المباني العامة وفتحها للمجتمع بدون أسوار

[معماري قطري]

عندي رأي مخالف تماما لرأيك اخوي ، وهو ان هالمباني المفروض تتسكر ، اللي يخليني اقول هالشي اني زرت مكتبة قطر الوطنيه ، الصراحه المبنى صج متعوب عليه وغير هذا الاجهزه والكمبيوترات واضح انها مكلفه الدوله ملايين ، غير الكتب طبعا اللي صارفين عليها مبالغ خياليه، اشوف لما افتحو المبنى للزوار صارت مب مكتبه! ازعاج ويهال تركض وتمسك الكتب وترميها ومافي هدوء اذا الواحد يبي يقعد يقرأ شي! ليش سامحين لليهال يدخلون ويخربون بهالطريقه؟ ادري في قسم بالمكتبه مخصص للاطفال بس عالاقل يكون في لهم يوم مخصص وتنبيهات بعدم الازعاج والتخريب ، والله جدامي لوح رجاج انشرخ بسبة ياهل ينط ويخبط عاللوح لين مانكسر! والمشكله انه كان مع اهله ولا قالوله عيب او بس لاتخرب قاعدين يضحكون!
حرام الواحد ينقهر لمن يشوف فلوس بلاده تنهدر بهالطريقه وخصوصا اني لاحظت انه اللي يخربون اجانب والله اذا قطري مايسوي هالحركات

المكتبة لو لها باب ولازم بيكون لها باب عليه مسؤول وحارس أمن وموظفين ولازم لها قوانين ووقت عمل .. لكن حولها ليش نسوي سور طابوق يخفي معالمها وجمال الزراعة

ما شفتها ولا اتوقع سووا سور لأن أكيد التصميم من مكتب دولي يراعي هذي الأُمور .. تبقى ادارة الدخول وقوانين المكتبة في يد إدارة المكتبة لو خلوها سمردحة لليهال هذا خطأ كبير

[معماري قطري]

والله توني أنتبه لكلامك صح دخلت حديقة مرة بتايلاند بس ناسي بأي مكان ، كانت بنفس الطريقة.

في كل مكان تقريباً في العالم الحدائق والأماكن العامة تكون مفتوحة ومتصلة بما يسمى الفضاء المتصل المفتوح

وللحماية ولمنع التجاوزات الكاميرات تقوم بالواجب ومحاسبة المتجاوز أول بأول تكون رادع قوي تخلي محد يفكر في التخريب أو التجاوز على الغير

[SouthK]

عندي رأي مخالف تماما لرأيك اخوي ، وهو ان هالمباني المفروض تتسكر ، اللي يخليني اقول هالشي اني زرت مكتبة قطر الوطنيه ، الصراحه المبنى صج متعوب عليه وغير هذا الاجهزه والكمبيوترات واضح انها مكلفه الدوله ملايين ، غير الكتب طبعا اللي صارفين عليها مبالغ خياليه، اشوف لما افتحو المبنى للزوار صارت مب مكتبه! ازعاج ويهال تركض وتمسك الكتب وترميها ومافي هدوء اذا الواحد يبي يقعد يقرأ شي! ليش سامحين لليهال يدخلون ويخربون بهالطريقه؟ ادري في قسم بالمكتبه مخصص للاطفال بس عالاقل يكون في لهم يوم مخصص وتنبيهات بعدم الازعاج والتخريب ، والله جدامي لوح رجاج انشرخ بسبة ياهل ينط ويخبط عاللوح لين مانكسر! والمشكله انه كان مع اهله ولا قالوله عيب او بس لاتخرب قاعدين يضحكون!
حرام الواحد ينقهر لمن يشوف فلوس بلاده تنهدر بهالطريقه وخصوصا اني لاحظت انه اللي يخربون اجانب والله اذا قطري مايسوي هالحركات

العيب فينا .. رازين الاجنبي على التبن!!

[يمامـة]

سور عن سور يختلف..

سور جداري اكيد بيخفي جمال هالمباني..
لكن سور من شبك او أي نوع من الحواجز اللي تمنع الدخول العشوائي للاماكن هذه
لكنه في الوقت ما يمنع الشكل الكامل للمباني هذا امر مرحب به و اقتراحك عين العقل..

[معماري قطري]

سور عن سور يختلف..

سور جداري اكيد بيخفي جمال هالمباني..
لكن سور من شبك او أي نوع من الحواجز اللي تمنع الدخول العشوائي للاماكن هذه
لكنه في الوقت ما يمنع الشكل الكامل للمباني هذا امر مرحب به و اقتراحك عين العقل..

أكيد إختي الأسوار بعضها يجي بارتفاع متر وأقل كشكل وتحديد للمكان وما يمنع انفتاح الرؤية وبعضها يجي حديد أو معدن وبعضها شبك وحتى بلاستيك

اللي قصدته المفروض نركز على الانفتاح وتزيين المساحات الخارجية لكل المباني حتى تكون مرحبة بالمستفيدين منها وتعطي شكل جميل للجميع وللمدينة وحتى ملاعبنا الحديثة المفروض ينالها شيء من هذا التجميل والانفتاح .. أكيد بوابة الملعب لدخول الجمهور وقت المباريات غير .. قصدت محيط الملعب ما فيه داعي نسوي سور وكأنه بيت خاص

[معماري قطري]

أهمية اللاندسكيب حول المبنى أو الفضاء المحيط المفتوح