محتاج خبرتكم يالمتزوجين

[مـحـمـدـ]

السلام عليكم

ودي اعرف المبلغ الكافي لتكاليف الزواج + اشرايكم في البنت الي عمرها 17-19 تتوقعون جاهزه للزواج ؟ وللعلم انا في بداية العشرين

[نفسي عزيزه]

البنت بهالعمر مب مشكله اشوفها افضل اتربى تعجنها هههه خبز دعابه

اما الرجل لازم يكبر شوي ويعقل نفسه ويكون قد المسؤوليه ويتحمل بها لان البنت بهالعمر تبي رجل رشيد مش مثل ربعنا ماشبع طلعات وسيلين ومادري شنو وقاطعا مع الخددامه مسكينه

المبلغ على حسب العوايل في الي يطلب مبلغ وقدره وفي الي على قدهم لذالك كل واحد بيعطيك رقم يختلف عموما الزواج كمعدل معتدل بيكلفك 450 الا من رحم ربي وفي الي يكلفهم 700 على حسب نصيبك

الله يوفقك مقدما وانوي وبتشوف شلون تهل عليك الخيرات

انصحك عرررررررس

[مـحـمـدـ]

البنت بهالعمر مب مشكله اشوفها افضل اتربى تعجنها هههه خبز دعابه

اما الرجل لازم يكبر شوي ويعقل نفسه ويكون قد المسؤوليه ويتحمل بها لان البنت بهالعمر تبي رجل رشيد مش مثل ربعنا ماشبع طلعات وسيلين ومادري شنو وقاطعا مع الخددامه مسكينه

المبلغ على حسب العوايل في الي يطلب مبلغ وقدره وفي الي على قدهم لذالك كل واحد بيعطيك رقم يختلف عموما الزواج كمعدل معتدل بيكلفك 450 الا من رحم ربي وفي الي يكلفهم 700 على حسب نصيبك

الله يوفقك مقدما وانوي وبتشوف شلون تهل عليك الخيرات

انصحك عرررررررس

والله ودي باقرب فرصه وتسلم على دعمك الله يكثر من امثالك ياخوي â‌¤ï¸ڈ

[فريج النجادة]

السلام عليكم

ودي اعرف المبلغ الكافي لتكاليف الزواج + اشرايكم في البنت الي عمرها 17-19 تتوقعون جاهزه للزواج ؟ وللعلم انا في بداية العشرين

اسمع نصيحت اخوك الكبير

حاول انت وزجتك تدخلون دورات في بناء الاسرة

لا تستهين فيها ابدآ

فيها المفتاح الحقيق لبناء الاسرة

والله يوفقكم يارب

[Dana’1]

وعليكم السلام ورحمة الله وبركاته
هالأمور تختلف من عايله لعايله...فيه
عوايل تشتري الرجال ولا تفكر بمهور عاليه او حتى حفلات زواج مبالغ فيها.. وفيه العكس واظن انهم قليل
وأن كان الأمر مفتوح قدم إلي تقدر عليه من غير ما تكون عليك ضغوط ماديه مستقبليه

بالنسبه للعمر للأمانه في بنات بهالعمر الي ذكرته وماشاءالله قد الزواج وواجباته وحقوقه
وممكن وحده أكبر بكثير بس ما تناسب والعكس صحيح. حسب كل بنت واستعدادها

ونفس الشي الرجال بعضهم بالثلاثين والا ربعين ومايصلح كزوج وأب وفيه اصغر يكونون أحسن والعكس
مافي شي ثابت من ناحية العمر
لأن
هالامور تختلف من شخص لشخص بأخلاقه وسلومه كيف تربى وتعلم وغيرها


****عليك بصلاة الإستخاره في مثل هالمواضيع .. والهدايه والتوافيق من الله سبحانه وتعالى ..

موفق يا رب آمين

[SouthK]

اولا مبروك .. منك المال و منها العيال
عمر البنت مب مقياس للزواج .. تلقى الصغيرة تفكيرها اكبر من عمرها و تلقى اللي في الخمسين تفكيرها مثل المراهقات .. و نفس الشي على الرجل!
بخصوص التكاليف لها اعتبارات وايد منها اللي ما له اساس شرعي او منطقي و منها اللي له اهميته .. البعض يزوج بنته بحفظ المتقدم لها من القرآن و البعض يطلب مال قارون ..

استخير اذا ناوي ... الله يوفقك

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

الله ييسر لك امر الزواج


اولا : تخير الزوجة ذات الدين مثل وصية النبي ﷺ فهي اللي بترتاح معها

ثانيا: المهر القليل هو اللي فيه البركة، وحاول تتفق مع الزوجه على هالموضوع ، اما التكاليف الثانية فتجنبوا فيها التبذير و الاسراف والبذخ الزايد ، وخل عرسك خالي من المحرمات حتى تنطرح فيه البركة

ثالثا: عمر الزوجة مب مقياس، الاهم عقلها و تربيتها..


رابعا: الزواج مسئولية فلازم تتثقف عن الحياة الزوجية ثقافة تعينك على الاستمرار فيها
من الناس الموثوقين اصحاب التخصص و الخبرة ومب من أي أحد
وكذلك زوجتك لابد لها من هذا
واعرفوا احكام الشرع فيه


موفق..

[qatarman8008]

السلام عليكم اخوي الكريم محمد..
الحكم هنا ليس بالعمر ابدا..
ولكن بالقدرة على تحمل المسؤولية..
مسؤولية الزواج هي تخصيص اكبر وقت وجهد ومال من اجل انجاح هذا المشروع والقدرة على حل المشاكل والتعامل معه بما يضمن الاستدامة..
اذا شفت نفسك قادر على تحمل المسؤولية وضروفك تساعدك على هالشي دوس ريس..
واذا شفت نفسك وضروفك ماتساعد رد نمره وخف او اسحب هاند..
هذا اولا..
ثانيا الطرف الاخر اللي بترتبط فيها لازم ايضا تكون مستعدة لتحمل المسؤولية وضروفها تساعدها على هالشي..
ولو اني افضل انها تخلص دراسة الثانوية عالاقل قبل الزواج عشان تتفرغ اكثر للزوج والبيت والعيال..

[qatarman8008]

اتمنى لو يتم نقل الموضوع للحوار العام عشان يستفيد منه اكبر عدد من الاعضاء وخصوصا المقبلين على الزواج..

[qatarman8008]

اما بخصوص تكاليف الزواج فلا يستوي ابدا ..
واتمنى انك تتجنب التقليد هنا لان في كثير من العائلات صارت تنفق ببذخ على مثل هالامور وهالشي حرام شرعا ولا يجوز..
المهر يختلف من عائلة لعائلة واتمنى ان يتم تحكيم العقل والدين هنا من اجل طلب مهر مقبول دينيا واخلاقيا واحتماعيا..
قيمة المهر بتعرفه من خلال التعرف على العائلة الثانية كم خذوا مهر على بنتهم وكم ادفعوا مهر حق ولدهم.. خلك سياسي ههههه..
الذهب ايضا يتم الاتفاق عليه بين العائلتين وانا اشوفه مو خسارة اذا ماقارنتوه بتكاليف العرس الاخرى لان الذهب يبقى وباقي التكاليف تنتهي بانتهاء وقت العرس..
الحفلات عندك حفلة الملكة وهذي تكون بسيطة جدا للاقارب فقط..
وبعدين حفلة الخطوبة وعقبها حفل الزواج..
هنا يمكن دمج حفلة الملكة والخطوبة معا وهذا الشي شفته في اكثر من مناسبة..
التكاليف للرجال قاعة + مقهويين مع اغراضهم + بخور عود + ذبيحة لكل عشر اشخاص وعندك الحسبة + فرقة شعبية تقريبا.
التكاليف للنساء ماودي استرسل في الحديث اخاف يزعلون مني الحريم ..
وشكرا..