بمناسبة دخولنا الشهر الثالث من الحصار الجائر حبيت افتح موضوع يتعلق
بالشيلات والقصايد الشعريه ,,,,وأستهلها بأحد اجملها ,,,من قصيد المؤسس
رحمه الله الشيخ جاسم بن محمد بن ثاني,,,,,,
واهل الاول يوثقون الاحداث بالقصيد لم يكن موجود عندهم بث مباشر ولا
وسائط الاتصال الحديثه,,,,ولذلك ترى فالقصيد وضع يخليك تعيش جو
ذيك الايام,,,,,وهذي القصيده انشدها شاعرنا قبل اكثر من 130 سنه
ولكنها كأنما تعايش وضعنا الحالي,,,,,بكل معانيها ,,,,وبعض مقاطع من هالقصيده
تم تسجيلها بمناسبة الاحتفال بالقوات الخاصه القطريه بواسطة قناة الريان 2013
عساهم جميعا عالى قوه وزود وكل الحاضرين:
يا الله يــــا والــي على كل والـي
يا مــــن بعلمه دبـــر الفلك والكون
يا واحـد عــــرشه على الناس عالي
وامــره وحكمه بين كـــاف مع نـون
الحمد لك والـــشـكر أول وتـالــي
ولك الثنا والــمجــد يـا عـامر الكون
نسألك وحـــدك لا لغـيرك نـسالـي
ونخلص لك الـــدعوة وفرض ومسنون
وعــن طاعتك ما غـــيرتنا الليالـي
وفــي منهج الــتـوحيد ما نتبع الهون
فـبذا رقـينا شـــامخات الـــجبالي
عـــن ملك دولات وعــن حكم قانون
ومع ذا نوالي كــــل من لك يـوالـي
ونبغض جـــميع اللي لـغـيرك يوالون
عبادة الأوثان حـــــزب الــضلالي
بأصنامهم وأوثـــانهم يستغـيثـــون
ومحار بين الله عزيز الـــجلالــــي
ومـحـاربين اللي بـدينــه يــدينون
تـجمعـوا ما بين جـــافي وغـــالي
عــدوان للـــدين الحنيفي يســوون
فيا الله يا مغني جــمـيع الــــدوالي
ويا مالك الـــدنيا وما كـــان مدفون
مفني القرون الأولـة والــــتوالــي
نمرود معـ كـسرى وهرقـل وفـرعون
وعــاد وشـــداد طـغى ثم زالــي
ولا نفعته جـــناتـه اللي يغـــرسون
أعلى الــــمباني واعتلتها الرمــالي
وذي عـــادة الوالي بهم يــوم يطغون
وجـــونا خبثين العمل والــــفعالي
اللي عــن أحـكــام الـشريعة يحيدون
نكاحة الـــــذكران مـــرد العيالي
وهــم للـفـواحــش والـخمر يستحلون
يبـــون ملك أرقـابنا والـعـيالــي
وتمشاة حـكــم اللي يبـونـه يـمـشون
فرحب بهم اللي من الــــدين خـالي
عـبـادة الــدينـار بالــــدين يشرون
وتبدلوا بالـسحت بعد الـحـلالــــي
وهــم ياعـظـــون الناس عما يسوون
فيا الله يا منشي السحاب الـثـقـــالي
ومخلف ظـنــون الـناس عما يـريدون
ويا ناصرٍ عبده وجــنــده وزالــي
عنهم هــل الأخــــراب بالذل يقفون
تـعـــز من لك صادق بالـمقالــي
وبالفعل والأعـمــال ظاهــر ومكنون
فــوالله لــــولا الله وأدري التوالـي
ذل على أهـــل الـقـــرايا يضرون
كــان السبايا داسـتـه بالـنعــــالي
وأنا نعدمهم قبل للــــدار يـأتـــون
لكن دخل بالـــــذل لأجــل احتيالي
وأبـــدي العـذر عن كل ما هم يقولون
والـقـصر خلي لـه من الناس خـالـي
نبغي السب فيهم عــسـاهم يـمــرون
خلوه ما عاجــــوا بـــروس البغالي
يبغــون السلامة جعلهم ما يـثـنــون
فحنا حـــرار في ليالــي الـــسيالي
هــداتـنــا يـفـرح بها كـل مغبون
ما ســـاقت الخاوه نـدور الـحلالــي
ولا نرتضي بالــذل في مسكن الـهـون
ونفوسنا ترخص لنا كــــل غـــالي
ونرخص بها في سـاعــة الناس يغلون
|
رد مع اقتباس
المشاركة الأصلية كتبت بواسطة وسمي2016
,,,وبان من مخلف النيه
,,
