التوصيل الأولي للكهرباء للفيلا

[$الملياردير$]

السلام عليكم ورحمة الله وبركاته .... الله يمسيكم بالخير ياشباب المنتدى ... بغيت اعرف الله يرضى عليكم هل التوصيل الأولي للكهرباء والمقصود من اقرب محطة لسور الفيلا من اختصاص المالك او مقاول الكهرباء ... عشان بعد النقاش مع مقاول الكهرباء يقول انا علي اسلم كرت كهرماء يعني الكهرباء من العداد الى داخل الفيلا ..... طلب التمديدات من المحطة للفيلا عليك انت ..... المهم لو علي ايش الأجرات المطلوبه وهل تتم عن طريق مكاتب معتمدة تقدم إلكتروني ... والا انا أراجع بنفسي .... وفي اي مكان ... عشان اللي فهمت انك لازم تعمل حسابك قبل بفترة كافية قبل طلب توصيل التيار الكهربائي ..... اللي عنده تجربة او يعرف حد يخلص الطلب يفيدنا مع العلم انه في العقد مكتوب يسلم كرت كهرماء مختوم بس هو يقول مب اختصاصنا هل حد مرت عليه هالحالة ....وهل عليها رسوم بعد ... مع خالص تقديري ودمتم بود

[معماري قطري]

الإجراءات تتغير من وقت لوقت والمكان يتغير

انا احتجت لواسطة بسيطة وكانت اجراءاتي كلها مكتملة واستعجلوا لين خلصوني

نشوف اللي بانيين جديد شيقولون

[CiTy]

السلام عليكم ورحمة الله
بخصوص توصيل الكابل للفيلا من اقرب محطة هذا طلب يتقدم به مقاول معتمد لدى كهرماء وعدد هالمقاولين قليل في الدوحة ، يفترض ان المقاول اللي يمدد لك الاسلاك في الفيلا هو اللي يقدم لك على تركيب الكابل لكن قلة قليلة منهم اللي عندخ رخصة تخوله لفتح ملف توصيل كابل ،، فالموضوع بسيط اتشوف لك مكتب مقاول معتمد يسوي لك المعاملة اظن ب 1500 ريال او 2000 وبس ولا فيها كرت ابيض او احمر الحين مافي كروت كله إلكتروني ،، انت عليك بس تنتظر التركيب ولازم اتقدم اول ما تاخذ رخصة البناء والا راح تتعطل لان اقل مدة يمكن 6 شهور للتركيب ،،، وسلامتك ..

[$الملياردير$]

جزاك الله خير على ردك يا اخوي