@@ استفسار لمهندسي الكهرباء @@

[ضوى]

سؤال يمكن يكون غريب شوي بس محتاجه اعرف اجابة عليه ، اخذت جهاز صانعة القهوة من امازون امريكا ، ووصلني رحت غيرت البلك لبو ثلاثه لسهولة الاستخدام في البيت ، اشتغل اول يومين تمام التمام ، عقبها وقف ،احاول فيه مايشتغل ، ساعتها بس فطنت انه الفولت عندهم 110 وعندنا 220 ، والجهاز حسب مواصفاتهم هم مب مواصفات الخليج ، طبعا اعرف الخطا خطأي ، المهم كلمت امازون وشرحت لهم الوضع وتفهموا وراح يرجعون لي مبلغ الشحن ومبلغ الجهاز ،
سؤالي للخبراء هلى ممكن اصلاح العطل ؟ والا اي جهاز يخترب خلاص لا يمكن اصلاحه ؟ لانه الكهربائي قالي مايتصلح فانا فضولي خلاني اسال لزيادة المعرفة واني اتنور زيادة

اتمنى بقاء الموضوع في الحوار العام حتى نهاية اليوم لاحصل على اجابة شافية

شكرا لكم مقدما

[mr. abdulla]

السلام عليكم

مافي شي ما يتصلح بس الافضل في هذه الحالة تغير الجهاز لان الhardware electrics احترق.. و الكهربائي اللي بدل لك البلق كان مفروض ينبهك.. تقدرين تشترين voltage converter .. من محلات ألعاب الفيديو قيم.. و لكنه جهاز نوعا ما كبير و لكن يساعد في تغير الvoltage

[HBS]

السلام عليكم

اول شيء نتكلم عن نوع الجهاز صانعة قهوة coffe maker

معناته فيه نوعين من الاحمال او مايسمى load

النوع الاول resistive load للسخان ( اتوقع المكينه فيها تسخين )

و النوع الثاني inductive load للموتور ( في حالة ان المكينه فيها طحن للقهوة )


قبل لانتكلم عنهم اول شي لازم نعرفه في الكهربا قانون اوم

ohms law

V= I x R
V= Voltage
I= Current
R= Resistance

نتكلم عن حالة المقاومة للنوع الاول

لو فرضنا انها 110 ohm

و الكهربا المفروض 110 volt

فيكون دخل فيها 1 ampere

لكن انتي استخدمتي 220volt

معناته دخل فيها 2 ampere طبعابما ان الامبير عالي ( افتراضيا ) على السخان ( resistive load ) معناته احترق و يمكن يتبدل اذا نفس النوع موجود ( نفس المواصفات والحجم )


اعتذر عن الشرح السريع اول مره اشرح بالعربي

[معماري قطري]

السلام عليكم

اول شيء نتكلم عن نوع الجهاز صانعة قهوة coffe maker

معناته فيه نوعين من الاحمال او مايسمى load

النوع الاول resistive load للسخان ( اتوقع المكينه فيها تسخين )

و النوع الثاني inductive load للموتور ( في حالة ان المكينه فيها طحن للقهوة )


قبل لانتكلم عنهم اول شي لازم نعرفه في الكهربا قانون اوم

ohms law

V= I x R
V= Voltage
I= Current
R= Resistance

نتكلم عن حالة المقاومة للنوع الاول

لو فرضنا انها 110 ohm

و الكهربا المفروض 110 volt

فيكون دخل فيها 1 ampere

لكن انتي استخدمتي 220volt

معناته دخل فيها 2 ampere طبعابما ان الامبير عالي ( افتراضيا ) على السخان ( resistive load ) معناته احترق و يمكن يتبدل اذا نفس النوع موجود ( نفس المواصفات والحجم )


اعتذر عن الشرح السريع اول مره اشرح بالعربي

شرحك وافي ما قصرت ذكرتني بكورسات الكهربة

[ضوى]

ماقصرتوا جزاكم الله خير

قانون اوم تذكرته بهدلنا في الفيزياء

ممممم انا عندي ماكينة قديمة شغالة بس زر الضغط على كبسولة القهوة خربان تعتقد ممكن اصلاحها ؟

[qatari911]

اختي ضوى لما تشترين شي من الامازون تأكدي من قوة الكهرباء وتقدرين تشوفين في استفسارات الناس الي بتشتري من عنده مرات يسالون عن قوة الكهرباء وعن اشياء فنيه

[الدوحه1]

سؤال يمكن يكون غريب شوي بس محتاجه اعرف اجابة عليه ، اخذت جهاز صانعة القهوة من امازون امريكا ، ووصلني رحت غيرت البلك لبو ثلاثه لسهولة الاستخدام في البيت ، اشتغل اول يومين تمام التمام ، عقبها وقف ،احاول فيه مايشتغل ، ساعتها بس فطنت انه الفولت عندهم 110 وعندنا 220 ، والجهاز حسب مواصفاتهم هم مب مواصفات الخليج ، طبعا اعرف الخطا خطأي ، المهم كلمت امازون وشرحت لهم الوضع وتفهموا وراح يرجعون لي مبلغ الشحن ومبلغ الجهاز ،
سؤالي للخبراء هلى ممكن اصلاح العطل ؟ والا اي جهاز يخترب خلاص لا يمكن اصلاحه ؟ لانه الكهربائي قالي مايتصلح فانا فضولي خلاني اسال لزيادة المعرفة واني اتنور زيادة

اتمنى بقاء الموضوع في الحوار العام حتى نهاية اليوم لاحصل على اجابة شافية

شكرا لكم مقدما

توصيل 220 فولت على جهاز 110 فولت المفروض ان يؤدي الى توقف الجهاز عن العمل فورا مب بعد يومين من العمل!!!!

الحين تقريبا كل الاجهزه الحديثه تعمل على 110 و 220 فولت.
اعتقد ان المشكله مالها علاقة بالفولت.
احتمال ان الفيوز اللي في البلك احترق.

[ضوى]

توصيل 220 فولت على جهاز 110 فولت المفروض ان يؤدي الى توقف الجهاز عن العمل فورا مب بعد يومين من العمل!!!!

الحين تقريبا كل الاجهزه الحديثه تعمل على 110 و 220 فولت.
اعتقد ان المشكله مالها علاقة بالفولت.
احتمال ان الفيوز اللي في البلك احترق.

الكهربائي جاب الجهاز اللي يشوف فيه التيار وقالي اوكي شغال مب مشكله في البلك

[لبيبة]

السلام عليكم ورحمة الله وبركاته،

بالنسبة للجهاز خلاص اخترب، وبشكل عام جميع الأجهزة المطبخية والمنزلية من أمريكا مثل خلاط و مكاين قهوة و ماكينات التنظيف و الكوي وحتى مكاين الخياطة وغيرهم من الاجهزة المنزلية غالبا اذا مب كلها 110 فولت.

الاستثناء فقط لأجهزة الكمبيوتر وملحقاتها تعمل 100 و 220 بسبب ان الناس تسافر مع اجهزتهم ولازم الفولت متوافق.

بس قليل الناس اللي بتسافر معاها اجهزة مطبخية ومنزلية لذلك ما اهتموا بتشغيلها على 110 و 220.


الافضل الشراء من مواقع امازون الاوروبية مثل البريطاني والالماني والفرنسي لأنها تتوافق مع الفولت عندنا. والشحن عن طريق ارامكس متوفر.

والله يعوضج خير.

[ضوى]

السلام عليكم ورحمة الله وبركاته،

بالنسبة للجهاز خلاص اخترب، وبشكل عام جميع الأجهزة المطبخية والمنزلية من أمريكا مثل خلاط و مكاين قهوة و ماكينات التنظيف و الكوي وحتى مكاين الخياطة وغيرهم من الاجهزة المنزلية غالبا اذا مب كلها 110 فولت.

الاستثناء فقط لأجهزة الكمبيوتر وملحقاتها تعمل 100 و 220 بسبب ان الناس تسافر مع اجهزتهم ولازم الفولت متوافق.

بس قليل الناس اللي بتسافر معاها اجهزة مطبخية ومنزلية لذلك ما اهتموا بتشغيلها على 110 و 220.


الافضل الشراء من مواقع امازون الاوروبية مثل البريطاني والالماني والفرنسي لأنها تتوافق مع الفولت عندنا. والشحن عن طريق ارامكس متوفر.

والله يعوضج خير.

الله يعوضني خير يارب ، لاني ماطرشته لهم مع انهم وافقوا على استرجاع المبلغ بس كلفه الشحن طلعت علي قد ثمن الجهاز مرتين طبعا هونت عن الموضوع