عنتكم..

[qatarman8008]

اغراض العنة..
كنا زمان نروح نشتري الخيام من السعودية وكانت خيامهم معروفة باحجامها واسعارها..
لكن بعد الازمة الاخيرة قمنا ندور على منتج مصنوع في قطر وكانت محلات الخيام كلها على طريق سلوى..
اكتشفت ان خيام قطر افضل وامتن واقوى وارخص..!!
وبالتفصيل.. يعني تقدر تتحكم في الطول والعرض والارتفاع ولون الخلق وكل شي..
فوق هذا كله تقدر تخلي الحديد قلفانايز ( المقاوم للصدا ) حتى ان الخيمة تعمر معاك..
عقب خيمة الدوحة اعتبر كل الخيام اللي شريتها من السعودية كانت خسارة وقت وفلوس فقط..
فصلت خيمة 6*8 ارتفاع 3 متر حديد قلفانايز مشرعه من جميع الاتجاهات وفيها خلث وفيها نايليون شفاف حتى تقدر تبطل الخيمة من جميع الاتجاهات وتصير كانها مظلة..
ولو فيه مطر او عج تقدر تنزل النايلون الشفاف تصير تشوف كل شي برى ..
سعرها كان 8500 ريال فقط..!! خيمة القاضي 4*8 مع جملون كنا نشتريها بست الاف..!! التحليل عندكم..

[معماري قطري]

موضوع ممتاز ونبي صور وان شاء الله أشارككم وانا اروح زاير لبعض الإخوان عمري ما سويت عنة

[بوخالد911]

هلا بكم.

بالنسبة لي هاذي سابع سنة أخيم مع الربع.
الموقع : سيليين.

نحدد احتياجاتنا الأساسية وبعدها نقرر الميزانية.

العام الفايت شرينا خيمة كبيرة 6*10 جملون من السعودية. بس نسيت بكم.

هالسنة العنة تتكون من :-
4 خيام
للرجال والمطبخ والمطعم وللناطور.
7 كباين
المكينة :- أجرنا وحدة 60 kv ب 3000 شهريا شامل الصيانة

الله يسهل علينا السنة وأتمنى موسماً مثالياً خالياً من المشاكل.

[حمد 2002]

موضوع ممتاز ونبي صور وان شاء الله أشارككم وانا اروح زاير لبعض الإخوان عمري ما سويت عنة

انا مازور ولا اسوي عنه ..

كله في البيت والمولات والفنادق ..

واحياننا ادور فقع بالموسم .. واحياننا احط زوليه حمره بالبر واسوي شاي واحط مكسرات وورد احمر وشوي سناك مم = خفايف وهالسوالف يعني ..

واحياننا بالبحر على السيف اقط خيطي واصيدلي كمن شعم ووارجع البيت ..

هذا انا واتمنى ان اتغير ولكني هذا انا ..

[بعيد النظر]

قواكم الله ..

خامس سنة على التوالي في نفس المكان ..
صنيع الحميدي ..

عنتنا بسيطة .. 3 خيام و مظلة ..
خيمة صباحية تونا مكبرينها 11*5 ..
خيمة المطبخ والستور .. وأخيرا" خيمة الصبي ..


السنة ما حطينا ملعب طائرة .. العام حطينا ومحد لعب الا كم من مرة ..


والله يجيب البراد

[qatarman8008]

قواكم الله ..

خامس سنة على التوالي في نفس المكان ..
صنيع الحميدي ..

عنتنا بسيطة .. 3 خيام و مظلة ..
خيمة صباحية تونا مكبرينها 11*5 ..
خيمة المطبخ والستور .. وأخيرا" خيمة الصبي ..


السنة ما حطينا ملعب طائرة .. العام حطينا ومحد لعب الا كم من مرة ..


والله يجيب البراد

حلات العنة في كرة الطائرة هههه..
خل الشباب يشدون حيلهم..

[qatarman8008]

انا مازور ولا اسوي عنه ..

كله في البيت والمولات والفنادق ..

واحياننا ادور فقع بالموسم .. واحياننا احط زوليه حمره بالبر واسوي شاي واحط مكسرات وورد احمر وشوي سناك مم = خفايف وهالسوالف يعني ..

واحياننا بالبحر على السيف اقط خيطي واصيدلي كمن شعم ووارجع البيت ..

هذا انا واتمنى ان اتغير ولكني هذا انا ..

العنة فيها تقريبا نفس اللي انت تسويه احين..
لكن تحط اغراضك في محلها توفر عليك التعب بدل ماتشيل ونحط في كل كشته..

[qatarman8008]

هلا بكم.

بالنسبة لي هاذي سابع سنة أخيم مع الربع.
الموقع : سيليين.

نحدد احتياجاتنا الأساسية وبعدها نقرر الميزانية.

العام الفايت شرينا خيمة كبيرة 6*10 جملون من السعودية. بس نسيت بكم.

هالسنة العنة تتكون من :-
4 خيام
للرجال والمطبخ والمطعم وللناطور.
7 كباين
المكينة :- أجرنا وحدة 60 kv ب 3000 شهريا شامل الصيانة

الله يسهل علينا السنة وأتمنى موسماً مثالياً خالياً من المشاكل.

الله يوفقكم ويحفظكم..
وفعلا مثل ماذكرت الحميع يتمنى موسم خالي من المشاكل..
لان في كل سنة تصير مشاكل ما احب ادخل في تفاصيلها تعكر صفو جو العنة والتخييم..

[qatarman8008]

مولدات الكهرباء..
عند اختيار مولد الكهرباء يجب مراعاة التالي..
..
اولا : حجم الكهرباء المستخدمة في العنة + 5 مثل ماذكرت سبقا..
طبعا تعرفون انه لكل مولد كفاءة.. مثلا لو كان المولد 40 كي في انجليزي وجديد تكون كفائته 95% يعني يعطيك 95 بالمية من طاقته = 95*40/100 = 38 كي في ..
ولو صار قديم شوي بيعطيك 90% من طاقته = 90*100/40 = 36..
بيتحصل مكتوب هالشي عليه Maximum Power output
مولد الكهرباء لازم يشتغل في حدود 70% من قوته..
مثلا لو كنت تحتاج 10 كي في والمولد اللي عندك 10 كي في ماراح يخدمك وراح يترب عليك ويمكن تحترق كويلاته..
ولو كانت قوة الجنريتر 40 كي في مثلا وانت تسحب 10 كي في بيكون فيه 30 كي في محبوس في بطنه وهالشي يخرب الجنريتر على المدى الطويل ..
..
ثانيا : افضل انواع الجنريترات في الدوحة من حيث القوة والكفاءة وصرفيه الديزل والصيانة:
بيركنز الانجليزي ..
ليستر الانجليزي..
فوجي ياباني ايضا ممتاز بشهادة الجميع..
هوندا ياباني بترول يجي منه سايلانت وعادي..
اليماكس وهو هوندا تجميع الصين مايجي سايلانت..
..
غير هالانواع لاتفكر تشتري ..
في انواع اخرى اثبتت كفائتها على مستوى عالي من الطاقة نفس مولدات كاتربلر فوق ال 100 كي في ..
ولكن هذي ماتحتاجها في العنة..

[qatarman8008]

طبعا اذا تكلمنا عن الجنريترات لازم نتكلم عن الامن والسلامة بما يخص توصيل وايرات الكهرباء..
وهذا ما ستتابعونه في الحلقة القادمة..