السلام عليكم ورحمة الله وبركاته
تقبل الله طاعتكم
وعساكم من العايديين الفايزيين
حبيت اعرف افضل بدالة تتركب في الفيلا وممكن يكون فيها الخيارات الناسبة
مثل عدد الخطوط في كل الغرف
الرد وفتح باب الحوش ويتوصل فيها شاشة باب الحوش
انتركام او سماعة نداء لكل الغرف
ممكن شبكها مع الجوال
كذلك مع كاميرات البيت
التحكم عن طريق الجوال ومن على بعد
وتكون سهلة التركيب وماتحتاج تعقيدات وفزلكه
وتقبلوا تحياتي
قُلْ هَلْ نُنَبِّئُكُمْ بِالْأَخْسَرِينَ أَعْمَالًا (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا (
اذا تبي التحكم من الجوال و المراقبة من الخارج .. هالأشياء موجودة و انعرضت علي من اكثر من محل .. لكن حسّيت انها مبالغ فيها و غير عملية .. و أني بعد 6 شهور لا راح استعملها و لا راح أسوي لها صيانة فغضيت النظر عنها..
اذا تبيها .. شوف الوسيط مال جريدة الشرق بتحصل عدة محلات خذ موعد منهم وخلهم يمرون عليك البيت يأخذون طلباتك و يشوفون البيت و يعطونك عرض سعر .. حاول تأخذ عرض سعر من اكثر عدد ممكن من الشركات ( خبرك عرض السعر ببلاش ) لان بعض الشركات اللي يشتغلون في القصور او مشاريع الحكومة يبالغون في الأسعار بدون داعي سوى البطرة ..
بالنسبة للبدالات.. المعروف و المنتشر و اللي ممكن اي حد يشتغلك عليه او يسويله صيانة في المستقبل هو (باناسونيك ).
و بالنسبة للانتركول .. اذا عندك بدالة ما تحتاج انتركول لأنهم يؤدون نفس العمل ..
التعديل الأخير تم بواسطة عايش فرحان ; 04-09-2017 الساعة 09:25 PM
,
,
مرحبا
اذا تبي نصيحتي
لا تركب بداله من الأساس نهائيا
تحتاج انتركم بكميره على الباب الرئيسي
وذا تحب كاميرات المراقبه اوكي
او انتركم مع الملحق او المطبخ
اما بداله وخطوط ارضيه ما اشوف الان حد يركبها ولا عاد لها داعي بين الغرف نهائيا
موبايلات قايمه بالواجب
,
,
جزاكم الله خير على المشاركة والنصيحة
انا حبيت اركب بدالة داخليه حق الاستدعاء السريع مثلا غرفه في الدور الثاني او الأول ونبي شي من المطبخ مش معقوله راح استعمل الجوال حق هذا الغرض خاصة اذا كان الطلب من أي شخص في المطبخ ، او حق قومة الصبح للمدراس او العمل ،، في ظني ان التلفون الداخلي مفيد وسريع وديما جاهز الجوال مش متوفر عند الكل ومش في كل مكان ،، خاصة هااا طاح الغداء والا لين الحين *_^
على العموم انا شكلي راح اشتري النظام كله من النت ، وبنشوف كيف الترتيب بعدين ان شاء الله ،،
تقبلوا تحياتي
قُلْ هَلْ نُنَبِّئُكُمْ بِالْأَخْسَرِينَ أَعْمَالًا (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا (
هذا يركب بدالات للبيت والشركات رقمه 55321331 اعتقد هندي
انا ركبت عنده بداله باناسونيك من سنه تقريباً عنده ل6 خطوط ول12 خط يشتري البداله مع التلفونات ويبرمج كل شي عليه وكلفني اعتقد ب3000 او 4000
جوال ارخص
ما انصح بتركيب بداله
ركبت بدالة ب 6000 ريال تقريبا
ولا استخدمتها نهائيا
قبل على ايام البليبات كانت تنفع
اما الحين عصر السناب والفيديو لايف والفضايح
ضوابط المشاركة
رد مع اقتباس
