كلامك يطمن اخوي قناص في ان السهم مقبل على طفرة وكذلك ان هذا النظرة الايجابية تراها من خلال الشارت نفسه فهذا امر طيب ويدعو لزيادة الاطمئنان.
كلامك يطمن اخوي قناص في ان السهم مقبل على طفرة وكذلك ان هذا النظرة الايجابية تراها من خلال الشارت نفسه فهذا امر طيب ويدعو لزيادة الاطمئنان.
اللهم صل على سيدنا محمد وعلى آله وصحبه وسلم
الامور طيبه ان شاء الله
اتوقع يصمل فوق13.19 ومايكسرها
لما السهم كان محقق خساير 58 مليون في بداية2016
كان سعره بين 11_14
الشركه اللي ينخاف منها هي اللي تكون خسايرها من قروض وديون ومستحقات هذي تسمى شركه خسرانه فعليا
اما الشركه اللي خسارتها بسبب بطئ مجلس ادارتها في ايجاد مشاريع يستخدمون من خلالها اموالهم اللي تصل 900مليون ريال
ف تعتبر خسرانه على ورق فقط
نفس اي مستثمر في السوق يعطيه سهمه تدبيله بعد سنوات الصبر ومايبيع ويرجع ينزل به السهم الى سعر شرائه ويمكن اقل
يكون وقتها كااااااان ربحان على ورق فقط
ولكن فعليا كأنك يا بو زيد ما غزيت
المضاربين حقهم بالتنقل بين الاسهم فهم مثل الصقور ينتظرون الفريسه بعد صبر طويل ويقتنصونهااا ... المشكله في المستثمر ايش استفاد طول هالفتره الماضيه من وقت الاكتتاب ( ما كانت اخبارهم الوقتيه آنذاك تشع ارباح للشركة وصلت بها لـ 5 ريال تقريبااا وسعر سوقي فوق 50 ) .... هذا المستثمر وين الشركة عنه ؟
الواضح انه من اتشوف اخبار تلمع للشركة معناها انفذ بجلدك .. لا ترند ولا هدف نموذج ولا شي راح يشفع لك ....
وبعدين من وين جات خساير الشركة ...
استغفر الله
اربع شركات حدثت لهم طفره من قاااع سحيق الى قمم رائعة ( مواشي مستثمرين ورعايه ومخازن ) ..
يا مجلس الاداره قارنوا نفسكم معهم راح اتشوفون انه مع تقلب السوق الطبيعي الا انهم حافظين ماء الوجه .. وما اخذلوا مستثمرينهم باكتتابات مالها داعي .... يهبط مع الهبوط ويرجع لمستوى خط احمر وكأنه خط دفااااع ما انزل عنه او اعطيهم فرصه للتعامل مع حلالهم .... انتوا وين حطيتوا مستثمرينكم ...
لا حول ولا قوة الا بالله
التعديل الأخير تم بواسطة الطيف المهاجر ; 29-07-2017 الساعة 11:30 AM
اسمحلي يالغالي ما يصير نشبه الاجاره(ماليا)
بهم بسبب ما ذكرته فالمشاركه التي تسبق هالمشاركه
الشركه عندها اموال تعادل ضعف راس مال الشركه تقريبا
راس مال الشركه 494.8 مليون ريال
والكاش اللي يملكونه حسب بيانات ديسمبر 2016
906 مليون ريال
وهذا يعني لو نبي نقارن ماليا
بمزايا راس مالها 1.15مليار
يعني المفروض يكون عندها كاش 2مليار ريال لم يستخدم لنقارنها بالاجاره
او اذا قلنا فودافون راس مالها 8مليار ريال
تحتاج ان يكون عندها كاش 15مليار ريال
لكي نقارنهم بالاجاره وهذا غير موجود
فقط طرحته من باب الامثله لا اكثر
اصلا لما يكون هناك شركه تملك كاش يعادل نصف راس مالها يعتبر شي ممتاااااااز
فما بالك لو تملك ما يعادل دبل راس مالها تقريبا
في تخبط اداري وتباطؤ بعد 4سنوات اتفق 100%
يرفعون الضغط اتفق
ولكن لا زلت اقول لربمااا شراءهم في الميره من يومين هو اول الغيث وبدا الشغل والتشغيل
انا متفائل جدا بشراءهم الميره بغض النظر عن الميره (فنيا)
(ومادام اخترقوا 157 فاعتقد قادرين وناويين بالفلوس تغيير اتجاه السهم فنيا واعتقدد انه الميره ساحبينها تحت لاغلاق الفجوات ولو جزئيا ومن ثم يردونها فوق )
انا متفائل فقط لانهم بدوا تحريك فلوووس الشركه
التعديل الأخير تم بواسطة مضارب دوسري ; 29-07-2017 الساعة 11:37 AM
لو بنقارن براس المال اجل الاسلاميه القابضه انقزت من ال 40 الى
ال 70 و من ال 70 الى 220 انا ما اقارن براس مال الشركه
و لا التفت له كثر ما يهمني شارت الشركه يا بومحمد شوف الفتره
اللي طافت و انا اقول السوق نزول و خروج و البعض يقول الاقتصاد و الشركات قويه وووووووو و لازلت اقولك الكلام هذا
ما يهمني اي التحليل المالي ما يهمني لان الفتره الحاليه فترة
مضاربات نزول و صعود و استغلال الفرص بعطيك مثال بسيط
مزايا وقت السهم كان عند ال 15 الناس كانت تقول السهم قوي
و شكره قويه و مشروع سدره ووووووو كلام كثير من كان يصدق
السهم يوصل 10 ريال لدرجه كان اختلاف بيني و بينك على السهم
و مع بعض الاخوان على هذا الموضوع يعني لو انا نظرت لراس مال الشركه و انتظرت اخبار مشروع سدره كان انا الحين اقطع بصل
القصد من كلامي ان الوضع الحالي لكل الاسهم بدون اشتثناء هو
مضاربي مضاربي مضاربي بحت و الاهم هو استغلال الفرص
ان أصبت من الله ........ و ان اخطأت فمن نفسي و الشيطان