بذائة تويتر

[Alshares]

بسم الله الرحمن الرحيم

صبحكم الله بالخير جميعاّ

معظمكم دخل تويتر وشاف تراشق السب والشتم وقذارة الالفاظ في حق قطر حكومة وشعبا من بعض افراد الشعوب المجاورة.
لاكن المحزن في الموضوع, انا في تويتر من 2013 واهل قطر كان تويتر بالنسبه لهم مثل الفيسبوك (منصة تواصل اجتماعي مهملة)
ولاكن للاسف بعد الاحداث الاخيرة, لاحظت واتوقع اغلبكم لاحظ نسبة مستخدمين تويتر في قطر ارتفعت بشكل كبير من كبير وصغير.
وللاسف كثار منهم يتلفظون بالفاظ ماتليق فينا اولآ كمسلمين وثانيا كقطريين.
انا متأكد وكلي قناعة ان معظم من يستخدم (السب والشتم والقذف) مجرد اطفال دون السن القانوني ومراهقيين في المرحلة الثانويية أخذتهم العزة على الاثم.
اتمنى من له اخ او له صاحب يستخدم الشتم في تويتر او غير تويتر كرادع ان ينصحه يترك هالعادة الي تقلل من مقدارنا امام باقي الشعوب العربية.
تذكروا ان ولله الحمد احنا احسن منهم, عندنا حكومة صرحت بعدم الاسائة للدول او شعوبها.

والسموحة على الاطالة

[ضوى]

اختلف معاك ، خلاص ماعاد الطيبة تنفع ولا التسامح ينفع مع هالاشكال ، الا انني اتحفظ على الكلام المخل

[Alshares]

الطيبة والتسامح الان انتهت مع حكوماتهم ومع من يسطف وراها.
المقصد الالفاظ والشتم باقذر الكلمات الي لا هي من عوايدنا ولا عهدناها من قبل نسمعها او نقراها من القطريين.
ناقش ورد عليهم ولاتسكت لهم .. لاكن باسلوب محترم بدون سب
هذا المقصد

[بوخالد911]

مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ .

[aloosh]

المحسوبين من اعلامين ومثقفين ودكاتره من قطر لم يخرج منهم اي كلمه سب او شتم وهذا اهم شي
اما الناس الغير محسوبه فله ما يقراء من قذرين ودل الحصار

ان

[الحاقول]

انتهى عصر المجاملات

[المحاميه]

راجعتلك

[المحاميه]

شي طبيعي يزيد عدد المتابعين والمستخدمين في تويتر بعد الأحداث الأخيرة ..
يعني انت شايف هالنقطه سلبيه ولا اشلون؟
بعد اذا تبي تويتر بس حق ضحك وتناقل معلومات واخبار عاديه ووقت الشده ماندخل نتابع وندافع عن بلادنا فهذي مشكله اخوي ..

والنقطة الثانية ..
أي تراشق وأي ألفاظ؟ من صجك انت؟
انت شايف سوقية الفاظهم وسوء أدبهم معانا ولا لا؟!
وبالعكس وبشهادة الجميع أن الشعب القطري محترم ومانزل لمستواهم فالسب مع ان لنا حق نلعن والديهم لانهم يسبونا ويتهمونا على باطل وكلام مفبرك يعني تزوير في تزوير
وشكل مايقولون على شينهم قوات عينهم..

فمادري ياخوي شالي مب عاجبك فالموضوع
والشعب القطري جداً محترم وماتلفظ بألفاظ نابيه ..
بالعكس انا اتابع تويتر .. والصراحه مرات ودي صج اغسل شراع حلف الفجار بس اضرب بريك .. احتراماً للجميع .. واحتراماً للشعب الي ردوده كلها في منتهى الادب مع الطرف الاخر الي مايستاهل الحشيمه ..

[المحاميه]

المحسوبين من اعلامين ومثقفين ودكاتره من قطر لم يخرج منهم اي كلمه سب او شتم وهذا اهم شي
اما الناس الغير محسوبه فله ما يقراء من قذرين ودل الحصار

ان

أي ناس مب محسوبه؟
بالعكس الشعب كامل محترم وماقل ادبه للحين على الطرف الاخر
مع العلم ان لنا حق
واحتراماً لرغبة سمو الأمير في عدم التراشق ..

والله هم الي عندهم آلاف محسوبين عليهم .. شغلتهم السب والتزوير والتضليل فقط ..
الله المستعان ..

ولا شعب قطر تاج على روسهم الخمه ..

[دينالي]

والله ياخوي بتكلم عن نفسي
البذاءه مو شي جديد على دول الحصار وخصوصا الجماعة اللي من الشقيقه الكبرى
طول عمرهم يشتمون قطر في كل موقع ادخله سواء منتديات او اي من وسائل التواصل وكنت اتغاضى واقول يمكن فاهمين غلط او ادور عن واحد متعاطف مع قطر واشجعه او انتظر لما يكون موقف دولتهم من قضية ما مشابه لموقف قطر ورغم ذلك ماسلمت من البذاءات ويعلم الله اني ترفعت عن البذاءات بل اني برغم بذاءاتهم كنت ادافع عنهم ...
بعد الحصار استمريت بنفس الطريقة لغايه اول شهرين من الحصار وبعدها بعد مازادت بذاءاتهم صرت اتعامل معاهم بنفس الاسلوب ويمكن اسوأ واكتشفت ان مثل هالنوعيات مايسكتون الا اذا صرت سوقي مثلهم وهالطريقة نفعت معاهم بنسبة 100 % تقريبا كل واحد يطول لسانه ويسب ارد عليه بنفس اسلوبه وسكته وللامانه احس يعد ماسكت كل واحد فيهم يبرد خاطري لانهم مصخوها على مدار سنوات طويلة واحنا معطينهم وجه
يمكن اسلوبي غلط بس صعب احشم اللي مايحشم وصعب احشم اللي ماعنده سقف وكل كلامه عن الاعراض وطالع