عنتكم..

[qatarman8008]

..
السلام عليكم ورحمة الله..
مع دخول موسم التخييم الجديد اسال الله لي ولكم السلامة والعافية..
حبيت افتح موضوع العنة الذي سيختص بكل مايتعلق بموسم التخييم..
ابتداءا بشراء مستلزمات التخييم ونصب المخيم وقواعد الامن والسلامة ومرورا بجميع مايتعلق بتجهيز العنة والفعاليات اللتي تدور فيها وانتهاءا بازالة المخيم..
اتمنى تكون مشاركاتكم فيه اكثر من مشاركاتي انا..
..

[qatarman8008]

بسم الله نبدا..
..
اولا اختيار مكان العنة: ( منطقة سيلين فقط لاني ماقد خيمت في مناطق ثانية)
يجب مراعاة التالي عند اختيار مكان العنة..
راي الاغلبية مهم جدا في اختيار مكان العنة والا فان البعض سيبدي عدم ارتياح لطول فترة التخييم..
يجب ان تكون العنة في ذرى طعس حتى لو كانت بعيدة شوي عن باقي العنن حتى تصد عنك الرياح الشمالية المزعجة وحتى يكون عنتك تحت ظلال ابتداءا من بعد صلاة العصر..
ارضية العنة لازم تكون تراب ثقيل ليس رمل خفيف ولا رباظ.. الرمل الخفيف مايثبت فيه الوتد والرباظ دايما يطير مع الهوا يغبر العنة ويوسخ كل المكان..
يجب عمل حفرة في ارضية العنة حتى تتاكد ان مياه البحراقل شي متر بعيدة عن سطح الارض..
لو طلع عندك ماي باقل من متر شد وروح مكان ثاني ابرك لانه اذا البحر مد بتلاقي عنتك صايرة كانها صبخة..
اختار مكان قريب من الشارع الرئيسي لان العنن البعيدة المعزولة تكون معرضة للتخريب والسرقة في بعض الاحيان وكثير من الحالات يرفض الحارس انه يتم فيها لانه ماحد حوله ويحس بخوف ووحشة..
العنن القريبة من البحر تكون روعه ولا شك ولكن اذا سقت ماي البحر يصير حولك صبخة ويصير كل شي صعب..
صعب توصل للعنه وصعب يجيك الدنكر وطبعا كل يوم تغاريز وشد حبال وحالة..
..

[qatarman8008]

اغراض العنة..
اول شي لازم تعرف انتوا كم شخص في العنة وكم ضيف يجيكم واش جوكم في العنة..
مثلا تحبون تباتون في العنة او تحبون تتمون لين الفجر وعقب تردون للدوحة..
بعد التعرف على عدد الاشخاص تختار التالي:
1- خيمة كبيرة مجلس..
2- كرفانات حسب حاجة كل واحد..
3- حمامين عالاقل وانتوا بكرامة.. يفضل الحمامات اللي على تيدر وليست الفايبر..
4- مظلة خارجية..
5- مولد كهرباء.. طبعا حجم المولد لازم يكون x+5 عن حاجة العنة..
يعني لو عندكم 5 كرفانات كل كرفان فيه مكيف طن ونص جري موفر للطاقة = 5*2500 = 12500 واط..
كل كرفان فيه مضخة ماي وصخان = 5*(400+500)= 4500
لليتات 50 ليت كل واحد فيهم 10 واط = 500 واط
كشافات عادية لاني ما انصح بال اي دي= 8 *50= 400 واط
مضخة الماي الرئيسية للعنة 500 واط
المجموع= 18400 واط
يعني لازم تشتري مكينة كهربا 22 الى 25 كي في..
..
من وين تشتري هالاغراض واش انواعهم واش جودتهم انا باعلمكم ولكن في العدد القادم..

[لبيبة]

وعليكم السلام ورحمة الله وبركاته،

كل ذكرياتي عن التخييم كانت وانا صغيرة، ما اعرف شيحطون ووشو يسوون.

طيب العنة لازم لها ترخيص؟ ووشو اللي عادي بدون ترخيص؟

وهل لازم موقع محدد للي ياخذ ترخيص؟

اسمع بالتراخيص ولا اعرف شسالفتهم.

تسجيل متابعة لأن الموضوع حلو ومشوق. شكرا لك.

[SouthK]

متابع معاك .. يعطيك العافية

[ya3coub]

انك تؤلمني أخوي الغرفاوي ....

للأسف لأول سنه مافي عنه بالنسبه لنا أغلب الشباب يدرسون برع فمافي احد من الشباب اهني

[qatarman8008]

وعليكم السلام ورحمة الله وبركاته،

كل ذكرياتي عن التخييم كانت وانا صغيرة، ما اعرف شيحطون ووشو يسوون.

طيب العنة لازم لها ترخيص؟ ووشو اللي عادي بدون ترخيص؟

وهل لازم موقع محدد للي ياخذ ترخيص؟

اسمع بالتراخيص ولا اعرف شسالفتهم.

تسجيل متابعة لأن الموضوع حلو ومشوق. شكرا لك.

ترخيص العنة حق اللي يبي يسوي مخيم متكامل لموسم التخييم كامل..
التخييم في الويك اند من الخميس الى السبت مسموح بدون ترخيص..

[qatarman8008]

انك تؤلمني أخوي الغرفاوي ....

للأسف لأول سنه مافي عنه بالنسبه لنا أغلب الشباب يدرسون برع فمافي احد من الشباب اهني

عيل ربعك شباب للحين..
انا عندي في العنة اعمارهم كلهم فوق اربعينسنة..

[qatarman8008]

متابع معاك .. يعطيك العافية

الله يعافيك..
تابعنا وفالك طيب..

[ya3coub]

عيل ربعك شباب للحين..
انا عندي في العنة اعمارهم كلهم فوق اربعينسنة..

للأسف من عقب الثنويه عمري ما رحت لأحد فعنته ؟!!!
كله عندنا و الشباب اقصد اخواني و عيال عمامي و عماتي ما شاء الله اليله كبيره و من صغرنا ففويرط و سيلين و عقب بس سيلين لما صارت الزحمه على فويرط قبل ما يحولونها محميه مؤقته للسلاحف.

الحين افكر بشوف اشلون هالشتا لازم اقضيه فمكان غير البيت و الدوحه