صبحكم الله بالخير
اللي دعاني لكتابة هالموضوع هو اللي صرت اشوفه بشكل متزايد من بعض (الأشقاء) ولن أقول الأشقياء ، من شماتة في قطر !!!
طبعا ماراح أتكلم عن تصديقهم لما يطرحه اعلامهم بدون تمحيص بل حتى بدون عقل !! لكن أتكلم عن ردود افعالهم تجاه القطريين والدولة بشكل عام
القى للأسف الكثيرين يفرحون ويهللون لما ينقال لهم او يصورون لهم ان الاقتصاد القطري يتهاوى وان الشعب في ضيق من امره
وطبعا الكثيرين يسلمون عقولهم لشياطين الضلال ويصدقون مثل هالتخريف
لكن : هل بعض اهل الخليج يفرحون بما يصيب الشعب القطري ودولة قطر؟؟ هل هاذي هي الروابط اللي تجمعنا؟؟؟؟؟؟!!!! تفرحون وتشمتون في مصيبة (حسب مايصور لكم اعلامكم) أخ شقيق؟ هل هاذي اخلاق ؟ هل هاذي مروءة؟
كنت ولازلت اشوف ان من اكبر الأشياء السلبية الخطيرة في الازمة هو الزج بالشعوب فيها ، وقد أشار سمو الأمير الشيخ تميم حفظه الله الى ذلك في خطابه ، لما ذكر ان آن الأوان لعدم تحميل الشعوب تبعات الخلافات السياسية
لكن وين روابط الاخوة ؟ وين النسب؟ وين وحدة المصير؟ وين الروابط الاسرية؟
وقبل هذا كله : وين وحدة الدين ؟؟؟؟؟؟؟؟؟؟؟؟ صرنا نشوف تطاول وشماتة والله ماشفناها على الصهاينة
ماراح اذكر الدولة البعيدة عنا وغير الخليجية اللي اعلامها مشهور بالبذاءة والسقوط والشماتة والتطاول على من لايدفع الرز ، قصدي الفلوس
لكن أتكلم عن اهل الخليج بالذات : هل هذا أقصى طموحكم ؟