تقدر تقول (جهل+تفاهه+استهتار) كونوا لنا هالخلطات الاجتماعيه، علما بأنني ما ألوم طرف ضد طرف، الكل مشترك في هالاستخفاف اللي صار كبير وصغير من اهل العروس والعريس، لو تلاحظ ان عمر العريس ظ¢ظ¤ مبدئيا راح نقول زواج مبكر ومستعجل ومع ذلك انا شفت حالات اكبر من هالعمر وتم الانفصال في فترة الملجه لعلة (ماشفت البنت عدل) ابي اعرف احنا في اي عصر عايشين اللي يتزوج عمياني او استعباطا الله يعينه على نفسه ويعين اللي يوافق عليه، والمصيبه الاكبر ان الله وشرعه حلل الخطوبه وفترة التعارف في حضور الاهل قبل كتب الكتاب ومع ذلك يقولون لك عاداتنا وتقاليدنا ماتسمح لنا، انا شايفه ان اكبر عائق وسبب رئيسي للطلاقات هو عدم وجود فترة تعارف كافية والتسرع في الملجه وقضايا الطلاق الكثيرة في محاكم الاسرة خير دليل.
سبحان الله وبحمده
موضوع مثل هذا اخوي لازم الحكم يكون بناءا ع التجربة الشخصية ، مانبي نترك الاصل او القاعده ونتكلم في الاستثناءات وكأنه شي منتشر ومرغوب فيه، اتمنى ان الدولة تشوف مصلحة القطريين والقطريات ومصلحة المجتمع بالاحرى قبل الافراد في هالمسألة، الحالات التي ترغب في زواج الخارج ايا كانت الدولة سواء خليجيه او عربيه او غيره يجب ان تكون حالات مشدده ومدروسه ومفهوم اسبابها، اما الزواج عمال على بطال من خارج الدولة فأكيد محد يرضاه لمجتمعنا لما يؤدي من اثار اجتماعيه وسياسيه غير مرغوب بها، في الزواج بالذات اتفق مع الاخ اللي قال الواحد على اشباهه ومن بيئته عشان يكون عامل مساعد لانجاح الزواج..
سبحان الله وبحمده