ارتفاع 189 نقطه #ابشروا_بالعز_والخير.. توقعاتكم للأحد

[ثنايا الروح]

الحمد لله دام عز قطر ومنها للأعلى اللهم اجعل كيد الحساد في نحورهم امين يارب

[السيلاوي]

الحمد لله دام عز قطر ومنها للأعلى اللهم اجعل كيد الحساد في نحورهم امين يارب

آمين يا رب العالمين

[Beho]

[Beho]

مبروكين علي الإرتفاع

[بوخميس]

واضح

المحافظ الاجنبية تتعامل بالسحر

سحرت الافراد وخلتهم يبيعون

[مضارب دوسري]

اخوي عالي الغيم
راس الشينكو على اليومي والاسبوعي من يناير 2016 شرايك فيه ؟؟؟؟
نوصله ولا نرتد قبله ؟؟؟
هو حول 8600_8650

والله ياخوي الحين الاخبار تحكم
المؤشر عند دعم لو ارتد منه كان بها
لو كسر راح يزور8769
ومنها يا يتماسك ويرتد او يكسر الدعم ويزور 8661

هل السوق حالياً فني ؟
لا

السوق سياسي 100%
خبر يطلع في ليل او اول صباح يرفعك 500_700نقطه خضراء والمنتظر يزيد حرقته

وخبر عن تصعيد يطيحك ممكن 500


ولو جينا فالحقيقه والواقع بعد غلق الحدود والمقاطعه !!
ماهو التصعيد الممكن فعله !!!!
حرب
هذا هو التصعيد الوحيد المتبقي


وماعتقد يحصل او مستبعد تماما ان يحصل والله اعلم

من سوووء السياسه اللي اتبعها حلف الفجار ان احرقوا كل كروتهم في يوم واحد ماعطوا الموضوع خطوه خطوه وهذا ولله الحمد امر قوى موقفنا وصمودنا في وجيههم ان شاء الله

تفحيط سياسي لا اكثر


لذلك نراقب ونشوف الى اين ستؤووول الامور

محافظ قطر ما تهرووول عبث وارجعوا للتاريخ
ابتداءا من نهاية 2014
وبداية 2016
واتوقع الان ايضا


اشتروا الاسبوع الماضي 675 مليون
الاحد شراء 107 مليون
اليوم 47 مليون


الملفت اليوم خف بيع المحافظ الخليجيه وكان 18 مليون فقط

الاسبوع الماضي كان 536 مليون بيعهم
الاحد 77 مليون

الوطني قايد السوق وقايد النفسيات
اتوقع ممكن يزور 129_125 كحد اقصى للترند الصاعد التاريخي من 2009
ومن ثم يشمر عن ساعديه ويقود اقتصاد السوق الى ما فوق 140

اخوي مضارب اتوقع الربح ذي لايقارن عن خسائر السوق بشكل عام فممكن انت بعت بخساره وتعوضها الان او انها فلوس جديده .. لان الاغلب خسر راس مال كبير فعلا وحرام ان يفكر يضارب فيها ويخسر زياده

واسف على المداخله
الله يوفقك في ارباحك

العفو ياخوي

ولا زلت انصح الخسران لا يبيع
واللي باع بخساره يحاول يسترجع اللي باعه
لان كما تعرفون ازمه سياسيه واتوقع تنحل او تخف في قادم الايام
وطبعا اذا طلعت بوادر للحل حينها بيكون الاسعار طارت وهذي تزيد من ارتباك المساهم اكثر لان زبدة اي ارتفاع تكون في اول الايام
مثل ما تكون زبدة اي هبوط او صدمة وضع سياسي كما حصل في اول يومين الى ثلاثه ايام ومن ثم يبدا التماسك

فان زبدة اي ارتفاع تكون في اول الايام

هذا هو الامل بالخير اللي ارجحه باذنه تعالى
===================

واذا جينا وقلنا لا سمح الله تصعدت الامور الى حرب مع ان هالخيار مستبعد حينها بيكون ننسى فلوسنا الى ان تنزال الغمه ودايما عند المصايب لا سمح الله يكون القيمه الفعليه للورقه النقديه هي الملموسه فقط ارض بيت سهم شركه تكون حينها افضل من اي كاش متوفر فاليد او البنك

هذي طبعا نظره سلبيه قاتمه
واستبعدها تماما ان شاء الله
===============

والله يوفق ويعوض الجميع ان شاء الله

لا جديد مع استمرار الهبوط وخاب التوقع ان نشوف 9500
هالاسبوع

ولكن !!

اللي يملك سهم يصك عليه الى ما بعد العيد

واللي يملك كاش
نقوله السوق يعطي فرص رائعه ومب دائما تتكرر هالفرص

تصادف مره كل سنه او سنتين لا تطوفونها

باذن الله تزييين
لا للبيع
ولا زلت اقول منذ تاريخ6يونيو
مافي احلى من الشراء على 9000

ومافي اغراء اسعار مثل هذي الاسعار لا والسوق تحت 9000

اشتر وانسى والوعد عقب العيد

الحمدلله اغلاق اسبوعي لا باس

مبروك لملاك الاسهم وان شاء الله عقب العيد الى المزيد المزيد من الارباح
عن نفسي لا لذكر المقاومات الا لما اشوف السوق فوق 9500
حينها نبدا نذكر المقاومات
اي مقاومه تحتها لا تشدني

انا عن نفسي ولاني متأمل خيرااا ان شاء الله

خذيت اغلاقات اليوم وزدت القيمه السوقيه لكل سهم ف محفظتي 10%
وهناك اسهم اخرى كثيره ماشاء الله
او بمعنى اصح السوق ككل فيه خير

استغلال للتخويف

لا مشكله
خلكم صاااملين

وان شاء الله الخير مقبل

لا للبيع
نعم لاستغلال الفرص الممتازه تحت 9000

ان شاء الله الخير مقببببل

السوق تحت 9000 فرصه لن تتكرر كثيرا

تقول هالكلام من زمان وكلامك عين العقل وسوقنا جاهز له فترة .. مب شرط الواحد يشتري في القاع بالضبط قريب منه زين

صحيح يا بو عبدالله
لان السوق غير قابل للهبوط اكثر والله اعلم

مناطق تحت9000
مناطق شراء طيبه ان شاء الله
حتى 8999 منطقه طيبه

اما بالنسبه للمؤشر العام

طبعا الايجابيه تحتاج شرطين
اولهم 9030 اغلاق فوقها

ثانيهم واهمهم 9258 اختراقها والاغلاق فوقها بيفتح المجال لما فوق9500

واتوقع ان شاء الله هذا الاسبوع بنشوف اختراق 9258

هالمشاركه كانت بتاريخ 11_6_2017

من اليوم اشوف ان السوق فني 60%
سياسي 40%

السياسي حطيت له 40%لانه وقود الارتفاعات القادمه حسب توقعي
كخبر ايجابي اتوقعه قريب ان شاء الله

يومين فوق متوسط 10 اسي يعني تمام ونضعه كدعم 8980

باقي قدامنا مقاومه 9100_9104
اختراقها يفتح المجال وييسره الى 9258 ان شاء الله ومن ثم تبدا موجة ابشروا بالعز والخير


انزين !
شفيك مشطط يا مضارب وان الامور تمام؟

الجواب
لان اليوم اول اغلاق فوق الخط الاوسط للبولينجر



ممكن جدا يتم النزول تحته ومن ثم نرجع فوقه ولكن اتوقع ان شاء الله انه قادر يعطينا اغلاق ثاني فوقه للتاكيد

والعلم عند الله

مما قيل منذ يداية الحصار مشاركات من رمضان وما بعد رمضان نعيد استذكارها منذ ايام التشاؤم الكبير والاهداف السحيقه

الحمدلله حمدا كثيرا على نعمه


والحمدلله ان قاع السوق تحدد في هذا الموضوع بمشاركه من اخوي عالي الغيم

من موضوع 1+1=2

وبالتوفيق ان شاء الله

[Beho]

[Beho]

حصـــــــــــــــــاد الأسبــــــــــوع

[Beho]

[أبو~يوسف]

الحمد لله على ما أعطى
ارتفع السوق في أربع جلسات متتالية 564 نقطة
بارك الله لكم في أرزاقكم