المشاركة الأصلية كتبت بواسطة ya3coub
لا تعليق الواحد يعصب طول اليوم الكرنيش توبه اذا اني متاخر بس لاحظت هالاسبوع انسيابيه فالهايواي
اللي يبي يسرع بس حاليا يحاسب و ما يبي الزحمه و مستعد ياخذ لفه جحا انا مرات استخدم المداري و ادوس فيه و حاليا في غيري من الناس الي صارو يستخدمونه اللي فالوكره او المطار ال اامعموره و بو هامور و الهلال بامكانكم تستخدمون المداري طويل و نفس الوقت بس ما توقفون و الي يسرع يمده لين ام صلال و من هناك على لوسيل او التكمله على المناطق الشماليه على حسب جهة العمل.
الشباب الي ما يداومون بثوب حان موعد الدراجات الجو بدا يتعدل و الي عنده امكانيه ياخذ دراجه ناريه وفر بترول و وقت و راحه بال و وناسه. و استمتاع و ايضا مكان سياره فالزحمه شاغلها بروحه.
المسؤولين الاحسن لهم ما يزخون شي حاليا داخل الدوحه حتى الانتهاء من المشاريع الحاليه الممتازه بتسهل شوي بس يبقى فالنهايه عندنا عنق الزجاجه. بتمشي الامور و بتتسهل ان شاء الله.
اللي يبي يحلم و يتفائل مقدما يدخل موقع اشغال و يشوف المشاريع الي بتخلص هالسنه لوسيل و دوار القوس سابقا بيحل شويه بس عقبال ما ايضا يفتحون الاشارات الي فوق الخط الاصفر سابقا الجسر الي على كتارا.
طريق روضه الخيل و الدائري السادس لان احتمال بيتسكر دوار خميس العبيدلي او بيتحول اشاره.
بقيه تقاطعات الدائري السابع خصوصا الي تربط بالمناطق الجنوبيه اذا افتتحو كلهم اهل الوكره بيستانسون مافي ضغط و عده خيارات تقرب الواحد لمشواره و تخفيف التكدس الللي للاسف بيرجع و يصير في قلب الدوحه من جديد
Sent from my LG-H990 using Tapatalk