استراحتنا لهالأسبوع .. على الرحب والسعة

[الحياة الخالدة]

السلام عليكم ورحمة الله وبركاته

صبحكم الله بالخير يا وجوه الخير
مع إشراقة يوم الخميس الونيس .. حبيت أسلم عليكم وآخذ أخباركم
صار لنا زمان ما فتحنا الاستراحة وسولفنا

أتمنى الجميع يكون بخير
وحياكم الله

[بومحمد المطاوعه]

وعليكم السلام ورحمه الله وبركاته
صبحج الله بالنور والسرور
ياهلا ومسهلا


بخير ولله الحمد
وقواج الله
شخباركم ان شاءالله طيبين

[ya3coub]

احم احم أخر يوم فالأسبوع. اول ويك اند لشهري المفظل. الجو معتدل. اخر يوم لي فالجم مع المدرب و اخر يوم لي بوجبات الدايت و بكره أكمل شهر على عمليتي.



الجو من الأأأأأأأأأأخر و بصراحه انا مستانس و مصحصح و موجود فالمكتب بس مافي لا شغل ولا هم يحزنون يعني شكل قاعد و بخاطري على هالجو اكون فالشمال مع شوله غاز صغيره و بيض و طماط و اكسترا جبن و مظله و استمتع بالريوق الجميل و الكرك و استمع إلى صوت البحر و الأمواج و اعطيها برقده تحت المظله الضحى كله, عقب اقوم و اتجه إلى الخور او الذخيره و اعطيها بغداء دسم نوعا ما بحري مما لذ و طاب او اروح السلطان و اخذ مكس سي فود مع ام الربيان و ككوكتيل ربيان. و بعدها ارد البيت و ارقد.



بس لأن خيالي واسع جدا و مستمتع اليوم على غير العاده فانا مستعد ادش احارب فالسايت و ارجعلكم و ويك اند سعييييييييييد طرشو مسجات للأعضاء الي صارلهم فتره مختفين نبي انعرف اعلومهم.

[qatarman8008]

السلام عليكم ورحمة الله وبركاته..
اعزائي المشاهدين والمشاهدات اعزائي المستمعين والمستمعات اعزاقي القارئين والقرائات..
يسعدنا التواصل معكم من خلال الاستراحة الموقرة جزى الله خير من فتحها ووسع صدورنا بها..
اتمنى لكم اجازة ويك اند ممتعة ..

[qatarman8008]

امس رحت ضبطت العنة وصورت اشياء كثيرة من شيل وحط وسحب وتغريز هههههه..
بافتح موضوع جديد بموضوع عنتكم .. وباحط فيه كل الصور والمشاركات ابتداءا من يوم السبت..

[حمد 2002]

امس رحت ضبطت العنة وصورت اشياء كثيرة من شيل وحط وسحب وتغريز هههههه..
بافتح موضوع جديد بموضوع عنتكم .. وباحط فيه كل الصور والمشاركات ابتداءا من يوم السبت..

أنا كنت بفتح عنه .. مممم الاهل قالولي قدم على عنه وظبها علشان ايتونسون بالويكند مممم حسبت التكلفه عاليه وخساير قلت لهم هالسنه صعب مممم بس ماقلت لهم انها تكلف مممم كذبت عليهم كذبه بيضاء

[حمد 2002]

السلام عليكم ورحمة الله وبركاته

صبحكم الله بالخير يا وجوه الخير
مع إشراقة يوم الخميس الونيس .. حبيت أسلم عليكم وآخذ أخباركم
صار لنا زمان ما فتحنا الاستراحة وسولفنا

أتمنى الجميع يكون بخير
وحياكم الله

صباح الورد ..

شكرا على فتح الاستراحه ..

اما بالنسبه لاخباري نفس اليوم ونفس امس ونفس الي بعده الى آخره ..

[حمد 2002]

وعليكم السلام ورحمه الله وبركاته
صبحج الله بالنور والسرور
ياهلا ومسهلا


بخير ولله الحمد
وقواج الله
شخباركم ان شاءالله طيبين

هلا بومحمد ..

الحمد لله .. اخبارك ..

[حمد 2002]

احم احم أخر يوم فالأسبوع. اول ويك اند لشهري المفظل. الجو معتدل. اخر يوم لي فالجم مع المدرب و اخر يوم لي بوجبات الدايت و بكره أكمل شهر على عمليتي.



الجو من الأأأأأأأأأأخر و بصراحه انا مستانس و مصحصح و موجود فالمكتب بس مافي لا شغل ولا هم يحزنون يعني شكل قاعد و بخاطري على هالجو اكون فالشمال مع شوله غاز صغيره و بيض و طماط و اكسترا جبن و مظله و استمتع بالريوق الجميل و الكرك و استمع إلى صوت البحر و الأمواج و اعطيها برقده تحت المظله الضحى كله, عقب اقوم و اتجه إلى الخور او الذخيره و اعطيها بغداء دسم نوعا ما بحري مما لذ و طاب او اروح السلطان و اخذ مكس سي فود مع ام الربيان و ككوكتيل ربيان. و بعدها ارد البيت و ارقد.



بس لأن خيالي واسع جدا و مستمتع اليوم على غير العاده فانا مستعد ادش احارب فالسايت و ارجعلكم و ويك اند سعييييييييييد طرشو مسجات للأعضاء الي صارلهم فتره مختفين نبي انعرف اعلومهم.

مرحبا الشيخ ..

الصراحه خيالك روووعه ولو تطبق على ارض الواقع بيكون اروووع ..

[qatarman8008]

جست ان اكزامبل..
..
..

..