الله يجزاكم خير للي عنده خبره في شركات المصاعد في قطر يفيدنا

[AFE]

السلام عليكم ورحمة الله وبركاتة

بغينا نحط للوالده مصعد خارجي في البيت لان مساحة البيت من الداخل تجبرنا ان احنا نتخذ هذي الخطوه ولكن وفي نفس الوقت مانبيه يخرب شكل البيت ف دورت في النت ولقيت أشياء مبتكره والصراحه احسن من غرفه المصاعد الخارجيه الي تكون عباره عن غرفه مبنيه بالطابوق ...وهذي هذي عينه من غرف المصاعد الي شفتها




الفكره ان تكون غرفه المصعد زجاج عشان المظهر للخارج للغرفه يكون حلو ومايخرب شكل البيت ولكن المصعد نفسه يكون مش مكشوف

وبغيت اسال بعد عن المصاعد الي تعمل بنظام الهايدروليك ماعرف اذا هي متوفره في قطر ولالا؟

هذا الفيديو للمصعد من الدقيقه 2:00
https://www.youtube.com/watch?v=TzLHvP5_fcE


الله يجزاكم خير وين القى الشركات الي تسوي لي غرف مصاعد زجاجيه نفس هذي في قطر حاولت اني ادور في الجرايد والاعلانات لكن مالقيت شي يفيدني ؟؟؟؟ وشنهي المصاعد الكوالتي والي تدوم في قطر الله يجزاكم خير لا تبخلون علينا بأي معلومه انا قلت اسأل لان مابي اروح حق أي حد وينصب علينا ويبعينا شي مايسوى.

[لبيبة]

وعليكم السلام ورحمة الله وبركاته،

بحثت من قبل ولكن ما ركبنا شي،

واللي وصلت له ان هالشركة شكلها ممتازة وبتسوي المطلوب مثل الصور،

http://www.masaqatar.com/lifts_homelifts.html

وفي هالصفحة موجودة ارقامهم،

http://www.masaqatar.com/contact.html

وبالتوفيق والله يحفظ لكم الوالدة ويرزقكم برها.

[sweet qatar]

عليكم السلام و رحمة الله و بركاته

الله يحفظ لكم الوالده ويعطيها الصحه والعافية


اعتقد افضل مصاعد هي مصاعد ميتسوبيشي مكانهم في ام غويلينا
رقمهم 44328309


اكثر شي يهمك لما تركب لفت هو الصيانة



بالتوفيق

[المحتار20]

السلام عليكم انا مركب لفت ب البيت من المفتاح Fuji خدمه وصيامه ماعليهم كلام شوفهم بشارع سلوى

[الزجاجي]

السلام عليكم ورحمه الله

اغلب الشركات تسوي لك بس ما انصح بالزجاج لان جونا جميل بالصيف
تقدر تسوي لفت وتغطية مثلا بكلاد او سمنت بورد نفس لون البيت

نظام الهيدروليك نظام قديم وما ينفع للبيوت مزعج ويحتاج دوووم للصيانة لكن هم الشركات اتخيرك اذا حاب هذا النظام

[قطريه ماركه]

المفتاح

Fuji

[Engineer]

سلام عليكم ورحمة الله وبركاته

عن تجربة
QMarina
Mobile:
77053374
مصاعد ايطاليه و و خدمة ممتازه و أسعار معقوله

[معماري قطري]

ما انصحك بالقزاز لأنه يغبر ويدخل حرارة قوية .. لازم تمر على الشركات الموجودة مثل المفتاح وأشوف سمعتهم جيدة ومنافسين قويين للدرويش ولمتسوبيشي

متسوبيشي يمكن أفضلهم بس هم عليهم اللفت والباقي عليك حتى تخزين ما يخزنون .. شوف النظام اللي عندهم وشمطلوب له وشوف حد يبني لك فراغ وحفرة لو طلبوا محمية بخرسانات وعوازل ونصيحة لتنسى العوازل الحرارية وشوف مصعد ما تنتج مكاينه حرارة وفيه نظام أمان ينزل ويوقف ويفتح بروحه

فيه نوع اللي بضخ الهواء جربته كم مرة بس يخترب وايد ومكينته صوتها قوي وحق شخص واحد .. دائري وزجاجي وسعره رخيص اتوقع 20000 وايد عليه .. لو تبي تجربه وان شاء الله يكون شغال مب متعطل تواصل معاي خاص بادليك وين

الله يشفي والدتك ووالدتي وكل مرضى المسلمين

[AFE]

الله يجزاكم خير ماقصرتوا ان شاء الله بنتواصل معا هالشركات ونشوفهم ان شاء الله من حيث الجوده والسعر والصيانه

حبيت اضيف شي عشان الي يدور مصاعد للبيت وعنده والده او والدته انا لقيت شي والله وايد عجبني هو فكرة شركه اجنبيه انا بترك لكم رابط الفيديو على اليوتيوب لانه الصراحه فكرته وايد حلوه وماياخذ حييز كبير في البيت بدون الحاجه انكم تبنون غرفه للمصعد سبحان الله يعني تطورعندهم وفوق التطور هم ناس يفكرون بأشياء على قد حاجتهم اقتصاديه ولا تأخذ مكان في البيت

https://www.youtube.com/watch?v=QUDuPmVUvig

الفكره انه ماياخذ حيز في البيت ولا حبل حق مصعد ولا عوار راس شي صغير يخدم كبار السن وفي نفس الوقت شكل حلو ومرتب ولكن اشك انه مثل هذي المصاعد تلقاها متوفره في قطر ...لو هذي متوفره تفكك من عوار الراس الي هو غرفه المصعد ..هذي اضافه حبيت بس اني اضيفها عشان الناس تعرف عن هذي التقنيه متوفره في بريطانيا وألمانيا وامريكا والله يجزاكم خير وماقصرتوا.

[ابو عبدالله.]

خلك مع الشركات المعروفه مثل الدرويش و المتسوبيشي و المفتاح وهذولا

واحد مركب من شركه مصعد ايطالي مادري اسباني وكل سنه يوقف ويجون يصلحون بكم الف. وهذا هو سنسر يخترب تعال صلح

ولما قال لهم كل سنه نفس العله نقعوه كم اسبوع

صاحبنا كان يعتقد ان التوفير بين الشركات المعروفه و الشركات الصغيره 40 الف لكن طلعت عليه اغلى من بيع السوق

بعض الشركات الصغيره مسؤولها يا تدفع يا انقعك لين ترضخ و تدفع