السلام عليكم
عندي استفسار بخصوص الدبل هايت, اذا مابي احد درابزين على الدبل هايت هل في حلول اخرى؟ لانه الدرابزين حلاته مايكون مرتفع بس خطر عشان الاطفال. حد فيكم جرب يسكر فتحة الدبل هايت المطلة على الدور الارضي بزجاج او خشب بس يكون مرتفع ومسكر كل الطوفة.
تحياتي للجميع..
عليكم السلام ورحمة الله وبركاته
صحيح مشكلة وبالدرابزين أحلى والدرابزين غالي كثير .. ولو سكرته راحت جماليته وعلى حسب الوضع عندك يمكن الزجاج ينفع .. الزجاج كذلك ينكسر الا النوع اللامينيتد واللي يجي وسطه بلاستيك فيه منه درجات وبعضه يوفر حماية .. التمبرد أو المعالج حرارياً ما ينفع ينكسر ويطيح على شكل كرات دائرية ما تجرح بس ما يمنع السقوط
انا طلبت يرفع الدرابزين لمتر و10 سم وعندي ارتفاع 3.4 متر من أعلى نقطة وهي فتحة نص دائرية تطل على الدرج وارتفاع ثاني حول 2.4 متر لاستراحة درج كبيرة تطل على صالة تحت .. لكن اللي بينقز بيتكسر وبيوصل ارتفاع سقوطه لحول 3 متر وزود لأنه بينط من أعلى الدرابزين .. وحصل دخلت الا ولدي مجمع ربعه ويركب وينط على الكراسي تحت .. لو صار شيء وطاح على البلاط بتكون كارثة
شفت في الفيديوهات في موضوع يوتيوبيات البناء درابزين بحديد طولي بدون ديكور رخيص ويوفر اطلالة ونفس الوقت حماية بس نازل من السقف لبسطة الدرج
كذلك تقدر تسوي جدار وفيه فتحات بقزاز أو مشربيات خشب .. الجدار ممكن بسمك 10 سم
مرحبا اخوي معماري قطر
الله يحفظك ولدك, فعلا اليهال صعب تسوي عليهم كنترول حتى لو ركبت درابزين مرتفع. هو حلاته الدرابزين يكون على ارتفاع 90سم.
انا عندي فتحه الدبل هايت مطله على جلسة في الدور الارضي, أفكر احط دريشه نفس UPVC بس ماتنفتح بارتفاع 1.5m وبعرض الطوفة والباقي يكون طابوق عادي, وممكن العب على فريمات الدريشه عشان الديكور. في ذي الحالة بكون وفرت الامان ان شاءالله وعزل عن الصوت من الصاله ألي تحت.. بس خايف شكلها يطلع مهب حلو.
وعندي اقتراح ثاني اني اكنسل فكرة الدبل هايت واكبر خلالها الصالة ألي فوق بس بتكون وايد كبيره وغير محتاج لذي الكبر.
الدريشة تتوصخ وصعب تنظيفها من فوق ومن الجهتين لو تركب التيوبات الحديد أفضل بوايد وأرخص .. تقدر ألمنيوم .. شوف المقطع بيعجبك
ممكن اطرش لي المقع لو سمحتالمشاركة الأصلية كتبت بواسطة معماري قطري
أول موضوع فوق ألحين بيستوي الثاني عاد الله يعينك لين تحصل الفيديو .. هو عن بيوت حديثة معروضة في السعودية وبتحصله في آخر 5 صفحات تقريباً
هذا قزاز والقزاز لازم يكون مقوى ببلاستيك في الوسط ومعالج حرارياً
مرة جايبين قزاز ضد الرصاص وهذا يجي طبقات متعددة وكل طبقة بينها وبين الثانية بلاستيك خاص يعطيها قوة ويخفف سرعة الرصاصة .. العمال وقت الشحن رضخوا به من فوق متوقعين إنه ما ينكسر وتنتف .. واستوت قضية وتدخل مهندس انشائي وضح لهم شالفرق بين اختراق الرصاص والكسر والمقاول تحمل غباء مهندسينه وخسر مبلغ كبير
أمس اشوف في مسلسل كويتي مستخدمين درابزين أكريليك اللي يجي بلاستيك شفاف وصعب الكسر .. مركب على الطرف الخارجي وعليه بس مسكة يد وبدون أي حوامل .. قريب من هذا بس بدون حوامل حديد أو ألمنيوم
شوف شركة الجبر يسوون اعتقد شيء مقارب
ضوابط المشاركة
رد مع اقتباس