اسعار المحاميين نارررررررررر !!!!!!

[الدوحه1]

مريت على اكثر من مكتب للمحاماه ولاحظت ان اسعارهم مبالغ فيها ووايد مرتفعه؟؟؟

عشان بس تدخل على المحامي لازم تدفع 500-1000 ريال حتى لو كان موضوعك سهل ومب محتاج استشاره!!!

موضوعي سهل والمحامي قال لي التكلفه 50 الف ريال مع اني سألت القانونيين اللي اعرفهم وقالوا لي ان موضوعك سهل ومب محتاج اكثر من 5 جلسات وبتكسب القضيه نسبة 90% لان القضيه تتعلق بقانون الموارد البشريه.

سؤالي للجهات المختصه:
هل هناك فعلا رقابه على اتعاب مكاتب المحامين؟؟؟
ولا كل مكتب يحط السعر اللي على كيف كيفه؟؟

وبعدين ليش 90% من العاملين في هالمكاتب من جنسيه عربيه معروفه!!!!!

ليش الدوله ماتشجع القانونيين القطريين على العمل في مكاتب المحاماه؟؟
ليش "القطري" يفتح المكتب ولكن يخلي الاداره الفعليه لها "الجنسيه العربيه"!!!!

هل مريتوا باي تجارب مع مكاتب المحاماه؟؟

[نورالهدى]

الله يعينك

[بوخالد911]

وليش ما تذكر هالجنسية العربية؟؟

[BoFahed]

وليش ما تذكر هالجنسية العربية؟؟

معروفة اخوي والسبب انه اهم القانونيين اللي كتبو دساتير وقوانين دول واهم المراجع والكتب والجامعات اللي تدرس قانون هي مصر

[مدغشقر]

معروفة اخوي والسبب انه اهم القانونيين اللي كتبو دساتير وقوانين دول واهم المراجع والكتب والجامعات اللي تدرس قانون هي مصر

والله يعينك

[ابوالعبد]

حبيبي مب بس المحامين كل شي فوق الان اجل عقار مايسوي قبل عشر سنوات ثمانميه الف الان ثلاث مليون. جات علي علي المحامي اخوي عندك حتى المهندسين غالين الان. حتى عندك العبايه مالت الحريم قبل علي متين ريال الان علي الف ريال والقماش وتتطريز مايسوي ميه ويال تكلفه العبايه. بتوفيق

[monatee]

شخص من هلي شغال محامي

البنايه الي هو فيها كل سنه زياده 10% على المؤجرين ( من شروط العقد )

وقيمه الاجاز بدايه العقد كان 25 الف على 3 غرف صغيره ومدخل ومطبخ وحمام


نلوم المحامي عشان رافع سعره ؟؟؟

[Me&OnLy]

للاسف لا توجد رقابة من الدولة فيما يخص هذا الموضوع ، نعم هناك ارتفاع ملحوظ جدا لدى المحاميين وليس له مبرر للأسف ، فيما مضى كان العذر غلاء اسعار الايجار وتكلفة الموظفيين من الخارج مثل مصر والسودان وتونس ، اما الان لم يعد هناك تبرير لديهم ، بل نجد ان هناك محاميين يقولك بالفم المليان تبي حياك ماتبي روح دور واحد على قدك ، للاسف الشديد ان هذه المهنة اصبحت تجارية بحته في هذا الوقت وشر البلية مايضحك

[BoFahed]

والله يعينك

وياك الشيخ . انت محامي ؟؟ او تعرف حد درس قانون ؟؟؟

[MAZEN37]

انا برأيي السبب هو انه المحكمه لا تقبل الا محامي قطري يكون امامها لو فتحوا المجال لاي شخص شغال بمكتب محامي يوقف امام القاضي ويقدم المذكرات لنحلت المشكله حتى الي معاه توكيل ما يقدر يوقف امام القاضي ولازم يكون من الدرجه الاولى فطبعا صار ضغط على مكاتب المحاماه