نار ايران ارحم من جنة الجار الاكبر
اللهم انصر الحق عالظالم
نار ايران ارحم من جنة الجار الاكبر
اللهم انصر الحق عالظالم
بعد كل اللي ظهر وعرفناه :
هل كانت ايران عدو لنا أصلا ؟
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
التعديل الأخير تم بواسطة راجي الْعفو ; 13-03-2018 الساعة 01:50 AM
لا يزال .. لسانك .. رطباً .. من ذكر الله ..
اذكر الله !
هلا شيخ راجي
دينيا حتى روسيا وامريكا أعداء ، فرنسا بعد نفس الشي ، والنمسا وإيطاليا وهلم جرا
يعني على نظرة الكثير من المشايخ الكون كله عدو لنا !! لان مختلفين معانا دينيا
اذن العلاقات الدينية لايمكن ان تكون أساس العلاقات بين الشعوب
نجي تاريخيا :
هل نقدر نقول عن المملكة انها عدوة لنا تاريخيا ؟ على أساس حادثة الخفوس مثلا
والحصار حاليا ، يعني بعد كم سنة نقدر نقول هالكلام عن الامارات والبحرين بعد
وتركيا بعد راح نعتبرها عدو تاريخي (على أساس معركة الوجبة)
العلاقات السياسية ياراجي مافيها الكلام اللي تذكره وهو كلام عاطفي لايسمن ولايغني من جوع
مافيها شي لو صادقنا الكل ، ياخي محد قال روح ناسبهم ، استفيد منهم
والرسول لو خذ بالنظرة هاذي ماكانت درعه مرهونة عند يهودي لما مات ، كان قال هاذول اعداءنا تاريخيا ودينيا ، ليش اتعامل معاهم ؟
لكنه تعامل بناء على حسن الخلق والدعوة أولا ، ثم المصلحة ثانيا
واعتقد ياراجي ان لازم تتبع واحنا كلنا نتبع سنة الرسول عليه السلام
والآية الكريمة تقول : ياايها الناس انا خلقناكم من ذكر وانثى وجعلناكم شعبا وقبائل لتعارفوا
خاطب الناس كلهم ماخاطب اللي مشتركين في نفس الدين
شلون راح نتعارف اذا اعتبرنا بعض أعداء ؟
ويامرحبا بك ياشيخنا
التعديل الأخير تم بواسطة غريب الدّار ; 13-03-2018 الساعة 09:10 AM
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
إيران متمثله بالحكومه الصفويه عدو و ما فيها أي شك بعد.
أما الإيرانيين الناس البسيطه إلي لاحول ولا قوة لهم ولا عندهم عنصريه عرقيه ومذهبيه يستثنون طبعا وفيهم الزين والشين حالهم حال أي مجتمع بالعالم
الله يبقيك يا خوي غريب
اولا العداوة الدينية أساس العداوات اللي تشوفها، فإضعاف المسلمين بشريا و اقتصاديا و سياسيا هو اكبر مرادات الأعداء لعلمهم ان الاسلام اذا قامت له قائمة فسيسيطر على جميع الجوانب التي تم ذكرها و لذلك يحيكون المؤامرات و يتفقون في هذا الهدف الذي يعتبر هو الاول بالنسبة لهم و يجتمعون فيما بينهم ولو كانوا ع خلاف لتحقيق هذه الغاية الهامة عندهم ، فتحيدها لا يمكن
ثانيا لما قلت تاريخيا فالقصد العداء الفارسي للعرب، بخلاف عداء العرب فيما بينهم فهذا له وجه آخرو ربما تختلف
ثالثا انا قلت سابقا و اكرر اني ما اقول لا نتعامل بل هذه مصالح دنيوية والمثال اللي ضربته عن النبي ﷺ صحيح وبناء عليه يصير التعارف
ولكن اقول لا نجعلهم أصدقاء ، فهم أعداء مع تعاملنا معهم ، مثل اليهود
خاصة و انهم في عقيدتهم يشوفونك أعداء لهم !
موفق
التعديل الأخير تم بواسطة راجي الْعفو ; 13-03-2018 الساعة 09:41 AM
لا يزال .. لسانك .. رطباً .. من ذكر الله ..
اذكر الله !
هلا والله
العداوة الدينية يجب تحييدها في الأمور السياسية واعتقد ان الرسول عليه السلام فعل ذلك
وتزوج يهودية وماقال اعداءنا تاريخيا
ثانيا : انت بهالطريقة ياراجي دخلت في العنصرية البغيضة لما قلت العداء (الفارسي) ، طيب وسلمان الفارسي؟ ادري بتقول سيدنا سلمان اسلم ، لكن انت تتكلم الحين عن جنسية مب دين ، اعتقد ان الفرق واضح
وبعدين ارجع واسالك : هل نقدر نعتبر خلافنا مع دول الحصار بعد خمسين سنة مثلا خلاف تاريخي ونتعامل على أساسه ؟ ولا تقول لي عرب ومب عرب الله يرحم والديك
ترى الرسول عليه السلام وقف في وجه قريش وكانوا عرب وماقال نفس كلامك
بني العباس وقفوا في وجه بني امية وماقالوا هاذول عرب
احنا كدول خليجية وقفنا في وجه صدام لما احتل الكويت وماقلنا انه عربي
ليش تخلط بينهم وتدخل العنصرية اللي مقتها الرسول صلى الله عليه وسلم ؟ ليش خلط الاوراق؟ يعني لازم نعادي تركيا بعد لانهم مب عرب ونروح للرياض اللي يقولون الحل فيها ولا شرايك ؟
والعدو عدو ياشيخ راجي سواء عربي او فارسي ، والدليل اللي حاصل بيننا وبين دول الحار حاليا ، وهم مسلمين ومنا وفينا ، لكن شوف وش سووا
ولو كان الدين أساس ماراح يكون في قصاص من مسلم على مسلم مثلا
ثالثا : لما تقول مصالح دنيوية ، طيب ومن ذكر غير ذلك؟ محد طلب منا نناسبهم او نقدسهم ، لكن العلاقات الدولية تكون على أساس الصداقة والمصلحة ، والمبادئ بعد
واعتقد ياشيخ راجي كونك انت تعتبرهم مثل اليهود فهذا شي راجع لك ، لكن الحقيقة والواقع هم شي ثاني ، وكلٍ له دينه ومذهبه
والله يوفق الجميع
التعديل الأخير تم بواسطة غريب الدّار ; 13-03-2018 الساعة 09:43 AM
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
مرحبا
المشكلة يا اخوي غريب انت قاعد تخلط بين مسألة العداوة ومسألة التعامل
مافي تعارض بين العداوة و التعامل و قلت هذا في تعليقي
هو عدوي العقدي و اتعامل معه و اتزوج منه ان كان يحل لي
وهذا هو حقيقة مثال زواج النبي ﷺ اللي ذكرته ولم يحيد العداوة الدينية هنا بل هي موجودة
ثانيا: ما علاقة العنصرية بالموضوع؟ انا اعرض مسألة العداوة و حقيقتها لانك تتكلم عن علاقة بين دولتين فلا بد هنا نستحضر جميع الامور والجوانب
مع النظام الحالي هناك عداء عقدي و تاريخي بلا شك
معلوم للجميع ان الفرس ينقمون ع العرب لانهم دمروا إمبراطوريتهم ويريدون استرادادها
هذا القصد
اللي ابي أوصله انك تقول انهم مب أعداء
وانا اقول لك بل أعداء لانك بالجانب اللي يشوفونه انه عدو
امين
التعديل الأخير تم بواسطة راجي الْعفو ; 13-03-2018 الساعة 10:09 AM
لا يزال .. لسانك .. رطباً .. من ذكر الله ..
اذكر الله !