محتاج خبرتكم يالمتزوجين

[الفهد1]

100 الف مهر 150 الف قاعة الفندق 30 الف شبكة الخطوبة 50 الف خيمة الرجال 20 الف صباحية 50 الف سفر شهر العسل موخر 100 مؤخرعلشان يربطونك فيها الا من رحم والاحساب عندك

[qatarman8008]

بخصوص النقطه الرابعه عندك شخص اقدر اتواصل معه او كتاب استفيد منه ؟

ومشكورين استفدت من ردودكم وماقصرت يا qatarman8008

حاضرين لك طال عمرك..

[وسمي2016]

عليك بصلاة الإستخاره في مثل هالمواضيع ..
والهدايه والتوافيق من الله سبحانه وتعالى

والله ولي التوفيق

[Ahmedalhussi]

نسال الله التوفيق وابشر بكل خير

[مختلفة عقليا]

السلام عليكم

اوووه بتزوج بالبركة اخوي محمد ..

ماعرف التكاليف انا ما سويت عرس ..

اما عن العمر والله ما تفرق 19 والا 39 !! اهم شي تفكيرها وتفكيرهم انت .،

نصيحة خذوا دورات ( مجانيه ) في الاستشارات

والله يوفقكم

[aloosh]

على زماني كلفني عرسي 35 الف
شوف اخوي محمد اذا لم يبالغوا اهل العروس ما راح يكلفك شي غير 100 الف وعرس ولا اروع
اما المبالغه لن يكفيك 300 الف
من زوج بنته بقصد الستر بارك له الله وفيه ناس مازالوا فيهم الخير لا يضغطون على المعرس همه ان بنته تزوج برجل صالح

[R 7 A L]

مؤيد لجميع الردود الي يقولون اخذ دورات استشارية

[SH.FLOWERS1]

والله يا اخوي ودي اقولك لا بعد تسرع الا اذا كنت قد فكرت ف الموضوع كثير.
عمرك حاليا 20 سنة العمر كلة والبنت كذلك اصغيرة لا مايمنع انك تتزوج لكن المغريات كثيره ف الحياة والمتطلبات كذلك.
اما بالنسبة للشباب اذا ماخلصت دراستك ف الافضل انك تخلصها الجامعية كلها الا اربع سنين وتخرج.
انا ما ادري شنو اظروفك لكن العرس من غير مهر حاول انه ما يكلفك 200 الف بالكثير نصيحة واذا عندكم مجلس كبير افضل انك تتزوج فيه.
الله يوفقك ويسهل دربك لكن مثل ماقلت لا تستعجل ف الزواج الا بعد تفكير ف الموضوع عدل انك مستعد صح

[غايه الطواش]

بالمبارك ان شالله الله يوفقه ويسعده ويبلغج في اخوانه وعياله واخته

اخي محمد ، بما انك مقبل عالزواج باذن الله نسال الله لك التوفيق من عنده وحده وباعطيك تجربتي في هالموضوع

توني زوجت ولدي البكر 25 سنة الله يحفظه ويوفقه ويسهل اموره الجاية ، اخترت له بنت صغيرة تقريبا بالعشرين ، اعرفها عدل واختياري جا بعد ماعاشرتها سنين عرفت اطباعها واخلاقها بحكم الجيرة والصحبة مع بنتي ، وعرفت اهلها امها ابوها اخوانها يعني تقريبا كل شي عرفته عنهم ، ولما ان الاوان طلبناها للزواج وتم ولله الحمد ، بمعنى اختيارك خلي بناء على خبرات الامهات والخوات ، الا اذا انت في بالك حد معين شايفها بمكان والا انتبهتى لها بمكان شغلها يعني ، اهم شي لو صغيرة 18 سنة او اكبر اصغر من جذي ماينفع صعب تتحمل مسؤولية خاصة بوقتنا المعاصر ، المهم لجيت بتسال اسأل عن دينها واخلاقها وهاي صعب انت تعرفه لازم احد الحريم يقوم بهالمهمة اسال عن ابوها اخوانها ، تعليمها مهم حتى لو عندها ابتدائي ، لاحظ لبسها اذا راعية ماركات وكشخة فهذي عالاغلب راح تكون متطلبة طبعا مب دايما الا من رحم ربي .
نجي للتكاليف اخوي محمد ، زواج ولدي كلفه 500 الف زايد شوي ناقص شوي بس بهالحدود العرس كامل من بداية الملجة لين شهر العسل وحفل الاستقبال للعروس هذي تكلفته شامل مهر وشبكة وخطوبة وعرس رياييل وعرس حريم وشهر عسل واستقبال العروس ولله الحمد والمنة ، لانه من البداية قلنا لهم امكانياتنا كذا حدودنا كذا ووافقوا ، والحمد لله ماضطر يتسلف من البنك ولا ياخذ قروض كله من اللي وفره من راتبه والعينيات اللي حصلها من خالاته وعيالهم ونسايبنا ، ولا سوي شي فوق المعقول وبشهادة الجميع عرس الرياييل كان جدا راقي وعرس الحريم جدا راقي وكله بفضل الله ومنته ، هذي تجربتي باختصار شديد اتمنى تفديك وتفيد غيرك

انت عزم وربي بسهلها
والعينيات بتجييك من كل صوب

[7aayaahh1]

البنت بهالعمر مب مشكله اشوفها افضل اتربى تعجنها هههه خبز دعابه

اما الرجل لازم يكبر شوي ويعقل نفسه ويكون قد المسؤوليه ويتحمل بها لان البنت بهالعمر تبي رجل رشيد مش مثل ربعنا ماشبع طلعات وسيلين ومادري شنو وقاطعا مع الخددامه مسكينه

المبلغ على حسب العوايل في الي يطلب مبلغ وقدره وفي الي على قدهم لذالك كل واحد بيعطيك رقم يختلف عموما الزواج كمعدل معتدل بيكلفك 450 الا من رحم ربي وفي الي يكلفهم 700 على حسب نصيبك

الله يوفقك مقدما وانوي وبتشوف شلون تهل عليك الخيرات

انصحك عرررررررس

ههههههه لا وين الحين البنت الصغيرة أو ألي أصغر من زوجها هي تعجنه وهو يضحك