صبحكم الله بالخير
دول الحصار استخدمت كل وسيلة ممكنة للنيل من قطر وسمعة قطر ، وتأليب الرأي العام سواء الخليجي أو العربي عليها
لو قلنا ان هذا سببه كله الحقد ، ممكن نفهم الموضوع
لكن :
تتم معايرة قطر بأمور تنطبق عليهم ؟
يعني اللي يقول عن قطر صغيرة وصغيرة ، وانها (كبر حارة في الرياض) على قولتهم
ويجيك البحريني (البعض منهم) يضحك على هالكلام !!!! ويردده بعض المرات
نسيت مساحة البحرين ؟؟ ماتدري ان هالشي راح تتم معايرتكم انتوا فيه في يوم ؟
واللي يقول ان عدد سكان قطر قليل ، ويضحك ، مثل ماغمز (او على قولتنا حذف نغزة) الرئيس عبدالفتاح السيسي مرة في اجتماع اعتقد في الامارات ، وكان يحضره الشيخ محمد بن زايد ،وضحك الشيخ محمد بن زايد !!!! كم عدد سكان شعب الامارات مقارنة بمصر مثلا؟؟
او يتكلمون عن فساد مثلا في قطر ، وقطر فيها فساد مثل كل دول العالم ، ومافي دولة في العالم مافيها فساد ، وتتفاوت النسب ، ونسبته في قطر قليلة جدا جدا ، وهذا حسب تقارير منظمات عالمية ، وقطر تتفوق في هذا الجانب (جانب مكافحة الفساد) على يمكن كل الدول العربية لكن نسيتوا اللي يصير في السعودية حاليا ؟ وعلى اكبر المستويات
وعلى فكرة لايعيب الدول اطلاقا مساحتها او تعداد سكانها ، فاللي يتكلم عن قطر ويذكر مساحتها ماجاب شي جديد
او عدد سكانها ، ولو الدول تقاس بمساحتها كانت مصر متقدمة حتى على اليابان (ومع هذا نلقى المصريين يعايرون قطر بمساحتها ) !!!!!
الأيام دول
وراح يجي يوم وترتد السهام المسمومة لاصحابها
مع اني أتمنى الخير للجميع ، والشعوب الخليجية كلها على العين والراس ، لكن :
لاتظهر الشماتة بأخيك
فيعافيه الله ويبتليك
فما بالك وانت أصلا مبتلى ؟
غريب الدّار