أسعار العقارات ونصب الدلالين

[ابو عبدالله.]

ابوعبداللع تعال بسرعه انصحني ابي اخذ عقار للاستثمار ويكون لؤطة *_*

صبحكم بالخير

خبرتي محدوده لكن اتابع شوي

يعتمد على المبلغ الي عندك اخوي

فلل البندري بالمشاف وصلت اقل سعر مليونين و 600 الف ومؤجره ب 13 و 14 الف
الحين التآجير يقولون وصل 12 الف اذا توها بتتآجر

الشركات تدفع 15 الف و 16

في شركات مسموح تسكن عمالها و موظفيها و مستثنون من قانون سكن العمال
قانون 1979 الغي و اعتمد بداله قانون زاد من انواع الشركات المستثناه
يعني ممكن تاخذ فيلا قديمه مع صيانتها بسعر مليونين وشوي و تآجرها ب 15 او 16 او اكثر بحسب عدد الغرف

اهم شي تكون الشركه من المستثنين من قانون سكن العمال. و اعتقد الفئات اكثر من 10 نشاطات تجاريه مستثناه

اول شي حدد كم تبي تدفع او تمول و بعدها تقدر تعرف اي عقار و اي منطقه تقدر تشتري

اذا الله وفقك فيها. بعدها تعلن عن سكن عمال مع موافقه البلديه بعد. رسمي بلا مخالفات

بتلاقي الف شركه تتصل عليك تبي سكن بدون مخالفه

بالتوفيق اخوي

[qatarman8008]

اسعار العقارات في العالم كلها في نزول وليس في قطر فقط..
اعتقد ستستمر بالنزول الى مستويات بداية العام الفين..
عموما..
اعرف واحد شرى ارض في ام صلال علي بسعر فوت 175 يوم السبت اللي طاف..
كلمته وانا مستغرب لان السعر رخيص جدا قال لي لاتستغرب اذا شفت الاسعار وصلت 140 في نفس المنطقة بعد شهرين..

[ابو عبدالله.]

سمعت عن انخفاض في الاسعار لكن في حل بسيط يقضي على مشكلة الاسعار الخيالية في سنتين لكن اتحدى احد ياخذ القرار بفرض ضرائب على العقار الفاضي او الارض غير المستغلة!

النقاش في خفض الاسعار يطول وقد لا يصل لنتيجه اخوي

المهم ان الشخص يبدآ و يجتهد بترتيب اموره بخطه محكمه و يوصل لهدف يعتقد الكثيرون انه مستحيل

كل شخص مسؤول عن مستقبله و تحقيق اهدافه والي ينتظر بيكبر وهو ينتظر

احنا في بلد افضل من كل العالم. لا ضرايب ولا حد يسرق حلالك و القانون فوق الجميع

بس هي المظاهر الي ضيعت الناس و نسوا الاولويات

من نشتغل نفكر بالموتر بو 200 الف و الصرف على الي يستاهل وما يستاهل

للحين الاغلبيه الي ما يستحقون ارض حكوميه ما يدرون ان في بدل ارض 800 الف اذا دخلها على الاسكان. هذا غير المليون و 200 قرض الاسكان

والله من كم يوم. اعلان ارض بتوزيع المشاف و الوكير . حكوميه يبون الفوت ب 200 ريال و مساحتها الف متر

لو عندي والله ما افرطها. والي بلا ارض اسكان يقدر يستلف مليون و 200 و الاسكان يدفعون 800 بدل ارض و ياخذها و بعدها قرض الاسكان يبنيها

كل واحد له حل لكن المجتهد فقط

[كرواتيا]

يعني بوعبدالله تنصح باراضي المشاف والوكير؟

عندي مليونين وابي شي للاستثمار

[بو خليفه 123]

لا بد من الاستشاره في اي منتج او عقار نشتريه لا نمتلك خبره فيه . أنا اشوف الموضوع مافيه نصب !
العقار ينباع ليس على حسب ميزانيتك بس على حسب سعر الفوت بالمنطقه . و من خلالها انا كصاحب عقار بأمكاني ارفع السعر مليون ولا مليونين ولا 20 مليون (حلالي و بكيفي)
العبره في من بيشتري العقار !

[ابو عبدالله.]

يعني بوعبدالله تنصح باراضي المشاف والوكير؟

عندي مليونين وابي شي للاستثمار

يا هلا

الوكير اذا جنب الضغط العالي لا تشتري. للحين ما بين العمار فيها

عندك الي جنب المسجد بو منارتين و قبله بس تمهل لا تشتري الا بعد ما تقارن كل ارض و مساحتها و الفوت فيها بكم

الارض اذا 450 متر و بتبنيها بنفسك بتطلع لك ارخص من الفلل الجاهزه ب كذا مئه الف. فيها توفير ممتاز

واذا الارض 600 وفوق تقدر تبني فلتين متلاصقتين

اما الارض الحكوميه الذي ذكرتها فهذه ما تنقسم. لانها ارض نموذجيه. يا فيلا كبيره او فلتين متلاصقتين بسند واحد و عداد كهرباء واحد. وهذه ما افضلها ان فلتين بعداد واحد. قله الي ياخذونها مع بعض الا اذا شركات

شوف اخوي. انا اتكلم كرآي شخصي. ولا اعلم الغيب. اذا انزلت الاسعار او ارتفعت هذا شي ما لي يد فيه

شفت الارض الحكوميه الي نتكلم عنها كمثال

هذه بعد سنتين او ثلاث اذا لقيتها ب ثلاثه مليون و فوق. و تذكرني بالخير

كل المنطقه سمح لهم بالبناء وكلهم فلل اسكان و كبار. و بتصير مثل اراضي روضه الحمام الطلب عليها اعلى من المناطق الي حولها. عشان مساحتها و قربها من الوكره و الدوحه. و الهاي وي انفتح باقي مول ازدان يفتح كامل و وراه مجمع كبير بينبني بعد. وغير باقي المشاريع و توسعه شارع المشاف و الوكير جايه

اسآل الي حولك اذا لهم بالعقار يمكن عندهم افكار افضل او نصيحه

[SouthK]

النقاش في خفض الاسعار يطول وقد لا يصل لنتيجه اخوي

المهم ان الشخص يبدآ و يجتهد بترتيب اموره بخطه محكمه و يوصل لهدف يعتقد الكثيرون انه مستحيل

كل شخص مسؤول عن مستقبله و تحقيق اهدافه والي ينتظر بيكبر وهو ينتظر

احنا في بلد افضل من كل العالم. لا ضرايب ولا حد يسرق حلالك و القانون فوق الجميع

بس هي المظاهر الي ضيعت الناس و نسوا الاولويات

من نشتغل نفكر بالموتر بو 200 الف و الصرف على الي يستاهل وما يستاهل

للحين الاغلبيه الي ما يستحقون ارض حكوميه ما يدرون ان في بدل ارض 800 الف اذا دخلها على الاسكان. هذا غير المليون و 200 قرض الاسكان

والله من كم يوم. اعلان ارض بتوزيع المشاف و الوكير . حكوميه يبون الفوت ب 200 ريال و مساحتها الف متر

لو عندي والله ما افرطها. والي بلا ارض اسكان يقدر يستلف مليون و 200 و الاسكان يدفعون 800 بدل ارض و ياخذها و بعدها قرض الاسكان يبنيها

كل واحد له حل لكن المجتهد فقط

يا الغالي .. صح ما عندنا ضرايب ولا حد يسرق حلالك ولكن القانون مب فوق الجميع لان السوق محكوم بالتجار و القوانين تحتاج للتعديل المستمر!!

ما اقدر اتكلم لان الكل بيعارضني فما عندي إلا اني افوض الامر لصاحب الامر!

[ابو عبدالله.]

يا الغالي .. صح ما عندنا ضرايب ولا حد يسرق حلالك ولكن القانون مب فوق الجميع لان السوق محكوم بالتجار و القوانين تحتاج للتعديل المستمر!!

ما اقدر اتكلم لان الكل بيعارضني فما عندي إلا اني افوض الامر لصاحب الامر!

صبحك بالخير اخوي

لو اتفقنا جدلا ان التجار حاكمين السوق و القانون مش فوق الجميع

الي يهمني كشخص اجتهد في رفع مستواي المعيشي و المهني ان اذا شريت او تملكت محد بياخذ حلالي

اذا في امور ثانيه تصير فهذا طبيعه بشر و يتصرفون في امور لن تآثر علي في خططي المستقبليه في شراء عقار مثلا

احنا لو في بلد ثاني كان يمر على محلك عصابات تاخذ جزيه عشان ما يحرقون محلك او يجيك حد يقول شاركنا في مدخولك ولا بنوديك ورى الشمس

دام هذا مش موجود عندنا انا ما عندي مشكله اجتهد و استثمر بالي اقدر عليه

انا احاول اتكلم بمنظور اعلى من النقاش عن العقبات لاني ما مريت فيها غير مسآله التقشف لفتره الى ان نكون مبالغ تساعدنا على الاستثمار الآمن

في امور اهم من النقاش عن وضع السوق او الاسعار

اذا نظن ان هذا موجود و متعبنا ففكر في الوضع بعد 5 او 10 سنوات

اقصد ان قبل 2007 كانت الامور طيبه و تكاليف الحياه مقدور عليها

وجات فرصه رفع الرواتب 60% وناس افتلت بالمواتر و وخفت عليهم المصاريف. لكن قله الي ضل في نفس صرفيته و وحوش من الزياده و دخل في استثمار حقيقي

بعدها ارتفعت الاسعار و التضخم و الاعباء وصارت الرواتب تكفي لكن لا تزيد عن الحاجه. وراحت فرصه التوفير و الادخار

انا على يقين ان بعد كم سنه وبعد انتهاء كل المشاريع و ازدياد عدد السكان بترتفع اعباء المعيشه و الايجارات و المواد الاستهلاكيه

وبتقل الرفاهيه عند الاغلبيه. الا من بدأ بالاستعداد و رفع مدخوله الشهري بالاستثمار و خطط مدروسه للتوفير و الادخار

الحين لو راتبك 40 الف. تعتقد انك تقدر تملك طراد بمئه الف و موقف مؤجر سنويا ب 30 الف و عيالك بمدارس خاصه تكلفك سنويا فوق الكوبونات التعليميه 100 الف سنويا

غير سفره للعائله تكلفك 100 الف
ما اعتقد بتقدر توفر من الراتب الا القليل على احسن تقدير

لكن لو رتبت امورك و خطه عشريه بتملك عقارين او عقار بمدخول 20 الف شهري بتكون رفعت دخلك السنوي و هذه الالتزامات بتدفعها و انت مرتاح و بتوفر ايضا

خذ معلومه انا استفدت منها بتجربه
اول عقار بتوقع على سلفته وانت خايف من هول المبلغ المستلف. لكن بعدها. بتوقع سلفه ثاني عقار وانت تضحك. لانك مسنود ما تحاتي تتورط بالاقساط اذا حدث طارئ او مشكله بالتسديد

وتخيل انك معتمد على الراتب وبعد تقشف و شراء عقار تخلص سلفته ويجيك اجار 15 الف فوق راتبك شنو بيكون احساسك وانت زايد مدخولك 50% او 30%. يا ريال بتفكر تاخد العائله سفره بزنس كلاس لانك في طفره ماديه

السالفه تعب اولا وبعدها جني ثمار مجهودك لكن ثمار ارفعت مستواك المعيشي وحتى الي حولك بقولون لك ضربه معلم

على فكره. الكلام الي اقوله كذا شخص سواه والحين منهم الي يملك اربع عقارات و الي شطح اكثر و اخذ عزبه وصار يربي حلال و بزنس و فتح محل ومشت معاهم الحمد لله

هذولا كانوا على رواتبهم من 10 سنوات تقريبا و بعد التعب بعضهم تسآله عن الراتب ويقول لك والله مادري عنه الا ان اشيك اكثر من النصف و احوله للتوفير اول كل شهر

[الحياة الخالدة]

أحييك أخوي بوعبدالله على ردودك

[جبر ال جبر]

العقارات عبر الازمنه والتاريخ تثبت انها الملاذ الامن ولكن يكون ف قلب الدوحه مب خارجها وعليه طلب سواء بيع او ايجار والناس عندها الحين وعى ودرايه اليوم صاحب الكاش وصاحب العقار ملك ويتحكم اما الي عنده اسهم ماقول الا الله يعينه ويكسبه ولايخسره شوفه عينكم حتى الي عنده كاش خايف يدش لانه القاع مب واضح