وهذي تشكيلات دقيقة وأحلى وبواير حار مع جهاز مبرمج خاص .. تحتاج طبقة طلاء خاص قاسي وعازل للرطوبة .. الرطوبة وخصوصاً الحمضية تنهيها وللتجربة ببساطة نعصر شوية ليمون ونشوف شيصير .. المطر الحمضي يتكون من التصاق جزيئات حامضية في الهواء نتيجة التلوث من المصانع والسيارات وغيره وهذي الجزئيات لو تسربت للفوم تخليه يتلاشى بالتدريج
السلام عليكم
انا من الناس اللي مقتنع بالفوم وبقوة وانا مغمض واقولكم من الاخر عط الخباز خبزه شركة هالكو مش جديدة في الفوم اللي هو اسمه درايفت سستم عمره سبعين سنه تقريبا في امريكا وهالكو ثلاثين سنه في السعودية تبع أرامكو والحين في الدوحة من تسع سنوات تقريبا او اقل وعقدي معاهم من اربع اسنين وتوني مشتغل معاهم طبعا خذت الفلا كامله والسور كامل فقط صبغ من عندهم في النهايه كله بسير لون واحد سعرهم شوي غالي لاكن احترافيه وضمان خمس وعشرين سنه حتى على اللون مايتغير يعني من عمر البيت تقريبا وعندكم مديرهم المهندس فريد جدا محترم ومتساهل في الدفعات وعطاني خصم قوي ماقصر لان عقدي الفلا كامله فا انصحكم خلكم حول هالكو ترا هو راعي الشغله من اسنين وبخصوص اللي تفضل يقول انهم مايشتغلون ديكورات فوق البلستر غلطان اشتغلو حق كم فله فوق البلستر صبغ وديكور فقط الحين خلصوا الواجها والجنب الأيمن اللي يبي يشوفه حياه ويامرحبا
وهذا شغل الدرايف في امريكا نفس اللي عند هالكو
https://youtu.be/vmtbrwdaug4
التعديل الأخير تم بواسطة Almuraikhi ; 18-03-2018 الساعة 06:16 PM
المشاركة الأصلية كتبت بواسطة Almuraikhi
هالكو مستغلين انه ما في شركات فوم في قطر ويضربون عالعالم بشكل مش طبيعي ..
عن نفسي ممكن احرق الفلوس بس ما اخلي حد يستغفلني بهذه الطريقة
الحجر قولاً و احداً
وليس هناك مجال اصلاً للمقارنة من الناحية الفنية و الجمالية
الفوم يستخدم فى امريكا و اوروبا لتقليل تكلفة البناء و لاختصار مدة تنفيذ العمل مقارنة بالحجر
نقطة فنية مهمة ان طريقة تصميم المباني بامريكا و اوروبا تعتمد على تقليل التكلفة بتصميم مباني لا تتحمل من الناحية الانشائية أوزان ثقيلة مثل الحجر
لذا هم يستخدمون مواد خفيفة الوزن و رخيصة مثل الفوم
التعديل الأخير تم بواسطة لطيف الروح ; 19-03-2018 الساعة 03:18 PM
أختلف معاك في نقطة تحمل وزن الحجر .. الحجر يكون وزنه نازل رأسي على الأرض وأي تأسيس تحته وممكن تركبه على أي نوع من الجدران لو استخدمت التربيط الميكانيكل .. التربيط هذا اسناد جانبي بسيط فقط وممكن نسويه قوي عند صبيات الأرضيات والجسور .. كذلك ممكن عند هذي المناطق نركب قطع حديد حاملة ووزنها يتحمل على الهيكل الانشائي ولا يتحمل على الطابوق أو الجدار الخارجي البسيط في حال بعض المباني الغير طابوقية
المفروض سعر الفوم يكون أقل من سعر الحجر ب 50% والمفروض تشكيلات الفوم تكون رخيصة لسهولة عملها ورخص مادتها وكذلك لسهولة التعامل معاها
في حال التركيب التقليدي كلامك صحيح لازم جدار طابوقي وقوي حتى يتحمل الوزن الاضافي
اخوي العزيز بشر عن الشركه الي تقول تعاقدت معاهم أنا بيتي الى الان انتظر ماسويت البلاستر الخارجي وشركة مقاولات للحجر عطاني سعر217000ريال حجر سوري اذا هذي الشركه زينه وارخص بأشتغل معاهم اخوي من فضلك رد علي بسرعة لأني انتظر والمقاول ضاغط علي عشان احدد أسوي بلاستر ولالاالسلام عليكم و رحمة الله و بركاته
رجعنا لكم و أخبار طيبة عن عالم الفوم واللي ينتظرون مني أخبار حلوه
الحقيقة كنت على وشك التوقيع مع شركة تو جديدة في الفوم وزرت مكتبهم والتقيت المدير و شرح لي كل شي
وعطاني سعر يابلاش عن ( شركة هالكو ) بس سبحان الله حسيت فيه شي غلط ، طلبت منهم أشوف شغلهم على
الواقع ، وفعلاً عطوني كذا موقعهم و زرتهم ولا أقول ألا الله يعين اللي وقعوا معهم ( شغل رديء وفرق السما عن الأرض مع شركة هالكو )
سحبت نفسي قبل توقيع العقد وتعذرت منهم .
بعدها سألني مندوب مقاول فيلتي عن الواجهات للفيلا شنو تبي صبغ أو ديكور ، قلت له الصراحة خاطري في الفوم بس الفوم فيه شركة غالية
وشغلها طيب وفيه شركة رخيصة شغلها ( مش حالك ) .
قال أنا عندي شركة فوم من تركيا تو فتحوا في قطر وشغلهم و المواد المستخدمه لايعلى عليه ، قلت عطني رقمهم ، وفعلاً أتصلت فيهم وجاءو للفيلا
ورفعوا القياسات وبعدها بيوم أعطوني السعر ( ضعفين الشركة الرديئة ) يسوون لك مجمةعة تصاميم 3D على CD إذا أعجبك شغلهم التصميم مجاناً وإذا ما أعجبك
قيمة التصميم 6 آلاف ريال + ضمان 15 سنه + شهادة من الدفاع المدني ضد الحريق + أول مترين من أسفل الشغل مضاعف من أجل الأطفال و شقاوتهم و الكورة
طلبت أشوف شغلهم على الواقع وفعلاً عطوني الموقع و شفته على الطبيعة الصراحة شغل راقي و طبق الأصل من ( شركة هالكو ) .
اليوم بإذن الله أسلمهم الـ CD تؤخذ منه نسخة و ترسل لتركيا وهناك يتم التصمص وبعد أسبوع أزورهم في المكتب وأختار الشكل المناسب
ــــــــــــــــــــــــــــ
شركة هالكو ممتازة ولكن مشكلتهم غالين جدا + يشتغلون بكسوة الواجهات بالكامل + الديكورات و ليس الديكورات فقط ( سعرهم لفيلتي متوسطة
الحجم كساء فوم بدون ديكورات و أعمدة و درايش و براويز 200 الف)
ــــــــــــــــــــــــــ
نصيحتي لأخواني أخواتي أنتظروني ولاتستعجلون حتى آخذ أخبار الشركة الجديدة وسوف أوافيكم بكل ماهو في صالحي و صالحكم ونستفيد جميعاً .
ربي اجعلني مقيم الصلاه ومن ذريتي ربنا وتقبل دعاء
أعرف ثلاثة من الربع متورطين مع الحجر .. اللي مركب له نوع غير عن اللي طالبه ومسوي له مخلوط .. واللي سرق منه مبلغ كبير وداخل قضية واللي يركبون له شوي شوي وعذرهم إن الحجر غير متوفر
لو بتاخذ عاين الحجر لو موجود واطلب نقله للموقع وتخزينه حتى تضمن شغلهم يمشي
فيه شركة اسمها ديكوليت ما ادري هل احد سمع فيها؟
اعتقد تشتغل الديكور البيت من الخارج والعواميد وماسكين مجمع الجديد فندوم كامل قريت عنه ف موقعهم decolite وفي انستغرام
أي شركة تقول الفوم عندهم ضد الحريق ياخذ العميل قطعة بسيطة ويجرب يحرقها بولاعة ويشوف النتيجة
صحيح فيه فوم مضافة عليه مواد تخليه ما يحترق بس مب في قطر حسب علمي
كذلك اللي بيجربه ضد الأحماض يحط نقطة تيزاب في ماي ويرشه ويشوف شيصير .. المطر عندنا دوم في بدايته حمضي .. وللتجريب نقدر نعصر عليه شوية برتقال أو لومي صدقوني يختفي
عيال عمي مسوين بيوتهم من نفس المادة ولها سنين عازلة وجيدة ومنظرها حلو بس مكلفتهم قرب قيمة الحجر ولا ادري بمشاكلها المستقبلية .. لازم مشرف جيد يتابع التنفيذ ويضمن طبقة البلاستر عليها تكون كبيرة كفاية .. لكن الماي يخترق البلاستر والخرسانة والطابوق وكذلك يوصل الحامض للعازل مع المطر الحمضي المنتشر عندنا من تلوث الجو .. وسنة بعد سنة مؤكد الفوم يتآكل ويختفي .. اللي نستعمله داخل تجويف الحائط يكون ألواح في الغالب كاملة ومغلفة ببلاستك حتى ما توصلها الرطوبة وسمك الطابوق من الجهتين يمنع الرطوبة نوعاً من الوصول .. فرق عن سمك البلاستر الخفيف اللي يسوونه هالكو وباقي الربع
ضوابط المشاركة
رد مع اقتباس