لستة الزلازل التابعة مع عمقها
لستة الزلازل التابعة مع عمقها
ما شاء الله عليك اخوي معماري ,,,متابعه متميزه وتشكر على الخارطه
التوضيحيه ,,,,كنت في اجتماع وافكر لما اخلص اكتب بخصوص عمق
مركز الهزه الارضيه وانت جبتها فالصميم,,,,شكرا مره اخرى.
فالكثير من الزلازل القويه "كفانا الله شرها" تحدث على عمق اكثر من 30 كلم
تحت سطح الارض,,,,اما هذه الحاله فأنا اعتبرها استثنائيه حيث الهزه قويه
وحدثت قريبه من سطح الارض واستمرت لأكثر من 3 دقائق وهو وقت طويل
بالنسبه للهزات القويه وبالتالي يتسع نطاق الدمار والاضرار وستتبين بعد
عدة ايام الاحجام الحقيقيه للأضرار والضحايا,,,,واتوقع قرى كثيره خصوصا
الحدوديه منها بوسط كردستان وغرب ايران تأثرت بشكل كبير وحبث الاتصالات
منقطعه وكذلك الكهرباء فلن نسمع او نشاهد منها قبل مرور عدة ايام وربي يلطف
ويحفظ امة الاسلام والمسلمين.
عدد الموتي وصل قريب 450 و المجروحين فوق 7500
الجو برد درجة الحرارة بالليل توصل صفر هذي المنطقة أكثرهم قرويين الله يكون في عونهم الصور تقطع القلب اللي فقد كل هله اللي ماتم حد عنده غير طفله صغيره الأب اللي يدور زوجته و عياله اللي يدور اخته و اخوه للحين الوضع صعب عندهم وايد من الجرحي ودوهم مستشفيات في طهران و وايد مطوعين من الدكاتره من أنحاء مختلفه في ايران راحوا عشان يقدمون المساعدات
مسوي دراسة قبل عن الزلازل .. وقريت وايد ومن ضمن اللي قريته إنه صار زلزال قريب سواحل ايران وصار سونامي غرق السفن عام 1907 على ما اذكر اللي يسمونها سنة الطبعة .. وتعرفت على هذا الموقع ودوم اتابع معاه .. حتى طلعت من أيام اشاعة إنه زلزال صاير في جنوب السعودية ومصورين طرق مشقوقة وطلع الزلزال في البحر جنوبي اليمن وبعيد وبمقياس 4 وشوي ما له تأثير لا على اليمن ولا السعودية
شوف اخوي الوسمي تقدر تسوي بحث باسم الموقع وطلعت لي هذي الزلازل على فترة طويلة قطر مكتوب قرب فويرط من 20 سنة 4.2 بس موضحينه قرب سواحل ايران
اللي يخوف إن حول مفاعل بو شهر ما ادري محطة الكهرباء النووية وايد زلازل تصير وبعضها قوية والمشكلة وجودها شمال قطر والهواء في الغالب شمالي يعني أي كارثة نووية الرماد والتلوث بيصيب قطر لو الهواء شمالي وقتها
ورد قبل قليل:
زلزال اخر بنفس المنطقه تقريبا ضرب قبل ساعتين تقريبا بقوة 6 درجات رختر
وحتى الان لم ترد اية تفاصيل,,,,,من قوة الزلزال حسوا فيه منطقة كرمنشاه والتي
تضررت كثيرا فالزلزال المدمر السابق ووقع ما يقارب ال 600 قتيل وحوالي 10الاف جريح
,,,,,
اللهم احفظنا بحفظك المصون وسلم عبادك الصالحون,,,,,اللهم امين
https://twitter.com/search?q=%D8%B2%...D9%86&src=typd
التعديل الأخير تم بواسطة وسمي2016 ; 11-12-2017 الساعة 07:58 PM
الله يلطف بالمسليمن هناك ويرحم الموتى منهم ويشفي المصابين
على موقع الزلازل 5.4 وعلى عمق 30 كيلو متر بس لو المباني تضررت من الزلزال السابق هذا أكيد بيكمل عليها بسهولة
آسف على عمق 16 كيلو متر وهو أخطر من لو كان 30
هذا قبل 5 ساعات وتلاه زلزال بعده بساعة على عمق 10 كيلو وبقوة 4.7
لا حول ولا قوة إلا بالله
اللهم كن مع المسلمين في كل مكان واحفظهم برحمتك وداويهم يا ارحم الراحمين يا رب العالمين