعدة مرتفعة شوي حتى نثبت عليها نعلة متناسبة وبنفس ارتفاع النعلات المجاورة لو وجدت .. في حال ما فيه نعلات والارتفاع ما يساعد حتى نسوي قواطع نركب واجهة خشب بباب ونخلي التخزين مفتوح داخل

أي نجار يقدر يسوي اللي تبين ويعرض عليج أفكار وعينات للمواد المستخدمة والتكلفة دوم تكون حسب نوعية الخشب وتشطيبه وصبغه

[معماري قطري]

والله بيتنا فيه بعد مساحة تحت الدرج تنفع للأحذية ولبعض الصناديق العرض عندي 1.8 ومفتوح من الصوبين .. باسوي قاطع في الوسط يقسم كل جهة وباسوي أرفف للأحذية وجزء باخليه للكراتين

وعندي فوق صالة باقسمها باسوي فيها مخزن كبير بواجهة خشب وباب .. وباسوي عريش خشب داخلي ناوي ازرع نباتات متسلقة تحت المنور

[شمس المغيب]

في تطبيق على أبل ستور والأندرويد
اسمه houzz فيه أفكار حلوة لهذا النوع من التخزين
وعندهم موقع على النت

[مرتبش]

@nejaratboabdulla
في الانتستغرام .. شغل خشب