صبحكم الله بالخير اخواني وخواتي
طبعا مع بداية السنة الدراسية اغلب المواضيع والنقاشات عن المدارس
حابة اتناقش معاكم في نقطه وهالنقاش بسب موقف مر علي ، بنت اختي عمرها 3 سنين و8 شهور تقريبا
هالسنة أولى سنة لها في الروضة وطبعا كلكم تعرفون مراحل التعب اللي نمر فيها عشان نقنع عيالنا ونحببهم في المدارس
ونهيئهم لهالشئ البنت ماشاءالله عليها اجتماعيه وماعندها مشكله من هالناحيه وعادي داومت من اول يوم في الروضة
وماتعبت أمها ولى من النوع اللي يصيح الحمدالله ، بس امس جاتنا تشتكي تقول كنت قاعده العب وجاتنا المس وهاوشتنا وصارخت علينا
وانا صحت وخفت منها ودوني سكول ثانية لانه هالسكول التيتشرز فيها شريرات @@
وامها لما اتصلت المدرسة فعلا طلع كلام بنتها صح لا وهالمدرسة نفسها اختي تقول من اول يوم ماارتحت لها وانا اشوفها تهاوش وتصارخ في اليهال
متخيلين يهال في الروضة يعني اكبرهم ممكن يكون عمره اربع سنين ونص ولو كلش كلش خمس متخيلين الأسلوب اللي تتبعه معاهم اذا احنا
في البيت مانهاوشهم ونصارخ عليهم ، طبعا تم حل المشكله من إدارة الروضة ماقصرو ، بس تخيلو معاي مدرسة في روضة بهالاسلوب وهالعصبيه
كم ياهل بيكره الروضة بتعقد من الدراسة بسببها ، عصبية المدرسات واسلوبهم مع الأطفال له دور كبير في انه يحبب الطفل في المدرسة والدراسة
او يكرهه وهالشئ يستمر معاه سنين ، ياليت يكون في معيار معين او شروط معينه للمدرسات خصوصا للأطفال اللي في هالمرحله الحرجه