-
الفوم كبديل لل جي ار سي
السلام عليكم
حبيت اسال عن الفوم المغطى بالجبس (او البلاستيك) .. الذي يستعمل كبديل لل جي ار سي
احتاج جي ار سي للبيت ككرانيش و براويز للشبابيك الخارجية
حصلت شركة اسمها ( هالكو) عندهم هالمادة لكنهم اشترطوا اني اغطي البيت كله بمادتهم مش بس كرانيش و براويز .. قلت لهم انا مخلص البلاستر وما احتاج اغطي الحوائط ..فرفضوا يشتغلون في بيتي
ميزة هالمادة عندي ان وزنها خفيف مما يجعلها اكثر امان في حال السقوط.
اذا حد يعرف شركة تورد و تركب هالمادة ياريت يدلني عليها
تحياتي
التعديل الأخير تم بواسطة مواقف النجادة ; 23-07-2017 الساعة 02:01 PM
الحياة.. مواقف
-
,
,
مرحبا
اللؤلؤه كل المباني والعمارات البراويز على الشبابيك هناك كلها ماده ( الفوم )
شفت الشركه بأحد المعارض بقطر
للأسف ضيعت الكتالوج مالهم عندهم مكتب بقطر
اعتقد الان في اكثر من شركه تسوي هذا الشغل وهو خفيف وممتاز ويقاوم الحراره
,
,
-
تميم المجد
منتشرة المادة انتشار كبير وبعضها يجي مقاوم للحريق وبعضها يجي سريع الإشتعال
مشكلتها مع الأحماض والكبريتات وحتى المطر الحمضي ولو نسبة بسيطة شيء بشيء تتلاشى .. تعصر ليمونة تشوف شلون تذوب وتختفي .. لكن لو تمت تغطيتها ببلاستر نوع جيد ومقاوم للرطوبة وبصبغ جيد توكل على الله وركبها .. وأي فورمان فاهم تجيب له المواد بيقدر يسويها ويركبها
للقص يستعملون السلك الصاخن وتقدر تقص بالشكل اللي تبي وبسهولة
انا افضل السيبوريكس وهو مادة مقاربة وأكثر صلابة ولا يتأثر من العوامل الجوية بس قصه وسط بين الفوم والطابوق ونحته سهل بأدوات معينة
هذا فلم عن حريق لواجهة بوليستيرين اللي هي مادة الفوم
-
تميم المجد
وهذي تجربة لنوع معمول ضد الحريق .. واللي عندنا على خبري سريع الاشتعال وما ينفع الا بين طابوقتين للعزل أو فوق السطح بطبقة اسمنت 4 سم وتزيد حسب السلوب والاسمنت لحمايته من عوامل الجو وأي مصدر اشتعال
اللي عندنا تاخذ قطعة صغيرة وتولع فيها كبريت وتشوف شيصير
-
تميم المجد
وهذا مسوي عمود وبعدين يشطبه والمهم التشطيب بطبقة بلاستر ما تسرب الماء له أو رشه بصبغ عازل وتقدر تتابع مع باقي الفيديوهات التابعة حق هذا
-
تميم المجد
وهذا مسوي عمود وبعدين يشطبه والمهم التشطيب بطبقة بلاستر ما تسرب الماء له أو رشه بصبغ عازل وتقدر تتابع مع باقي الفيديوهات التابعة حق هذا
-
تميم المجد
الأداة ذي اللي يستخدمها فيها بطارية تخليها صاخنة من تلامس الفوم تقصه بسهولة
-
تميم المجد
وهذا الفوم مشكل ومصبوغ بطبقة حماية سميكة ولاحظ يضربها شوي شوي لو قوة بتنكسر القشرة اللي عليه
-
تميم المجد
للأسف بعض الشركات حرامية والا المفروض يسوون المطلوب منهم وحسب رغبة العميل أما يقولون كل البيت وبيكلفك 400000 هذي نهيبة تركب حجر أفضل لك أو ترضى بالجي ار سي أو بدون تسويه بسيط
-
اخي الكريم شموخ دائم
استاذنا معماري قطري
أشكركم على الإفادة و النصيحة .. بارك الله فيكم
حصلت محل ثاني اسمه ( فنتازيا ) مكانه في شارع السد جنب المصرف.. يوردون من تركيا
عطوني كوتيشن بأكثر من ضعف سعر ال جي أر سي (هذا الكلام قبل الحصار )
مع ان الفوم يفترض انه بديل رخيص لل جي أر سي
شكلي راح اركب جي أر سي في النهاية
شكرًا لكل من ادلى بدلوه و تقبلوا تحياتي ..
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى