&&& دعوه للتطوع مع رابطه اسره التوحد لتعليم ركوب الخيل &&&

[حبر وقرطاس]

السلام عليكم ورحمه الله وبركاته ..اخواتي واخواني الاعزاء
مع دوران عجلة الحياه والتطور المستمر في جميع المجالات تجلت فئه اطفال التوحد ..العدد في تزايد في مجتمعنا ولا يمكن تجاهل وجودهم واحتياجهم لممارسه عده رياضات وانشطه تساعدهم على تطوير مهاراتهم التي شاء الله ان لا تتماشى مع نموهم الجسدي ..
من هنا انبثقت رابطه اسر التوحد تتحرك في عده اتجاهات لخدمه ابنائها بشكل تطوعي انساني بحت باحثه عن الدعم والمسانده من جميع الجهات والافراد
اطفال التوحد يحتاجون لممارسه انشطه حركيه تساعد على رفع التركيز والاداء الحركي ومنها رياضه ركوب الخيل .
هذه الرياضه اثبتت بتجارب عديده فائدتها في تطوير مهارات الاطفال وتعديل سلوكهم فالتواصل البصري والحركي والنطق ..
تقوم رابطه اسر اطفال التوحد متمثله بالاخت شيخه الخيارين ببذل مجهود كبير لمسانده هذه الفئه في تعلم ركوب الخيل
فمن لديه الحماس للتطوع والمشاركه فليراسلني خاص .سواء كتدريب اساسيات الركوب او قياده الحصان لطفل التوحد لمده ٤٥ دقيقه ثلاث مرات فالاسبوع .
المجال مفتوح للتطوع من القطريين والقطريات وحتى المقيمين والمقيمات.
فمن لديه الرغبه في دعم هذه الفئه والاجر العظيم من الله
(((( الرجاء التواصل معي خاص للتنسيق ))))

[حبر وقرطاس]

نتطلع للمزيد من الشباب والشابات القطريين والمقيمين وغير الناطقين باللغه العربيه ..سارعوا للاجر..

[فريج النجادة]

بالتوفيق يارب

[رُفق المجنّا]

بالتوفيق

احد الأخوات المتخصصة في المجال النفسي والتربوي جمعتني بها دورة تدريبية واذكر من ضمن السوالف القدرة الهائلة للخيل في علاج التوحد.

أتمنى لو يسعفني الوقت ولكن لدي ارتباطاتي

[مختلف جداََ]

عطنا تفاصيل أكثر يا خوي

[Dana’1]

وعليكم السلام ورحمة الله وبركاته
ممكن توضح إذا كان فيه وقت مخصص للنساء وتدريب الفتيات ؟!

موفقين يا رب

[حبر وقرطاس]

اخواني واخواتي الافاضل موقعنا في اتحاد الفروسيه في الاندور
السبت والاثنين والاربعاء .متواجدين من الساعه خمس ونص .
يبدا التدريب لاطفال التوحد المسجلين الساعه ست وربع المغرب
تدريب البنات والاولاد مع بعض بوجود مسؤوله رابطه اسره اطفال التوحد التطوعيه الاخت شيخه الخيارين ومتطوعات فارسات .ومدربين الاتحاد المشرفين على الخيل ومدرب متطوع .
احتياجنا هو تواجد عدد اكبر من المتطوعين المجال مفتوح للقطريين والقطريات
مقيمين ومقيمات . الي عنده خبره ولو بسيطه مع الخيل جميل جداا .
واللي حاب يساعد ويتطوع وماعنده خبره ايضا راح ينفعنا وله الاجر ومش مطلوب من المتطوعين الي ماعندهم خبره يركبون خيل او يسوون شي فوق معرفتهم .انما راح نعطيهم توجيهات بسيطه جدا مثل يعرف اسم الطفل الي عالحصان ويمسك حصانه ويمشي جنبه .
عندنا نقص في السياس .ونقص في المدربين .الموضوع يحتاج مبادرات فرديه تطوعيه .
يفضل الحضور باللباس الرياضي لسهوله المشي على الرمل في الميدان .
ويحق لكل شخص حاب يتطوع ويشاركنا انه يجلس ويتفرج على التدريب وياخذ فكره .المساله مافيها صعوبه ..
الله يقدرنا على عمل الخير والله يكتب لنا ولكم الاجر
ولولا التقدم الملموس في مهارات اطفال التوحد ما سعينا وبذلنا هذا المجهود ومحاوله نشر الوعي ..نبي الخير يعم ونبي اطفال التوحد يستمتعون بانشطه رياضيه تسعدهم وترفع مهاراتهم ..كل شي يحتاج للصبر ..
وبوقفتكم معانا ..راح يكون لكل مساهم ومتطوع بصمه مدى العمر في دفع طفل توحد يكون فرد قادر على الاعتماد على نفسه حتى اخر العمر ..
اترك بصمه امل وخير وحب ودعم ..
انا الله لا يضيع اجر المحسنين

[حبر وقرطاس]

نتطلع لمتطوعين ..والمجال متاح ..فمن لديه الاستطاعه فليبادر معنا ..
دعوه لاصحاب الخبرات ولو قليله ولعشاق الخيل من الجنسين ..

[حبر وقرطاس]

ومازلنا ننتظر مد يد العون لنا من عشاق ومحبي الخيل واعمال التطوع الخيريه من الجنسين مواطنين ومقيمين ط

[حبر وقرطاس]

ارجو من الاداره تثبيت الموضوع