السكة صعب تضمها للبيت لكن حاول تستفيد منها. سو ملاحق في الجهه اللي تفتح عليها وبعد اتمام البناء افتح من جهه السكة و اجرها
و تقدر تحط غرفة السواق فيها
|
السكة صعب تضمها للبيت لكن حاول تستفيد منها. سو ملاحق في الجهه اللي تفتح عليها وبعد اتمام البناء افتح من جهه السكة و اجرها
و تقدر تحط غرفة السواق فيها
تسلم اخوي معماري قطر على الرد الوافي وماقصرت
ومحشوم من وصف الارهابي 😂
اشكرك اخوي مواقف النجاده على الملاحظات ومشاركتك بالنقاش مع الاخ معماري قطر
الاخ بوخالد مشكور على الملاحظه
الاخ حمد زوز فكرتك حلوه بالنسبه لغرفة السايق
العفو يا اخويالمشاركة الأصلية كتبت بواسطة بـومحمد
التظليل ضروري للمكيفات عن الشمس مع ضمان تهوئة جيدة من الجوانب
بالنسبة لإستغلال السطح أوقات تفكر في هالشيء أثناء التصميم بس في الواقع ما تستغله .. انا سويت صالة فوق 8.5 في 6.1 مفتوحة على ثلاث جهات بدرايش وجهة منهم باب قزاز كبير يطلعك على السطح .. كنت ناوي اقسمها جلسة تلفزيون وصالة رياضية مع مكتبة .. واسوي جدام الباب القزاز برغولا خشب وجلسة خارجية ورفعت سور السطح لمتر و 40 سم ويعطي خصوصية كفاية
ركبت مرايا للجزء اللي للصالة الرياضية وشريت بعض الأجهزة وتمرنت شوي يوم يومين محد شجعني من البيت الا قليل بعدين استوينا متقوقعين في الصالة العلوية حتى تحت ما نقعد .. الجزء الخارجي مخليه بدون مكيفات من التصميم والمكيفات في باقي السطح تشمست فيه يمكن مرتين وبس .. وكنت مجهز كهرباء وماي حق باربيكيو لكن محد شجعني وسوينا منطقة الشواء في حديقة صغيرة صوب الملحق وكانت عملية
ألحين ناوي اسوي بارتشن أقسم الصالة فوق لغرفة ولمخزن لتخزين الشناط وبعض الثياب
اضافة بسيطة
الوحدات الخارجية اذا معلقة على الحوائط ولو حتى على ارتفاع بسيط "تبين من خارج سور البيت" البلدية يطلبون تغطيتها بجي ار سي مثلا .. صارت لي السالفة وفي الاخير مشوها لي.
الوارش " سور السطح" تقدر ترفعه على راحتك طبعا تراعي الارتفاع العام للفيلا .. تقدر بهالطريقة تستفيد من السطح لعمل جلسة او حتى خيمة وزراعة بس ترتب التكييف من البداية اسهل مو شرط كل الوحدات في جهة وحدة بس ترتبهم لاستغلال مساحة السطح .. تقدر تبلط السطح لنظافة المكان
خلها بارتفاع مترين ما تبين من السور وبعدين سهل الوصول لها بدرج عادي وصيانتها
بنفس الوقت المرور حولها في الحوش سهل .. وتقدر تسوي لها قاعدة طابوق طولية من الأساس ملاصقة للحائط وتظليلها تثبته على الحائط .. شفت هذا منفذ في فندق سوفتيل في منتجع سياحي في جزيرة تايلندية وكان منظره كثير زين ولا يلاحظ .. في بيت سكنت فيه في أمريكا كانت الوحدة الخارجية كبيرة وتبين قرب ممر للمشاة خارجي ويمرون أطفال يلعبون على سياكل ولا منعوها هناك .. عندنا معقدين وايد والا المنظر شفيه .. كان الأولى يصلحون نظام البلدية اللي مخلي حاويات القمامة بعضها تنسحب تدخل الشارع والمفروض مبني حولها طابوق بتشكيلة حلوة ومخصص لها مكان ثابت توصله السيارة اللي تشيل
ضوابط المشاركة
رد مع اقتباس