السلام عليكم
شباب بغيت الله يسلمكم اخذ رايكم بخصوص المزراتي الفورويل ؟؟ شرايكم بالموتر من ناحيه شكل وقوة وفخامه داخليه و....الخ
الله لايهينكم
السلام عليكم
شباب بغيت الله يسلمكم اخذ رايكم بخصوص المزراتي الفورويل ؟؟ شرايكم بالموتر من ناحيه شكل وقوة وفخامه داخليه و....الخ
الله لايهينكم
الموتر حلو كلشي فيه حلو سواقته فالبدايه كانك تسوق انفنتي اف اكس و وسيع من داخل ما يبين عليه صوته حلو بس تبديلات القير لك عليها شويه.
صوته و طربته ايضا جميله بس لا تخليه طول الوقت اسبورت لأن الـــDown shifts احسها شويه خشنه.
غير عن هالشي الموتر كلشي فيه حلو بس مادري ليش اختفى من السوق ما انشوفه نفس قبل
سوائا الأس او العاديه كلها تعتمد عالمواصفات.
لا تاخذ الأستاندر خذ المتوسطه او فل اوبشن و الفرق بينها و بين الأس غير ملاحظ فالسواقه إلا اذا بتسابق فيها و ما انصحك.
ثقيله فالبدايه مقارنه بالبي ام اكس 5 بس مع الخط تصير اقوى و ما شاء الله عقب ال120 تطير التورك عالي هالشي ما فهمته
بس اتوقع هالشي يميزها يخليها سياره مدينه زينه كشخه و هدوء و كلشي تمام و اذا بتدور من ال110 مرورا بال120 و طالع شدتها تعجبك
ايضا الي ما عجبني فيها السسبنشن للهوا بتقعد كل اشاره تنزله او ترفعه فقط و اهي واقفه ما يثبت نفس سيارات ثانية على الإرتفاع الي تختاره انما اول ما تمشي اهي تاخذ ارتفاع معين
تصدقون وكالة المزراتي ما ادلها
وأول مرة ركبت فيها الصيف ذيه ( ولد فقر ) مالت بلاش في فندق اكسيلسور غاليا في ميلان المملوك حق قطر ( حتى حزب الفجار محد يروح منهم )
الوكاله يومين بس عن طريق ناس او المدير حاول اكثر
انا خذيت التس درايف يومين و عقبها اسبوع من واحد من الشباب الي يتابعون و يسون ريفيو للسيارات الوكالات يعطونهم الموتر اسبوع و مرات شويه اكثر
اختي كانت ناويه عالسياره بس لما ساقتها ما اعجبتها كلش فضلت الحاكوار اف بيس عليها.
بالنسبه لي كانت احلى من ااجاكوار
Sent from my LG-H990 using Tapatalk
بفضل من الله، اشتريت مازيراتي ليفانتي إس في بداياتها، من سبتمبر 2016 وتم البيع شهر مارس 2017 والممشى كان حوالي 4500كم تقريباً.
السيارة من حيث التصميم راقية جدا بعد التعود على التصميم وأفضل الألوان طبعاً الأبيض من الداخل تان أو الرصاصي الغامق من الخارج من الداخل أبيض.
أداء ممتاز، وعن تجربة، اللي يرغب في امتلاك سيارة قريبة جداً من الإنطباع العام لسيارة فيراري خصوصاً فئة كاليفورنيا، و تكون عملية واستخدام يومي و أي وقت، أنصحه بالمازيراتي ليفانتي إس. خصوصاً للي أعمارهم مابين 25 لين 35 لأنها جدا مناسبة لهذه الأعمار خصوصاً المدراء الشباب أو المثقفين الشباب الجامعيين.
أنا ماشتكيت من السيارة أبداً، وسبب البيع كان قرب وصول سيارة إس يو في أخرى، وشرائي سيارة اسبورت من الفردان في نفس الوقت.
تحياتي،
محمد عبدالرحمن