الدين الاسلامي لا يقر بالعنصريه القوميه فمن اوائل الصحابه رضي الله عنهم
سلمان الفارسي و بلال الحبشي,,,,وعلى مر الزمان هنالك اشهر علماء الرياضيات
الخوارزمي وهو من خوارزم تقع في روسيا الان,,,,وهنالك السمرقندي وغيرهم الكثير
ممن ابدع وخدم الاسلام والمسلمين,,,,,,,ومن رواة الحديث صحيح مسلم وهو الثاني
من بعد البخاري ومسلم من نيسابور وليس من اصول عربيه,,,,,,,,,,
مرحبا اخوي شموخ نورت الموضوع
اعتقد انك تقصد خطوط حمراءمن المفترض هناك خطوط عريضه فيها توافق ما بين دول الخليج
وايران
يعرفون حدوهم الحمراء
ونعرف حدودنا الحمراء ومحد يتجاوزها
الي قاعد يحصل مختلف تمام
لكن احب أوضح شغلى اخوي شموخ : مافي دول في العالم تقعد وتحدد خطوط حمراء وغيرها
القانون الدولي وميثاق الأمم لمتحدة محدد كل شي
واي دولة تتطاول او تعتدي على الثانية تتصرف الدولة المعتدى عليها بحسب مايعطيها القانون لدولي من مجال
وايران وغير ايران ليست استثناء من هالقاعدة
وهاذي نقطة أساسية : ليش نخلي غيرنا يحدد نظرتنا لأي دولة ؟ نظرتنا لأي دولة يجب ان تحكمها المصلحة والمصالح القومية بما لايتعارض مع مصلحتنايوم الاعلام يخلي جارك شيطان رجيم
ويوم يخلي جارك طفل كله برائه
وأحمد الله ان القيادة عندنا واعية لهالشي
للأسف والله ومع احترامي لجميع الآراء في ناس يتكلمون ويحكمون بدون أي ادلة ، فقط برودكاست او مسج او منتديات وكلام ينقلونه من غيرهم ومهم مايدرون عنهوالشعوب في المنطقه تركض خلف الاعلام ومسجات وصور وامور تاريخيه
كل واحد يوثق موقفه بادله مضى عليها الاف السنين
الاختلاف شي طبيعي وسنة الحياةمثل ما يحصل بهذا الموضوع من ردود متناقضه
لكن اللي مهب طبيعي الانجرار خلف العواطف وعدم التفكير ، او التفكير بعقول الغير ، يعني بصريح العبارة عقلية القطيع : ليش تعادي الدولة الفلانية؟ والله لان في دولة ثانية عادتها!!!!
واعتقد حان الوقت لان هالشي يتغيرفي الحقيقه احنا بالخليج
( تسحبنا العواطف )
ولاعلام يعرف يلعب على عواطفنا ويغير مواقفنا 360 درجه
بين ليلها وضحاها وبكل سهوله
لان احنا ما عندنا ( قناعه ) او ادله عن حقيقه الموقف الإيراني اتجاه دول الخليج
درس الحصار لازم نستفيد منه اقصى استفادة
وهذا احد الدروس الأساسية المستفادة من الازمة في نظري
هذا ينطبق على جميع الدول مهب بس ايرانكل شي ممكن بدول الخليج مع ايران
ممكن نتعايش معاهم اذا كنا جادين بالتعايش ونوضح لهم الخطوط الحمراء
والعلاقات الدولية تحكمها القوانين الدولية وميثاق الأمم المتحدة وغيره من المنظمات التابعة والمعترف فيها ، والاتفاقيات الدولية
تحليلك منطقيدوله ممتازه مع ايران ( عمان ) وكل الأمور طيبه بينهم هناك توافق واضح
دوله تكره التيار الشيعي القوي المثير للجدل و ايران بسبب مشاكل الشيعه ( البحرين ) والحكومه البحرينيه تستخدم هذا الكره بين شد وجذب حسب مصلحتها
دوله توقف امام ايران بشكل كراهيه ( السعوديه ) ويوجد اتفاقات بينهم للتعامل تحت الطاوله وتلعب على هذا الوتر امام العالم
دوله تحاول الحفاظ على العلاقات ( قطر ) بين دول الخليج وبين مصالحها مع ايران
ودوله بين نارين ( الكويت ) تحاول ترضي الجبهه الداخليه خاصه ان فيها نسبه شيعه وتخاف من تفاقم الأوضاع الى طائفيه
كل دولة ولها أسباب سواء منطقية او غير منطقية
وماراح اتدخل في شؤؤونهم الداخلية لكن الناظر الى أوضاع البلدان المذكورة اخوي شموخ راح يدرك أسباب التباين في الموقف ضد ايران
واسمح لي ماراح افصّل في هالنقطة مع ان الكلام فيها كثير
لكن بالنسبة لقطر : فالحمدلله ان سمو الأمير الشيخ تميم وقبله سمو الأمير الوالد كانت نظرتهم بعيدة المدى وادركوا هالامور وهذا سبب من أسباب ثبات ووضوح ومنطقية السياسة القطرية
وهاذي نقطة أساسية ومحورية أيضا في الموضوع :الي ملخبط المشهد ان اذا السعوديه احتكت في ايران ( تريد باقي الدول ) تحتك في ايران أيضا
هل اذا عادت أي دولة ايران ، يجب علينا معاداتها أيضا ؟
والله يحييك
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
بس اخوي علاقتنا مع ايران طيبة حتى قبل الحصارالمشاركة الأصلية كتبت بواسطة shadad
هاذي نقطة
ثاني نقطة : بالمنطق اللي ذكرته اخوي يجب علينا معاداة اليابان مثلا ، وامريكا ، ودول كثيرة جدا في العالم
اذا كان المعيار هو التضاد في الشرائع
رسولنا الكريم عليه السلام تعامل مع يهودي وكانت درعه مرهونة عند يهودي لما توفى عليه السلام
ليش ماقال ماراح اتعامل معاه لانه في تضاد في الشريعة ؟
ارجع وأقول ان المعيار يجب ان يكون المصلحة وماينطبق على ايران ينطبق على غيرها
يعني اذا ايران سببت ضرر لنا او لمصالحنا او للمصالح القومية اللي ممكن تأثر علينا ، يجب علينا أيضا ان ناخذ منها موقف
اما مسألة شيعة وسنة اخوي فالعالم مليان بشرائع مختلفة واديان متعددة ، منها ماهو سماوي ومنها ماهو وضعي ، فاذا عادينا كل من يخالفنا الدين او المذهب بنعادي يمكن ثلاث ارباع الكرة الأرضية !!!
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
يامرحبا بالوسمي
هذي الخارطه الاصليه التي استدليت عليها اخوي,,,,رسمها جغرافي فرنسي
وهذي الطبعه الالمانيه منها ورسمت كخارطه تبين حدود العرب كما
هو واضح سنة 1745
وكل الباقي باللون الاخضر,,,,,لايمكن لأيران الاستدلال عليها
,,,,
حتى ولو يخوي ، خلها تحلم على كيفها
بنحاسبها على احلامها؟ تحلم ان شاء الله مليون سنة
اذا حاولت تضرنا او تقرب منا وقتها لكل حادث حديث
بس دام ان مستفيدين منها وماضرتنا وماضرت مصالحنا القومية ليش لا يخوي ؟
واحب أوضح وانبه لشغلة مهمة :
يااخوان مهب معنى كلامي او موضوعي ان ايران هي افضل دولة في العالم
لا
المعنى يااخوان ان لازم ماننجر خلف غيرنا ، واي دولة سواء ايران او غير ايران نفعتنا نوطد معاها العلاقات
واذا شفنا منها مضرة نتصرف بما تمليه المصلحة
يعني الحين احنا اشتكينا على من في منظمة ايكاو وفي الأمم المتحدة وفي منظمة التجارة العالمية؟
على دول الحصار
ودول الحصار دول سنية وجارة وشقيقة
ونتشارك وياها في الدين والمذهب
طيب ليش محد قال لاتشتكون هاذول سنة مثلا؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لان مصالحنا تقتضي هالشي
مصالحنا تضررت
هذا اللي قصدته
وهذا ينطبق على ايران وغير ايران
طول ماان احنا مستفيدين اهلا وسهلا
مب مستفيدين خلاص نتصرف بما يمليه الواقع والمعطيات
اعتقد كلامي واضح
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
ايران دولة تريد التوسع
وامريكا تبي تتوسع
ومادري وين يبون يتوسعون
وهاذي الدولة تكرهنا
وهاذي الدولة تكره الإسلام
وهاذول مادري شيدبرون ضدنا
واللي اشوفه انك توسعت جدا في نظرية المؤامرة اخوي قطر خضراء ، وتعمقت بشكل كبير
احترم رايك لكني اعتقد اني رديت على كلامك في المداخلات السابقة في نفس الموضوع
وياهلا
بعدين اخوي اما آن الأوان لتتكلم باللهجة المحلية ؟ ولا صعبة عليك ؟
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
مرحبا شيخ راجيمبدأ ( ان الدوله الفلانية ما ضرتنا وبالتالي فهي مب عدوة لنا ! ) مضحك جدا
هل تقدر تعتبر ان اللي ماضرك عدو ؟؟ معناها تعتبر اللي ضرك صديق
فسر لي ليش قطر اشتكت على السعودية والبحرين والامارات في منظمة ايكاو وفي منظمة التجارة العالمية
وهي دول سنية شقيقة
من هم الكفار المقصودين ؟ هل هم الامريكان مثلا اللي اخترعوا لك الجهاز اللي تكتب منه ؟ ام من بالضبط ؟ هل اليابان منهم ؟لان ع هالكلام ستدخل جميع الكفار في قائمة الصداقة وع راسهم بلاد اليهود !
يعني في نظرك اليابان دولة عدو لنا ؟؟؟ وش هالمنطق ياشيخ راجي؟
وانا شقاعد أقول من الصبح ؟ولكن في موضوع السياسة و التعاملات مع الدول تبقى هناك مصالح تحكم العلاقات
ولا صديق فيها دائم ..
كيف يعني تدوم؟؟ هات لي صداقة مبنية عالصداقة الإسلامية الصحيحة على قولتك ودايمة الى الآنالصداقة التي تدوم هي المبنية عالعقيدة الاسلامية الصحيحة
مع العلم ان الجملة اللي فوقها على طول انت كاتب :
يعني مافي علاقات تدوم !!!ولا صديق فيها دائم ..
وياهلا بك
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
مع اني اشكك في هالموضوع اخوي عيسى
لكن هاذي البحرين اللي تقول ان لازم نعادي ايران علشانها سوت عليك حصار وكل يومين مطلعة على قطر سالفة اكبر من اللي قبلها
هل المطلوب ان نراعيهم بعد ؟ هذا على فرض صحة الافتراض اللي تكرمت بذكره اخوي عيسى ان ايران تبي تأخذ البحرين
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
مرحبا اخوي بن التويم
انت لما تقول لاتاخذكم العواطف ، أي عواطف؟
لما أقول لك ان المعيار لازم يكون المصلحة ، فأي عواطف تتكلم عنها؟ المصلحة يعني بزنس اخوي
هل الكلام عن العواطف يستقيم لما نتكلم عن بزنس؟
هذا ردي طال عمرك:
وبعدين اخوي سالفة أطماع ايران واطماع ايران ، طيب افرض ان عندها أطماع ، زين وبعدين ؟
وش نسوي لها بالضبط؟
انا راح امشي وياك وأقول ايران عندها مطامع
زين شنو المطلوب؟
وهاذي أسئلة للجميع
افرض ان دولة قطر اليوم قالت ايران عندها مطامع ، وراحت قطعت علاقاتها اليوم مع ايران
هل تشوف هذا شي إيجابي اخوي من وجهة نظرك ؟
ويامرحبا بك يالشيخ
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
اعتقد اخوي الوسمي ان المداخلة مالها علاقة بصلب الموضوع
وياهلا
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
بيض الله وجهك يابو فهد
اشكرك على المداخلة
وفعلا كلامك صحيح
صوروا لنا الشيعة انهم اكبر خطرا من اليهود !!!! والحين دول الحصار قاعدين يصورون قطر و القطريين انهم اكبر خطرا من هولاكو نفسه !!!!
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
ضوابط المشاركة
رد مع اقتباس
