المشاركة الأصلية كتبت بواسطة غريب الدّار
شي جيد ان قلبك عليهم للحين ، وهم (اشقاء) في النهاية
طبعا سالفة الخريطة هاذي الله اعلم عنها لان مثل هالاخبار تتكرر ومحد عنده اثبات عليها ، مب معنى هذا انها صدق او كذب بس مافي أي اثبات
الشي الثاني : نفرض ان فعلا يبون يستردونها ، طيب وبعدين ؟ هل البحرين نفسها سمحت لهم ؟
وشنو المطلوب منا في هالحالة ؟
اكيد لازم نوقف مع البحرين كبلد شقيق مافي شك
لكن هل كل الدول الخلجية كان هذا رايها؟
ليش نصير ملكيين اكثر من الملك ؟
هل الامارات اللي أصلا جزرها محتلة قطعت جميع علاقاتها مع ايران ؟؟
هذا اللي قصدته ان النظرة لازم تكون موضوعية وبعيدة عن العواطف اخوي عيسى
وعلى فكرة سالفة ان الدولة هاذي ترجع والدولة هاذي لنا والفلانية تابعة ، لو فتحنا هالملف ماراح نخلص
وكل الدول المذكورة أعضاء في الأمم المتحدة أصلا
وياهلا