على كيفهم تطلع بالريوس ممنوع .؟المشاركة الأصلية كتبت بواسطة معماري قطري
عيل اشلون اصف ف بيتي مثلآ ..؟
خلاص خل يوزعون للناس اراضي كبيره علشان الواحد يعرف يدور بموتره داخل البيت ويطلع عدل
|
على كيفهم تطلع بالريوس ممنوع .؟
عيل اشلون اصف ف بيتي مثلآ ..؟
خلاص خل يوزعون للناس اراضي كبيره علشان الواحد يعرف يدور بموتره داخل البيت ويطلع عدل
بيتنا بو محمد صغير 1200 الأرض بس كل سياراتنا نقدر نطلعها عادي ودوم اوصيهم ما يطلعون ريوس بس ولدي ما يهتم
المشكلة بين سور البيت والشارع حول 3 أمتار والشارع ضيق .. أوقات سيارات يوقفون بميلان بسيط ويبقى جزء في طرف الشارع الواحد لازم يلف عنها ويدخل المسار المقابل .. الناس يتفاهمون خصوصاً اللي يمشون بعقل وهم مهما يكون داخل فريج وواجب عليهم السواقة تحت ال 50 والانتباه .. لكن يجي واحد طالع من لفة ودايس تعرف السيارات ألحين بسهولة توصل 100 وحتى فوقها والتحقيق يقدر يعرف سرعة هذا الشخص ببساطة من قوة الصدمة ومن مسافة البريك .. بس لازم يصورون
باحط صورة جوية للموقع إن شاء الله
واحد من الشباب عنده بعد رخصة تحت التدريب .. مسكين مار عند مدرسة الا ولد ناط من السور وطايح جدام سيارته .. ما قدر يتفاداه صدمه وتوفى الولد وهو من جنسية عربية .. بهدلوا اللي داعم وكأنه قاصد وعائلة المتوفي طالبت بالقصاص .. شدعوى قتل متعمد ولدكم طاب من فوق جدام سيارته .. بعدين طالبوا بمبلغ كبير والمحكمة حكمت بالدية الشرعية
وحالات دهس المشاة كثيرة والسبب ببساطة المشاة لكن الغلط على السواق .. شلون يقدر يوقف السيارة وهي تمشي 60 وهذا نط في وجهه فجأة وهذا كذلك يحتاج لقوانين حديثة وأماكن المشاة معروفة .. أكيد في فريج سرعة السيارات فيه 50 المفروض الحق للمشاة لأن ممكن حد يقطع الطريق يرمي القمامة وواجب الاثنين الانتباه السائق وقاطع الطريق وهذا مطبق في غالبية دول العالم .. لكن انا امشي في طريقي فجأة واحد ينط جدامي والشارع 60 وفوق ولا فيه معابر واضحة هذي يفترض يكون فيها قانون مفصل يحط الغلط على من
بصراحة بعض شرطة المرور لا يفهمون اصلا القوانين اعتقد بسبب تدني مستواهم الدراسي
اي شي طبيعي كثير من التهور والمزاجيه تصدر في قرار الشرطي الغلط على من ، وللأسف أغلب الأفراد يفتقدون للخبرة والتحليل المنطقي على المتسبب .
مع أنه فيها سالفه روح وتعال ، بس ليتك ما سكت عن حقكك .
اعرف واحد شايب ما وافق على تقرير الشرطي و طلب محكمة و اخذ حقه
الحمد لله على سلامة ولدك اخوي معماري
المرور حزات يطيح الواحد مع شرطي ما يبي يعور راسه واذكر صارت معاي قبل فترة واحد دعمني في تقاطع وكان هو غلطان وكان معترف ورحنا المرور ويوم الشرطي سأل من الغلطان قال أنه غلطان من نفسه ويوم دخلنا داخل وعاد الشرطي السؤال مع خريطة قام حاول يلعب في الكلام ويطلع نفسه منها والشرطي ريح راسه وقال تفاهموا !! نتفاهم على شنو ؟ رفع ضغطي خصوصا ان الحادث بعيد عن البيت وعندي مشاوير ومب فاضي أطول سالفة الحادث بس الحمد لله شرطي ثاني شافني وسأل عن الموضوع وقلت له وتصرف وخذت حقي
وكل كسر فإن الدين يجبره ...... و ما لكسر قناة الدين جبران
السلام عليكم
اخواني قبل كم يوم دعمني هندي في الدوار من وراء
والفرد مال الشرطة جاء وحط الخطا علي والهندي المشكلة دش الدوار مسرع طاير ودعمني وانا ف الدوار وابي الف يمين
المشكلة سجلو علي الخطا وكاتبين الدعمة من الجنب وهي من وراء ... وماعرف ايش وانا مش مقتنع الصراحة ان الخطا علي
ممكن حد يوضح لنا كيف اجراءات المحكمة وكم تكاليفها وهل يحق لي ان اشتكي على اسلوب الشرطي معاي؟
اول شي تستاهل سلامة الولد .. يروح الحديد و لا يصيده شي
عندنا وايد من منتسبي جهاز الشرطة ما عندهم إلمام بالقوانين فأغسل يدك .. المواطن حقه ضايع!
ضوابط المشاركة
رد مع اقتباس