السلام عليكم يا اخوان
ماهو الفرق بين الفوم والحجر من حيث الكفاءة والجمال والاسعار..
ياليت اللي عند خبره لا يبخل علينا
مشكورين
السلام عليكم يا اخوان
ماهو الفرق بين الفوم والحجر من حيث الكفاءة والجمال والاسعار..
ياليت اللي عند خبره لا يبخل علينا
مشكورين
عليكم السلام ورحمة الله وبركاته
في السعر الاثنين متقاربين والفوم مادة سهل التعامل معاها وخفيفة ورخيصة لكن اللي يشتغلون فيه يبالغون في ربحهم .. من أيام سمعت إن شركة تسويه ب 40 ريال كبداية وألحين 200 للمتر
الفوم يعطيك عزل حراري وصوتي جيد بحدود ما يقارب 10 أضعاف عزل الحجر وحدود 20 ضعف عزل الخرسانة .. 5 سم تعادل متر خرسانة لو نبي نوصل نفس العزل
ولد عمي مسوي مجلسه وله فترة ولا واجه مشاكل .. انا شفت بسرعة قبل وحسبت الطبقة الحامية للفوم بدت تتقشر لكن طلع غبار لاصق وطار مع المطر وكنت غلطان .. صحيح اللون الداكن يبهت شوي والصبغ الخشن يمسك الغبار وأي دزاينات كذلك تمسك الغبار ويعلم عليها المطر لو نزل
في رأيي لو سويت الحجر بسيط وميكانيكل وركبت فوم تحته بيكون أفضل
عندي ولد عم ثاني سوى بيته بديكورات قوية من ضمنها أعمدة خارجية كلها من الفوم
جمال الحجر في التفاصيل الدقيقة والمصنعية أكيد يعتمد على مقاول الحجر وبيكلفك حول 400 - 800 ريال للمتر حسب التصميم وتعقيداته ونوعية الحجر
نقطة أخيرة .. كل اللي يركبون حجر هالوقت يشتكون من نقص الكميات والتأخير
بيتي مرحلة التشطيب
وتميت 3 أشهر مو عارف أكسي الواجهات ( حجر ، بلاستر و صبغ ، جي آر سي ، فوم .. ألخ )
كل يوم فيه شركة ياخذون القياسات ، دوختهم و ودوخوني ، كل يوم أكلم المقاول
أقول له أضرب بلاستر ليش متأخر و مره أقول له لاتضرب ليش مستعجل
المهم في الحجر أقل سعر قالوا لي حق واجهتين 200 الف وأعلى سعر 460 ألف ( حجر سوري )
بذمتكم ماتخلي الواحد يخاف من أصحاب الحجر ، ليش هالفرق في السعر وكل واحد يمدح سلعته ؟ وأيضاً الخوف من سقوط الحجر على الأطفال و السيارات وهذا صار عند جارنا
قلت باركب جي آر سي ، الأسعار متقاربة بس له عيوب منها يصير كراك بين القطع
الفوم فيه شركة متخصصة تسويه بس سعرها نار قال لي بيتك بيكلفك جميع الواجهات من 350 الى 400 الف
المهم شاء الله وأراد أن مندوب المقاول قال ليش ماتركب فوم ( توه جديد في البلد وفيه خيارات واسعة و في أوروبا شغالين فيه من زمان وعيوبه قليله )
و جاب لي رقم شركة منافسة للشركة الأساسية سعرها أقل منهم بـ 11 ضعف السعر اللي عطوني
كلمت الشركة و زرتهم في مقرهم في النصر ( طلعت شركة كبيرة ولها أفرع في المقاولات و الأصباغ و جديدة في الفوم وماسكين كذا مشروع و فيلا )
ف اللي شفته في الشركة و قلت السعر و الضمان 7 سنوات و الديزاينات المتعددة بناءً على كتالوجات عالمية جعلتني أرتاح
للتوقيع معهم وبإذن الله أخوي و صديقي أبن عمي راح يوقعون معهم بعد مباشرتهم لفيلتي .
الفوم النوع الممتاز منه 5 سم ما يجي سعره 10 ريال للمتر المربع بس يضربون ضربتهم بعض الشركات
السلام عليكم و رحمة الله و بركاته
يا إخوان أنا الآن معهم في مرحلة التصميم وممكن خلال 10 أيام أوقع معهم عقد الشغل
فمن رأيي تنتظرون حتى أشوف شغلهم عندي وأعطيكم صور و رأيي عن الشغل بالكامل + التعامل
إذا الشركة و شغلهم ممتاز نزلت رقمهم + صور
وإذا مبتدئين و و لهم اخطاء فأنتم إلى الآن لم ييتفقوا معهم
واللي يبي رقمهم على مسئوليته يراسلني على الخاص