المشاركة الأصلية كتبت بواسطة ya3coub
السلام عليكم و رحمة الله و بركاته
وعليكم السلام ورحمه الله وبركاته
ياهلا والله بالغالي يعقوب
بإذن الله ناوي اسافر تاريخ 13 يعني شهر من اليوم بالظبط لمده اسبوعين احنا 2 كل واحد بيسكن بروحه يعني الغرف مو مشتركه.
نبي نبتدي بدزني لاند و دورت عالنت فالفنادق في الي فدزني لاند و منها قريب من لا فيلاج للتسوق حق المجمع و الأوتلت ما اعتقد نتأخر هل يوم يكفي لدزني لاند العاب كبار ولا ناخذ يومين ؟
انا قلت نبيت هناك يوم او يومين لعب و الثاني على الاوتلت.
دزني تكفي يوم او يومين لحسب اختياركم حديقتين او حديقه واحده
الحديقه الاولى هي الي فيها مع الالعاب فيها للكبار والصغار
والحديقه الثانيه هي الاستوديو بارك وكلها للكبار لكن مو العاب كثر ماهي عروض زي الافلام الاكشن وكذا
اذا تبغيها يوم واحد وتلفها كلها يفضل تحجز vip وهو انك تدخل بدون ماتنتظر طابور في كل لعبه
لان بصراحه طابور الالعاب طويل يكن تاخذ 3 ساعات على لعبتين او ثلاث
من هناك محتارين شنسوي و الرحله مقطوطه براسي و الريال اول مره يسافر و كلشي علي من ناحيه القرارات و الترتيبات
الهدف دزني لاند و كروز. و تعبت كل ما ابحث و ادقق اشوف اشياء احلى من الي قبلها للأسف كان فر كروز بيرفكت من باريس تاريخ 12 لمده اسبوعين لين سويسرا مع سكن فنادق ليلتين فباريس و ليلتين فزيورخ. مشكلته في غرفه كجره ب30 ألف تقريبا و الي مع بلكونه باقي اخر وحده و حلوه تطلع تقريبا 36 ألف. بما انه النوم مهم كل واحد استقلاليته كنسلنا الفكره.
ايوه كنسل فكره هذي الكروز لانها كروز نهري وما اؤيد ابدا
لكن الكروز العادي ممتاز جدا وانصحك فيه وبقوه وراح افيدك فيه ان شاء الله
افكر ايضا انه انروح دزني و الشوبنج و من هناك نصايحكم فالسواقه و الأجار ناخذ سياره على سويسرا لأن الصور روعه
هناك نبي الزحلاقيه الي فالجبال و طبيعه و لفه بالهلكوبتر و انطب منها بالبراشوت من فوق الجبال.
فرنسا ماتستاهل تستأجرون سياره سواء لباريس او دزني
استأجرها في سويسرا او اخر يوم في في فرنسا وتطلع بها الى سويسرا
وحسب المخطط والاماكن الي بتزورها اقولك من وين تستأجرها
بس عاده اذا تبغي سويسرا مع فرنسا الافضل يكون وصولك باريس والعوده جنيف او زيوريخ او العكس
وارشح لك في سويسرا انترلاكن او السكن في جريندلفايد
بما ان المده اسبوعين
اقتصر على باريس ودزني لاند + انترلاكن + جنيف وانسي او زيوريخ
هاي المواقع الي حصلتها.
من هناك ودنا انروح اليونان حيث الجمال الخلاب للمناظر الطبيعيه عالبحر و الجزر و منها ايضا كروز بو 3 ايام او 4 عادي المهم شي مو طويل.
اذا تبغي اليونان بدون سكن ممكن تاخذ الكروز من فينيس لمده اربع ايام او اكثر اشوي وتمر على دول البلقان الى جزر اليونان
حدد لي الي تبغيه بالضبط عشان اقولك المخطط التمام و اوزع لك الايام
الأساس كروز بالكثير 4 ليالي و دزني لاند و اقتراحاتكم شنسوي او وين انروح و البدجت مو وايد بحدود 30 ألف تقريبا كل واحد فينا شامله كلللللللللللللشي.
بنتظر ردك علي وبعدها نشوف البدجت والمخطط
التذاكر لحد الحين تذكرتين دوحه باريس و الرجعه ب6900 لنا اثنينا.
من ناحيتي تكون سفرتك فرنسا وسويسرا فقط واليونان والكروز تخليها لسفره ثانيه
لان يبغي لكم مده سفر اطول عشان تستقرون وتستمتعون بالمكان الي انتو
وبعدين اليونان وجزرها الجو حر كثير في شهر 7 و 8 الافضل تخليها بالربيع او الخريف اذا اعتدل الجو
هل تؤيدونها او انروح فرنسا و نرجع من مطار اخر. اهل الخبره بإانتظاركم ما ودنا انروح ألمانيا