السلام عليكم ومساكم الله بالخير.
حصلت لي مقاول بيبني البيت عظم بلاستر بس.
ماعنده كهربائي ولا بايب فيتر.
قال لي دور انت شف لك حد يشتغل لك احسن لك.
السؤال الحين. كم متوسط الاسعار اذا البيت دورين+بنت هاوس+ملاحق خارجية+ مجالس خارجيه.
مساحة البناء 1100 تقريباً.
السؤال الثاني هل فيه ضمان بالعاده وكم مدة الضمان و يشمل ايش بالضبط.
وبايش تنصحوني اذا البيت فيه مصعد. شغل الكهربه يعني.
وسلامتكم.
شوف مقاول مختص وقوي خصوصاً في التخصصين لأن غالبية الضعيفين مب مضمونين وبيتعبونك وكل شيء يسوونه غلط بيقولون كله من مقاول العظم
قبل لتشوف مقاول وهو الأهم خل الاستشاري يتابع ويدقق ترخيصه ويعرف استعداده للشغل .. مواصفات الكهرباء وشغلها تحتاج حد مختص كهرباء والاستشاريين يحطون الأساسيات وبنقص كبير أثناء التصميم .. شوف استشاري مختص ميكانيكل والكتريكال حتى بعضهم وكثير منهم غير مرخصين في هاذين المجالين بعضهم معماري بس وبعضهم معماري وانشائي
لي صديق فلسطيني وهو مهندس قديم له حول 30 سنة يشتغل بين قطر والسعودية حكومي .. وفي قطر حول 20 سنة وألحين خاص .. ما اسوي له دعاية ولا يحتاج بس مثله يحتاج جلسة معاه لترتيب الشغل والمواصفات والاتفاق .. الكهرباء والمياه سهلة جداً لو حد فاهم يرتب لك العقد وحتى إسم كل قطعة ورقم موديلها يقدر يحدده ولو ما كانت موجودة في المكان الفلاني اللي يتعامل معاه تحصلها موجودة في مكان ثاني .. وهذي الخفايا يعرفها الاستشاري المتمرس والمختص وانا حتى وانا مختص ودارس هذي الخدمات لكن مب بتعمق ولا مارست الشغل فيها لازم لو بغيت اصمم اشوف مختص فيها وكذلك الاشراف .. وصدقني في الاشراف 4 مهندسين كهرباء وكذلك التصميم دخلتهم فيه كمتابعة وتأكيد ودراسة
السلام عليكم
انا الكثير نصحوني انه افضل شي يكون مقاول العظم يوفر كهربائي ويكون مذكور ذي الشي في العقد، عشان نتجنب المشاكل الي ذكرها اخوي معماري قطر، بتحصل الكهربائي يلوم مقاول العظم او العكس.
شخصيا انا افضل يكون في العقد عظم وكهرباء، والكهربجي ألي يشتغل وقت العضم هو نفسه يمدد أسلاك الكهرب ويركب dp وكل شي، يبقى عقب وقت التشطيب تركب الليتات واللمبات..الخ.
هذه وحده من الأمور ألي عجبتني في العقد عن طريق شركة مناقصات.
الله يجزيكم خير وما قصرتوا.
انا كلمته بعد ما قريت ردودكم. وقال لي الكهربا 100الف والسباكه 53 الف.
والعازل 50 الف. عازل الماي.
كيف الاسعار غاليه ولا زينه.
طبعا على كلامه مش تابعين للشركه. هو جايبهم بلفيت خدمة لي.
حتى يفترض المقاول لو بياخذ مقاول كهرباء من السوق يحدد مقاول الكهرباء بالإسم مسبقاً ويعطي صورة من ترخيصه ونبذه عنهالمشاركة الأصلية كتبت بواسطة بوجاسم_قطر
ما اقدر احكم بدون معرفة تفاصيل ومواصفات وخرايط الشغل وأكيد تحتاج مختص كهرباء أو حاسب كميات متمرس حتى يفيدك
ماعليك امر كم رقمهم. وياريت تعطيني بعض التفاصيل عن طريقة شغلهم.
الله يجزيك خير وما قصرت.
ماعليك امر كم رقمهم. وياريت تعطيني بعض التفاصيل عن طريقة شغلهم.
ضوابط المشاركة
رد مع اقتباس