ما دام دخل الغواص الشامت إحنا إن شاء الله بخير وسوقنا بخير وديرة العز في خير
ما دام دخل الغواص الشامت إحنا إن شاء الله بخير وسوقنا بخير وديرة العز في خير
ألاحظ البعض جالس يتجاوز بحقي وأني شامت وهو قد يعلم وقد لا يعلم أني مستثمر معكم من سنوات كما يوضح تاريخ تسجيلي في منتداكم وقلت من بداية الحصار لن أخرج من سوقكم والذي فيه جزء مما استثمر في أسواق المال فأنا لا أضع كل شيء في سوق واحد ولا في قطاع واحد ولا في شركة واحدة بل وقبل ذلك كله لا أضع كل المال في نشاط واحد فالتنويع ضرورة (أسهم، عقار، .. إلخ). على كل حال، تعليقي السابق الهدف منه التوضيح بأن حكومة قطر كان عليها دور أن تلعبه في مسك السوق الذي يعتبر واجهة للبلد وتستخدمه الحكومات لزرع الثقة كما فعل محمد بن سلمان عند تنصيبه ولياً للعهد فارجعوا ليوم التداول التالي لذلك اليوم وشوفوا كيف تم رفع السوق بجنون لدعم التنصيب بالرغم من ان السوق السعودي مضعضع وشركاته وربحيتها ومكرراتها ليست بأحسن حال من سوقكم .. هذه كانت نقطتي ولكل حكومة سياستها وتقديرها للموقف ولكن بصفتي كمراقب ومستثمر في سوقكم عبرت عن نظرتي في ترك السوق ينهار وما هو الانطباع الذي تولد لدي .. بالتوفيق للجميع.
التعديل الأخير تم بواسطة غواص الرياض ; 21-09-2017 الساعة 03:40 AM
و هذا كله مب شماته ؟
البورصه ما انهارت يالغواص لو انك مستثمر فعلي فيها لرأيت ان اول فتره في الحصار الجائر البورصه مرتفعه و سجلت اغلاق اعلى من اغلاقها قبل الحصار و استمر الارتفاع و الثبات لفتره لكن للاسف القلوب عمياء
اللي حاصل حالياً يدعى تصحيح و يفهمه اي مبتدأ في سوق الاسهم
و من 2006 توك متذكر انك مستثمر في بورصة قطر العز جاي تكتب كلام فاضي في المنتدى
قلت لك خلك في حالك مابي ادخل معاك في الغزير يالغواص
لا إله إلا أنت سبحانك اني كنت من الظالمين
لا ما هي شماتة واللهم لا تجعلنا من الشامتين، بنظري دعم رياضة المنافسة (الرياضة نوعان: منافسة وممارسة) سواء عندكم أو في أي بلد آخر عمل ماله أي معنى فليس برياضة المنافسة تبنى الدول ولا بها يقاس تقدمها أما أسواق المال فدعمها بالتنظيم والحماية والشفافية وأحياناً بالتدخل المباشر عمل ضروري ويعطي إنطباع عن الوضع الاقتصادي ومدى الاستقرار في الدولة من عدمه. أما قولتك السوق أول الحصار ما تضرر فاستغرب ذلك فمعظم الشركات مقفلة نسب تحت أول يوم واعتبارك أن قلوبنا عمياء فالأرقام والشارتات موجودة وببساطة يرجع لها أي واحد ويشوف من الأعمى أو من اللي "يتعامى" . أن تعتبر اللي جالس يصير تصحيح فهذا من حقك ورأيك وله كل الاحترام وغيرك يراه نزول عنيف غير مبرر وما حصل إلا كنتيجة للحصار وربما ثالث يشوف السوق مرتفع وفي طفرة نوعية وهذا شأنه ونظرته. رأيك في فحوى كلامي وهل هو فاضي وإلا مليان وسالفة خلك في حالك اللي أشوفك تكررها لا أرى لها مايبررها فنحن هنا في منبر نحسبه حر نعبر فيه عن آرائنا بكل تجرد وموضوعية وقبل ذلك ود واحترام ولسنا في مكان للجدال والخصومة والنزاع.
التعديل الأخير تم بواسطة غواص الرياض ; 21-09-2017 الساعة 05:45 AM
اولا نحمد الله ان هذا منبر حر ، لأن غيرنا يروحون سجون لتعاطف و سكوت و دعاء اللهم لا شماته
ثانيا : اللي طريته فوق و اسهمكم ارتفعت يوم نصب نفسه ولي عهد ، هو نفسه اللي حاول يضرب اقتصاد بلدنا و حاول يغزوها و هو اللي حاول يخلي البورصه تنهار عن طريق بيع محافظ بلاده بكميات كبيره خلال فترات قصيره، لذلك شفلك مثال ثاني الله يحفظك. بعدين بدل لا يعطي ارتفاعات وهمية (مثل ما وصفتها انت) من جيب الحكومه (و الشعب) بمناسبة تنصيبه ولي عهد ، المفروض يوظف هالاموال لمساندة الفقير و المحتاج من شعبه بدل البروباجاندا الفاضيه ،
ثالثا : و دامك تتكلم عن شارتات ،
المؤشر خلال الازمه الحاليه انخفض حوالي الـ 1500 نقطه.
للعلم ، في الربع الاخير (سبتمر - نوفمبر) من 2016 هبط 1300 نقطه ،
و في الربع الاخير (اكتوبر - ديسمبر) 2015 هبط 2200 نقطه
(أحد يتذكر أزمات فـ2016 و 2015 ؟؟) ،
و في شهر يونيو 2014 هبط 2200 نقطه و ترا مالها دخل فسحب السفراء اللي بدت في مارس و انتهت في نوفمبر (عاد تدري المؤشر ارتفع 1700 نقطه خلال هالفتره !).
السوق كان يعود من هالهبوط كل مره ، لذلك ، الايحاء ان الازمه الحاليه سـبـَـبـــت انهيار للسوق القطري هو ما يمني دول الحصار به انفسهم و يردده أبواقهم ، يا اللي تقرا الشارتات.
رابعا : لك كل الاحترام و التقدير ، و فلوسك اللي تستثمرها عندنا اذا تحس ان السوق منهار، يا ليت تبيعها اليوم قبل بكره ، الاسواق العالمية ترحب بكم
أما انك تقول ان الحكومه لازم تدعم الأسهم بدل الرياضه ، ياخي استغرب منكم ، اذا حاولنا نقولكم شي عن حكومتكم تزعلون (و شي فيه حق مثل مساعدة المحتاجين داخل البلاد بدل اهدار الاموال على كلام فاضي و سيسي) وتبون منا نسمع منكم شلون لازم حكومتنا تتصرف. إما توسعون صدوركم و تسمعون منا مثل ما نسمع منكم ، أو تعتبرون ان هذه شؤون داخلية و كلن يحتفظ باقتراحاته لنفسه و خل الانجازات تتكلم.
آسف على الإطاله و الله يصلح الحال
التعديل الأخير تم بواسطة Ahmed86 ; 21-09-2017 الساعة 06:33 AM
مب على اساس المنتدى محجوب في السعودية؟؟
كان ويانا اخوة سعوديين مب قادرين يدخلون المنتدى مثل اخونا سالم الزهران